اخر انجازات ناصر الحمد: رواتب الاخوة السعوديين تفوق رواتب الكويتين لأول مرة

[سعد الشمري]

والله كلنا بخير و نعمة و رواتبنا لله الحمد بس تبي الشكر لله سبحانة وتعالى والله لا يغير علينا

 

[Orans]

قلنا نريد اقتصاد حكومي قوي وضرائب على الشعب لكي تتقوى ميزانية الحكومة .,

وقلنا نريد رواتب عالية للشعب لأننا دولة غنية ولكن اقتصادنا ضعيف مدمر بالسرقات والرشاوي وسوء ادارة ناصر المحمد ,,

شهالتناقض ؟ تبي رواتب عالية وتبي ضرايب على الشعب ؟

أنا بسألك يوسف هذا اللي كاتب موضوعه منين بيدفع ضريبة ؟

 

[سعودي و أثبت وجودي]

القطرين زاادو رواتبهم اضعاف الله يهنيهم وانتم للحين تتهاوشون .......

 

[قيادي]

اولا

السعوديين يعانون من قل الرواتب في العسكريه فقط..وتحديدا في الجيش..

اما القطاعات العسكريه والآمن العام فرواتبهم ممتازه.والحرس الوطني كذلك فاقل شي ٧٠٠٠ الالف ريال وطالع

اما رواتب الجامعيين فهي جدا ممتازه..وتتجاوز ١١ الف ريال كمربوط اول..

اما بالنسبه ان هناك سعوديين يعملون في الكويت ..فهذا منذو زمن طويل..واغلب الموظفيين الآن تجد خدمتهم في العسكريه الكويتيه ٣٠ سنه وطالع أي قبل ان يلد بعض المشاركيين..بل على العكس الآن اذهب للجبيل الصناعيه وانظر الى عدد الكويتيين العاملين في شركات سعوديه..او اذهب الى الرياض وجده وانظر الى الكويتيين الاطباء اصحاب العيادات او الموظفين في المستشفيات الحكوميه

هذا غير الطلبه الكويتيين سوا في المرحله الثانويه او المرحله الجامعيه اعداد كبيره جدا..

فلا يخرج لنا غراب ويقول السعوديين تارسين الكويت ...فأنتم ايضا تارسين السعوديه!

في الأخير لا قرابه من هذا الأمر ..فكل دول الخليج تمتاز بقطاع معين..ومن حقي كخليجي ان اذهب الى اي دوله خليجيه اجد فيها فرصتي

سلام

 

[سعودي و أثبت وجودي]

للي ينتقد السعودية الي تحتاجهم الكويت للعمل فيها ... يعني عسل على قلبك الايراني يااخذها ...!!!

 

[ح / م ~]

ليس من اخلاقي قهر النساء الضعيفات وخصوصا الايتام منهم ,,

حياج الله في الموضوع :وردة:

قهـــر!!

كثـّــر منهــا بس

كم انسى وكل مره اتعلم من جديد
فــأخلاقك تُمتحَن حين تتعامل مع شخص لا أخلاق له.
يا ربّ، جمّلني بالخلق الحسن​

 

[نيو كلير]

تدري العسكري الي ماوياه شهاده جم ياخذ اذا كان سعودي راتبه 900 دينار كويتي وصل يعني اكثر من 15 الف ريال وذا كان كويتي راتبه فوق 1200 هذا طبعاً ماحسبت لك الزوجيه ولا حسبت لك بدل الأجار انا اكلمك عن العزابيه الحين ياحبيبي الرواتب مافي مقارنه بين الدولتين انتو للحين في ناس عندكم تستلم 3 تالاف ريال تعرف 3 تالاف ريال هذا اقل حتى من دعم العمال يعني دعم العمال بلكويت حتى لو ما اشتغل اجلس بس بلبيت استلم 6 تالاف 7 تالاف ريال وهذا اعزب بعد ياعزيزي لا تقارن الكويت بسعوديه قول الكويت في قطر اقولك ايه معاك حق لكن السعوديه صعبه شوي السعوديه الشعب ماديته ضعيفه جداً جداً ومازال الشعب يركب سيارات قديمه ويوصل عبريه ويشتغل عدت امور صح الشغل مو عيب لكن هذا دليل على الفقر الشديد وفي عوائل سعوديه مو لقيه تاكل لن ماعندهم رجال يصرف عليهم لكن الحرمه في الكويت تاخذ راتب نفس راتب رقيب اول في السعوديه لاتزعل من كلامي هذا الصج وشكراً

