^^
من قالك المطالبة فجأة ؟
خلال 7 شهور وبطريقة جدا محترمة وديموقراطية تم المطالبة بهذا الكادر
ومن قالك المعلم يملك أعلى راتب بالدولة ؟
طالب ثانوي ندرسه يتخرج من الثانوية يدخل الجيش أو النفط على شهادته الثانوية ياخذ فوق راتبي يارجل !!
يااخي يكفي ان احنا نتعامل مع أبناءكم وننزل الى مستوى تفكيرهم بكثير من الأوقات حتى نتفاهم معاهم ، تخيل مدرس عمري 45 سنة وأغلب احتكاكي وسوالفي بالدوام من طلبة أعمارهم 15 و 16 سنة ، مهنة التعليم تلزمنا انه ننزل لمستواهم العمري حتى نوصل المعلومة بطريقة صحيحة ، انت لو تتعرض لنفس المواقف راح تصرخ وتزف الطالب لأنك بتحس انه طفل وعطيته وجه ، لكن احنا مانسويها ولازم نوسع صدرنا أكثر من اللازم حتى لا الطالب ياخذ موقف سلبي على المعلم ( هذي بالنسبة لنا أصعب شي بالمهنة وهو التعامل مع فئة عمرية أقل من فئتك العمرية بسنوات كثيرة )
اذا ماعندك حصة تكون بالممرات اشراف توزع غياب وتحل بمشاكل الطلبة ، وهذا مايندرج تحت مسمى المعلم
بالفرصة قاعدين بالساحات نراقب عيالكم عشان لايتمشكلون ، ولا قاعدين نبيع عليهم الأكل بالمقصف
بنهاية الدوام مناوبات وانتظار الطلاب حتى ياخذونهم أولياء أمورهم ، حتى المصافط نراقبها عشان لايتهاوشون !!
يوميا بلا توقف من طابور الصباح الى الهده ، مشاكل تمر علينا مانشوفها مع عيالنا مو مع عيال غيرنا بعد
لجان تصحيح اختبارات - لجان كنترول - لجان ملاحظة ومراقبة على اختبارات الطلبة
يا رجل صرنا نرتاح لما ندخل حصصنا وندرس حتى لاننكرف بشغل ثاني
وبالنهاية راضين ونحمد الله ونشكره
لكن نطالب بشوية تقدير ورفع مكانة المعلم مثل مكانته بدول العالم المتقدم
انا اختي مدرسه فعارفه الوضع الحمدلله معاشها فوق الالف تقريبا ومو قاصرها شي ..
ومع هذا بتسوي اضراب باااجر من اسالها على شنو علطول تنطون للنفط ..!
عيل حنا شنقول !! والله محد ماكل تبن وانت بكرامه كثرنا حنا يا الصحه ..
لا بدل عدوا و لا شي و خفارات ولوعة جبد حنا حتى بالعطل نكرف بالاعياد نكرف
دوام ليلي نداوم
ومع هذا لا زيادات ولا يحزنون ولا كادر وانا اشتغل باكثر قسم خطوره ومافي مراعاة لنا وتقدير كلش ..
حتى الاضراب اللي قالوا عنه 10/10 ما سووه
لنا الله
