ظاهره دشاديش النوم .. ! !

[Desert Eagle]

السلام عليكم .. ،،

دشاديش النوم .. من اسمها للنوم فقط

لكن البعض خلاها لمشاوير الجمعيه ، مشاوير المدارس بالهده او الصبح ، او مشاوير الصناعيه اذا يبي يصلح سيارته الصبح


كم واحد فيكم واجه هذي الظاهره التي للاسف انتشرت

يا اخوان والله عيب

هالواحد عنده عيال يقلدونه ، وعنده ناس برا يشوفونه

سؤالي شلون نحد من هذي الظاهره الي تقص الوجه ؟

 

[بيدبا]

والله ياخوي مرات نبالغ بعض الشي
انا ماني شايف فيها شي اذا اواحد ودى عياله للمدارس بدشداشة النوم
يمكن الطيب فيه نومه ويبي يرجع يكملها

 

[بيدبا]

اسف المشاركه السابقه ارسلت سهوا ناقصه
ومشوار الصناعيه هم عادي والا تبي الواحد يروح داق السبعه
لكن مشوار الجمعيه لا ابدا ماتصلح دشداشة النوم
لكن بعض الناس الله يهداهم يروحون للمسجد بشداشة النوم
هذا الي استغرب منه

 

[بَسْمَة ..]

إمممممممم ما أحب البروتوكولات الشائكة ..

الواحد اذا قايم الصبح بيودي عياله المدرسه مثلاً ويرد البيت ما وراه مشوار !

يعني هو اصلا قاعد بالسياره من بيشوفه .؟!

مافيها شيء لو راح بدشداشة النوووم ..!!

لازم يكشخ ويتزقرت ؟!

:


فيه أمور ما تستلزم الاستنكار ونستنكرهـآآ بشده

وفيه أمور تتطلب الاستغراب ونمشّيها بمزاجنا !

مثل واحد يجي لابس شورتْ لفوق الركبـة .. و نعل [ الله يكرمك ] مدري شلون صايره ..!!

وبلوزه حفـر و سلاسل ووشم ومدري شنو .. و جاي الجامعه بهالمنظر ..!!!

عسى ماشر.؟!

وياويلك ان طالعته بنظرة ازدراء .. لأّنك بتصير مو اتيكيتْ و " هيلقي " ولازم تتركه براحته

وما تخزه .. عشان تصير كووووووووول وذرب وتمشي عيونك سيدآآ مواكبة للمجتمعات الغربيّه

اللي ماتخززززز .. :وردة:

لكن هالمسكين والعفوي اللي رايح يودي عياله ويرد يكمل نومته

لا بيطلع متخلّف وانسان " مايستحي " .. ولازم نخزّه وننقده

فيه فرق كبير بين العفوية والتصرف بأريحية ..

وبينْ [ قلة الحيااا ] ..

مثال الهدة والمدرسه والمستوصف هذا شيء عادي جداً..!!


المهم انه ساتر عورته ..!!


/

لكن الأماكن الثانية .. مثل الوزارات لتأدية المُراجعات الضروريه وغيره

لا طبعاً هني نستنكر " دشداشة النوم " وبشششدة بعد ..!!


وبس !:وردة:​

 

[feed.back]

اذا كانت سهوا او علي عجله وفي مكان غير مزدحم ولغرض علي وجهه السرعه اظن مافيها شي

بس اراجع وزاره او معاملة ولابس جذي ؟؟ صعبة

 

[عبدالباري]

عادي شفيها دشداشة النوم


خلوا العالم تعيش

 

[سنـين التّيــــهـ..]

لا فشله....شنو يطلع ببجامه..

مافيه ذوق بصراحه​

 

[أبوطلال]

دشداشة النوم ..
بصراحه مافيها شئ اوصل عيالى للمدرسه
اروح الكراجات ليش اتلف دشاديشى الرسميه بالزيوت


الجمعيه :ممكن اتسوق بدشداشه عاديه بدون غتره وعقال .
والمستوصف ايضا ..

الديوانيات ومراجعه الوزارات والمناسبات :
لاطبعا لابد لبس غتره وعقال وادق السبعه بعد ..

ممكن اجرب يوم اوصل عيالى المدرسه بالمكسر


تحياتى :وردة:

 

[ابو عزوز العصفور]

انا ضد هالظاهرة وبشدة
ودشداشة النوم بالبيت فقط

 

[خـالد]

من أسمها "دشداشة نوم" ومكانها البيت...