اقسم بالله ان الاغلبيه مرضى وكلامهم لا يقوله الا الاطفال
عندنا سيارات جديده وانتم سيارات قديمه ؟؟؟ هذه سالفه تقولها يابو 6 تالاف ؟

 

[نيو كلير]

مشرد!!!

لاننكر دور السعوديه
وايضاً من المخجل فعلا لك
ان تتجاهل دور الدينار الكويتي

والذي عشت بسببه بعد رحمة رب العالمين
باحلك الظروق وكأنك ملك​

كفاك تهريجاً ايها الاصلاحي الفذ

​

الدينار الكويتي والعراقي تم تجميده دوليا ولم يتعامل به احد لان الدوله الكويتيه الغيت تماما في ذلك الوقت فلا تحاولي ان تغيري الحقائق المعروفه لمن هو بسن الرشد في تلك الفترة

والله يعز المملكه اللي تسوي خير وترميه للبحر الا مع من يستحق

 

[مـساعـد]

أنا باط جبدي هالنقاش

و إذا كانت رواتب الكويت اكثر من السعودية ؟؟ أو إذا كانت رواتب السعودية أغنى من الكويت ؟؟

أيش هالكلام هذا لا يقلل او يرفع أحد الدولتين

أتمنى نرتقي بتفكيرنا قليلاً
​

 

[فتي الجزيرة]

اقسم برب البيت وربي علي شهيد فيه كويتيين يشتغلوون في ستار بكس بالمدينه المنوره طريق سلطانه النازل وبالنسبه للي يقارنون الرواتب تري العبره في تكلفة المعيشه السعودية اقل دولة بالخليج الأكل والبنزين الأرخص يعني اقدر اكل ب5 ريال واشبع 3 معي لاكن هل هاذا المبلغ يجيبلك شي دائما المقارنه تكون بتكلفة المعيشه وعلي فكره معروووف ان المواطن الكويتي مع احترامي له غرقان بالقرووض وانتم تعرفو هالشي والكل يعرف ان 600 دينار لاتعني شي بالنسبه لغلاء المعيشه بالكويت وهي ك3 ألاف بالسعودية وللعلم السعودية تبني خطه اقتصاديه جباره وهناك 7 مدن صناعيه واقتصاديه ستوضف ملااايين المواطنين

 

[ح / م ~]

الدينار الكويتي والعراقي تم تجميده دوليا ولم يتعامل به احد لان الدوله الكويتيه الغيت تماما في ذلك الوقت فلا تحاولي ان تغيري الحقائق المعروفه لمن هو بسن الرشد في تلك الفترة

والله يعز المملكه اللي تسوي خير وترميه للبحر الا مع من يستحق

كل مااقصد بالدينار الكويتي
اي ان بسبب حكمة الحكومه الكويتيه
عشنا تلك الفتره العصيبه وكأننا سيّاح
لله الحمد والمنه

مشكله اللي يجي من أقصاه ​

 

[ALI ALQAHTANI]