 

[إنكشاري]

في قصر العدل حدث أمامي منع رجل كبير في السن كان يلبس بيجامه بكم طويل نفس تفصيل الدشداشه وداق الجريمبه صحيح أن لبسه غير مقبول في مكان رسمي ولكن كان من الأولى منع شبه العاريات من الدخول والتقليل من هيبة القضاء

 

[kuwait1]

دشداشة النوم في البيت فقط

 

[شجون الكويت]

السلام عليكم .. ،،

دشاديش النوم .. من اسمها للنوم فقط

لكن البعض خلاها لمشاوير الجمعيه ، مشاوير المدارس بالهده او الصبح ، او مشاوير الصناعيه اذا يبي يصلح سيارته الصبح


كم واحد فيكم واجه هذي الظاهره التي للاسف انتشرت

يا اخوان والله عيب

هالواحد عنده عيال يقلدونه ، وعنده ناس برا يشوفونه

سؤالي شلون نحد من هذي الظاهره الي تقص الوجه ؟

شوف اخوي دشداشة النوم ساعات نوعية الخام ولونها وتفصلاها تكون ذربه ومناسبة حق مشوار جمعيةأو صيدلية بوقت ليل متأخر وعلى عجاله بعد ممكن..أو مستوصف شغله طارئة أكثر من جذي مو ملائمه .. عادي مو شي غريب .. بس بيجامه أو أو دشداشه بنص كم أكيد مو لايق ومحرجه جدا وغير حضاريه .. .. شكرا ..

 

[حفيد المختار]

شخصيا البس دشداشة النوم لما اروح الجمعية او اقضي بعض المشاوير البسيطة ومافي اي مشكلة فيها دام انه لبس مهندم ومرتب

 

[مـساعـد]

على حسب المشوار

أنا ما اشوف فيها شيئ بس مع هذا يفضل أنك تلبس الدشداشة العادية
​

 

[Modest]

ممكن استثني ان الرجل يخرج بدشداشة نوم لما يودي عياله المدرسه بحكم انه ما راح ينزل من السيارة ..

لكن غير هالمكان مافي اي استثناء ، بعضهم يروح فيها المسجد او الصالون او جمعية !!

انا اشوف ان الامر هذا عيب ..

وايضا غير دشداشه النوم ، اللي لابس شورت ويدخل الوزارات ما يستحي هذا ..؟!!

 

[الكويت تاج راسي]

من اسمهــا دشداشـة نوم معناته للنوم فقط او للبيــت
بصراحه ظاهره مقززه والي يلبس دشداشة النوم بالاماكن العامه مايستحي على ويهه ( هيــلـقــي ) هههههه
لازم الواحد يكشخ من كشختــه النــاس حبتــــــــــــه المظهر مهم في زمنا
وشكرا عالموضــوع

امتناعك عن إلقاء قمامه واحده في ﺂلشارع ،
يعني توفيرك إنحناءة لظهر عامل النظافه في صيفنا الحارق




الــــــــــــــراحــمـــون يرحمهـــم الله .. ( ارحمو من فـي الارض يرحمكـم من فـي السمـاء )​

 

[0utsider]

صحيح انها تتنافي والذوق العام ،،،،،،،،،،،،،،،،،،،،،،،،،،، لكن الشخص حر تماما في لبسه طالما انه لم يؤذي الاخرين ،،،،،،،،،،،،،،،،،،،،،، دايما اشوف ناس لابسين دشاديش نوم باماكن عامه ،،،،،،،،،،،،،،،،،،،،، بالنسبه لي عاااااااااااااااادي ،،،،،،،،،،،،،،،،،،، حريته ومزاجه ومالنا سلطه عليه ،،،،،،،،،،،،،،،،،،،،،، بعدين يمكن الرجال يااخي ماله خلق ،،،،،،،،،،،،،،،،،،،،،،،،، من له خلق كل شوي غير ملابسك وازع دشاديشك ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

 

[جراح الكويت]

السؤال الذي يطرح نفسه كما يقال منو اللي له خلق أصلا ينام بدشداشه !!

أنا أختنق بصراحه لا نمت بدشداشه النوم على قولتكم وما أحب أطلع فيها أقعد فيها بالبيت مو مشكله أطلع فيها فشله يمكن لو لونها ساده ونص كم مو مشكله بس مقلمه ولا لونها وردي أو أزرق ...إلخ ماطلع فيها
​

 

[Desert Eagle]

والله ياخوي مرات نبالغ بعض الشي
انا ماني شايف فيها شي اذا اواحد ودى عياله للمدارس بدشداشة النوم
يمكن الطيب فيه نومه ويبي يرجع يكملها

اسف المشاركه السابقه ارسلت سهوا ناقصه
ومشوار الصناعيه هم عادي والا تبي الواحد يروح داق السبعه
لكن مشوار الجمعيه لا ابدا ماتصلح دشداشة النوم
لكن بعض الناس الله يهداهم يروحون للمسجد بشداشة النوم
هذا الي استغرب منه

سالفه المدرسه اوكي اقتنعت فيها

اما باقي المشاوير .. شنو خسران دشداشه عاديه ويروح

او لبس رياضي

يا اخي ما كثر ربي الملابس بالكبت

انا الصراحه دشاديش النوم ما احب انام فيهم البجامه الكويتيه المشهوره فنيله والمكسر

لكن دشاديش النوم اقعد فيهم بالبيت لان مو حلوه اقعد بالمكسر

شكراً لك