تغير اتجاه الموضوع وصار استعراض سياراتنا افضل من سياراتكم !!!
ودخلنا في التوظيف والفقر والاسكان ووو ...
وبصريح العبارة سوى كان مواطن في السعودية او الكويت او غيرها من دول الخليج مادام معيشته مرتبطة بالراتب الشهري سوى كان عالي او منخفض تعتبر من محدودي الدخل
لكن الفرق فقط بحسن التدبير والابتعاد عن الاشياء الغير ضرورية بس مشكلتنا اللي راتبة ضعيف يبي يساير العالم اللي حولة يعني لازم

اولا ::

1- يكشخ بسياره ( اقساط او تأجير المهم اكشخ مع العالم وبس

2-اكسسوارات ايفون وايباد وايبود ولاب توب وقيمز وساعة رولكس او غيرها من الماركات ووو

3- كلنا نبي نسافر ( فقيرنا او غنينا او متوسط الحال) نبي المالديف ومرابع فيينا وباريس وغيرها

4- كلنا لازم نجيب شغالات وخدم وسواقين حتى لو فقط بس هو وزوجته راسين ولازم شغاله

5- لازم اذا عند اهلك بيت ماتجلس معهم لازم تطلع برى وتستأجر وتأثيث عشان الاستقلالية وانت كل ساعتين في بيت اهلك او اهل زوجتك ... يعني كانك يابو زيد ماغزيت
6- لازم كل يومين او بعضهم يوميا اكل في بيت المندي و تشيلز وامر على ستار بوكس وكنتاكي وغيرها ( نثريات )

7- كل شهر مرتين او 3 مرات تسوق ملابس وغيرها ...

يعني على قول المثل ( فقير ولابس كبك )



ثانيا ""



عشان اصير مثل اللي فوق وانا راتبي محدود ماعندي الا حل واحد وهو
البنك وقروضة وبطاقات فيزا وماستر كارد وهنا طار نصف او ربع الراتب واستمر هذا الموال اللي ماراح ينتهي وصار رهينة للبنك كل مانتهى قرض اخذ اعادة تمويل وهات وكل سنة على هذا الموال لا ويتقاعد وهو مديون ....



الحل "



حسن التدبير فقط كم واحد راتبه لايتجاوز 5 الاف بس مكتفي وعنده اسرة وربي مسهل امورة وكم واحد راتبة اكثر من 30 الف ومع ذلك يوصل نص الشهر يتسلف بنزين سيارته ويامكثرهم
انا ماطلب من احد يصير ( قعيطي او جلدة ) وبخيل بس اصرف بحد المعقول ورتب امورك حسب دخلك الشهري ومادام الواحد فينا مديون للبنك او غيرها فانت تعتبر غير مؤهل انك تبني لك استقلالية وتطور من دخلك المادي حتى يصفي لك راتبك لكن المشكلة نشتغل ونتعب وياخذها غيرنا باردة مبردة اخر الشهر وهذا حال 70% من الشعب الخليجي بغض النظر عن راتبك كبير او صغير مادمت مديون فانت من محدودي الدخل واعتمادك فقط على راتبك ...



ملاحظة "



كل واحد يشيك على حسابة الحين اللي يلقى فيه مايعادل الف دولار فيعتبر من اهل الدخول المرتفعه واذا اقل فانت للاسف منتف وماعندك شي بس تحب الاستعراض والهياط ..

 

[مـساعـد]

أنهاء لهذا النقاش العقيم

الكويت :

الناتج المحلي الإجمالي تقدير 2010
(تعادل القدرة الشرائية)
- الإجمالي $205.829 مليار[2]
57,500 $
- للفرد $84,304
الناتج المحلي الإجمالي (اسمي) تقدير 2010
- الإجمالي $135.062 مليار
- للفرد $57,482

السعودية :

الناتج المحلي الإجمالي تقدير 2009
(تعادل القدرة الشرائية)
- الإجمالي $593.385 مليار[3] (22)
- للفرد $23,834[3] (38)
الناتج المحلي الإجمالي (اسمي) تقدير 2008
- الإجمالي $481.631 مليار[3] (25)
- للفرد $19,345[3] (39)

و كما قلنا سابقاً هذا لا يزيد السعودي أو يقلل من الكويتي او العكس


​

 

[نسيت انساك]

اقسم برب البيت وربي علي شهيد فيه كويتيين يشتغلوون في ستار بكس بالمدينه المنوره طريق سلطانه النازل وبالنسبه للي يقارنون الرواتب تري العبره في تكلفة المعيشه السعودية اقل دولة بالخليج الأكل والبنزين الأرخص يعني اقدر اكل ب5 ريال واشبع 3 معي لاكن هل هاذا المبلغ يجيبلك شي دائما المقارنه تكون بتكلفة المعيشه وعلي فكره معروووف ان المواطن الكويتي مع احترامي له غرقان بالقرووض وانتم تعرفو هالشي والكل يعرف ان 600 دينار لاتعني شي بالنسبه لغلاء المعيشه بالكويت وهي ك3 ألاف بالسعودية وللعلم السعودية تبني خطه اقتصاديه جباره وهناك 7 مدن صناعيه واقتصاديه ستوضف ملااايين المواطنين

كويتي بستار بكس قويه قويه ودي اصدق ياخوي بديرته ماشتغل في ستار بكس هههههههه تبيه يشتغل بديره ثانيه ياحبيبي لكويتي لو يقعد في بيته بيعيش ملك تبيه يروح ستار بكس حبيبي لا يكون هذول يمنين وقايلين كويتين وانتا مضيع

 

[بوعمشه]

http://www.alriyadh.com/net/article/665381 شوفوا الرابط هذا اليوم

 

[عبدالعزيز الهاجري]

اذا انت تقول ديكتاتوريه هذا لانك جالس في ديرتك ولاعمرك شفت السعوديه ولاتدري عنها ​

بغير اسمها اجل شعبها مهان بالله بس !! احلف !! كثر منها ​

اولاً السعوديه او ملكها اللي خليته ديكتاتور يتشرفون بخدمه الحرمين الشريفين شرف ​

بحياتك كلها ماتحلم فيه ​

السعوديه تدفع ميزانيه خاصه للحرمين الشريفين وفوقها التوسعات وفوفها المشروع اللي ​

تم عمله في الجمرات وفوقه قطار المشاعر وازيدك من الشعر بيت بفضل الله ثم الدوله اللي ​

تقول عنها ديكتاتوريه لاول مره في حج العام ولاحاله وفاه وانا لي معارف من ضمن العسكر ​

اللي كانو هناك ولعلمك العسكر اللي يروحون الحج لهم زياده في الراتب خاصه اضعاف . ​

السعوديه اوملكها الديكتاتوري بنظرك اخذ لقب ثالث اقوى شخصيه بالعالم يعني كلمته مسموعه وتمشي . وروح تصفح بنفسك وتاكد لو مومصدقني ​

الملك حفظه الله اللي تقول عنه ديكتاتوري بيوم من الايام كان يستقبل ضيوفه اللي يسلمون​

عليه وقال كلمه اتحدى رئيس عربي قالها . ( ماانام الا وسائلآً عن كل مناطق المملكه وماانا ​

الا خادم لكم واقل من خادم ) لومومصدق مستعد اجيبها لك فيديو ​

الملك الديتكتاتوري بنظرك زار بيوت الفقراء بكل تواضع ومحبه ماتكبر ولاشاف نفسه عليهم ​

الملك الديكتاتوري بنظرك بيوم من الايام بكل رجوله وشجاعه قال كلمه غريبه نوعآً ما تدري وش ؟ (( انا لو لا الله ثم شعبي لاشي )) اي ملك او اي امير يوصف نفسه بالوصف هذا ؟ وهم لو تحب تفتش عنها روح واتحداك اذا ماتحصلها . ​

الملك الديكتاتوري بنظرك رفع مستوى مملكته وبنى فيها جامعات ومستشفيات على مستوى ​

راقي ويكفيك جامعه الملك سعود اول افضل جامعه عربيه ولعلمك الجامعه هذي ابهرتنا بمخترعين سعوديين وهم اللي بعد فضل ربي صنعوا سياره ( غزال ) اللي هو اول سياره سعوديه . وهذا كله بدعم من الملك وتشجيعه للشباب السعودي . :إستحسان:​

الملك الديكتاتوري بنظرك ينشىء حاليا اكبر التوسعات للحرم المكي على مدى التاريخ . والملك الديكتاتوري بنظرك كان اول مومسموح لدول العالم تجي زياره لمكه او مدينه الا كم مره بالسنه بس . تدري انها الحين مفتوحه على طول متى ماحبو يجون !! وهذا اللي سبب الزحمه في مكه ومدينه الحين وبشده . ​

الملك الديكتاتوري بنظرك يوم من الايام جلس مع سفرائه وقال لهم كلمه وحده انتم تخدمون ​

الشعب السعودي واياي وياكم حد يشوف نفسه ويقول هذا انسان عادي المواطن من الشعب ​

السعودي وانا من الشعب السعودي وهو ابني واخوي . لله دره :وردة:ولو تحب تتاكد ومومصدق اجيب لك المقطع ​

الملك اللي تقول عنه ديكتاتوري ينفق المبالغ الخياليه لدعم المملكه وحفظ امنها بعد الله ​

ويمد القطاعات العسكريه بكافه مايلزمها . :إستحسان:​

السعوديه او حكامها اللي تقول عنهم ديكتاتورين حاربو الارهاب وقطعو عرقه وقتلو زعماء ارهابين كثيره وفوق هذا مارضو باعدام الارهابين من المواطنين بل بالعكس يقدمون لهم المناصحه ويرشدونهم الى طريق الحق ولله الحمد اهتدى منهم ناس :وردة:​

الملك اللي تقول عنه ديكتاتوري يوم حرب السعوديه مع الحوثيين راح بنفسه هو وولي العهد ​

حفظهم الله للمكان عشان بس يشدون من ازر الجنود ويبينون لهم انهم معاهم ليه ماخافو ​

اذا هم ديكتاتوريين مثل ماتفضلت . ​

اللي قلته شي بسيط وفي اشياء ماهي في بالي وشوف عند الاعضاء كلهم اقولك مستعد ​

اجيب لك مصدر عن كل شي قلته .. عشان تعرف ان دولتي وحكامي وتاج راسي موديكتاتورين مثل ماتفكر رغم اني اعرف امثالك ماراح يصدقون ولايصدقون الا هواهم
لانك هدفك التهجم على السعوديه ودائمآً تقول انك راعي نقد ​

اذا كل اللي قلته وللحين راح تقول ديكتاتوريه فـ افهم انها فخر وتاج على راسي لاني اعرف حكامي ​

اكثر منك واعرف حكمهم واعرف اخوان نوره حفظهم ربي :وردة:​

انت منو داس على عصعوصك؟

انا ودي اعرف وين قريت السعودية بالجمله اللي كتبتها؟

شنو اللي خلاك تعتقد ان كلامي المعني فيه السعودية؟

اللي على راسه بطحه يتحسسها​

 

[ALMutairi]

الشعب يريد الاصلاح اولا

ومحاسبا الراشي والمرتشي

والبايق والمتهاون وسراق المال

بعدين فكرو بالزياده

 

[الى متى؟]

البدون معظمهم عسكرين وفيه منهم معاشاتهم فوق 1500 دينار يعني اكثر من مهندس كويتي

جان مكملها وقايل مجلس الوزراء نصه بدون
يخرب بيت الحسد اللي عامي عيونكم وموت ضمائركم
قبل فتره جريدة نشرت ان عدد البدون العسكريين اقل من 5000 هل هالعدد مقارنة بأكثر من 120 الف بدون شلون سويتها معظمهم!!
اصغر بدون عسكري يمكن باقي له 5 سنوات وتنتهي خدمات وممكن يحنون عليه ويعطونه نهاية خدمة او يمرمطونه بعد ماخدمهم 30 سنة ويخلونه يرفع قضية ونص مستحقاته تروح للمحامي
وبعد ماشابوا وهم يخدمون هالديرة حتى معاش تقاعدي مايمشى لهم الا المشاركين بحرب 1967!

 

[الوحرة]

المصاريف:

180 دينار قسط سياراة لاند كروزر...لازم لاندكروز الله يهداك فورد ماينفع ولا كاميري توه متزوج الحبيب!!!
287 اجار الشقة .....نص العالم ساكنه عند اهاليها ليت معطي الاجار ابوه !وتبقى الاسكان مشكله !
119 قسط اثاث...الله يخلي سوق الجمعه لازم ميداس يعني ؟!!
15 دينار كفالة يتيم...ريتك تعطيها لواحد من أخوانك الصغار اولى وصلة رحم !
75 دينار خادمة ...الحين راسه براس مرته شحقه الخادمه توكم متزوجين :إستنكار:؟!!
250 دينار مصاريف جمعية....معاك الأكل غالي واحنا ياحبنا للعلف ! بس التموين مدعوم وموجود !
200 مطاعم وشراء نثريات وملابس وسينما....ملابس معاك مره مرتين مناسبه بس شهرياَ قووويه شدعوه مفاصيخ أجل لوعنده اعيال وش بيسوي ؟؟؟!! ولازم شهريا فرره ومطاعم وسينما الناس فلوسها صايره كلها ببطن العم "ماكدونالز " !
45 بنزين ( بجيب الايراني المجنس راعي المستوسف ) ...والله هالأيراني مو بايقك ! كل شي بحاسبه عب ممتاز وايد أرخص ولا خذ لك سياره على قدك !:إستحسان:
15 دينار اشتراك انترنت...النت ضرورة هاالايام ! ولازم يخفضون الاسعار انا معاك ..

=1186 دينار كويتي شهريا

بعدين تعال هذا ماعنده مصرف تلفون نقال ..فواتير ..كروت ..؟!
ثانياً: سالفة ان راتب السعودي اقوى من الكويتي قوية !القطري معقوله بس المشكله عندهم بالايجارات راتب الواحد 15 الف ريال قطري وقط 7 الاف ايجار ومو محصل سكن بعد !

يارجل الديره بخير ونعمه والخير واجد ولوان فيها بوق لكن الوضع ارحم من السعودية والبحرين وعمان
ناقصنا شوية حسن تدبير بالمصاريف ونبطلع بلع ونثريات بتلقنا كلنا ..(تــيــار ...يا حسيييينوووه

تحياتي لك خذ:وردة:
​

وفيت وكفيت ..................

الوافد معاشه لا يزيد عن 400 دك في احسن الاحوال

يعيش ؟؟؟

ويعيش اهله ؟؟؟

واولاده ؟؟؟

وحوالات حق بلده !!!

وعقارات في بلده ؟؟؟

وعيشته اخر سعادة .... ورصيده في البنك بزياده !!!!


وين الدبره ياشباب ؟؟؟ بسكم تشكي شوفوا الوافدين شلون صاروا اثرياء

وانتو بس تندبون حظكم ؟؟؟؟ من الكسل !!!!
​

 

[متعقد من الحكومه]

شفيكم فهمتو صاحب الموضوع غلط اهو يقصد قبل ناصر محمد كانت رواتب الكويتين اكثر من السعودين وهذا مو تقليل بحق السعودين المعني انه السعودين واغلب دول العالم ارفعو رواتبهم معا زيادة ارتفاع اسعار النفط وارتفاع كل شى بالعالم الحكومة الكويتيه ظلت مكانك راوح