سؤال وجواب سؤال عن السكن بالاجار

[مواطن طبيعي]

السلام عليكم


هل السكن في الاجار افضل ام في بيت العائله


؟




ايهما افضل ؟ ولماذا ؟

 

[ساهر الليل]

مافي شك بيت العائله افضل

ماتضايق من شي وبدل الايجار بجيبك

 

[حطموك ياقلبي]

حسب البيت

اذا البيت ماشاءالله واسع ويكفي ويوفي ^_^

ليش شقه وإيجار ؟

اذا البيت عادي وتحس راح يسبب ضيقه

لا شقه افضل , وبالنهايه للزوجه رأي

بالتوفيق

 

[الصحافي]

والله انا عن تجربة سكنت سنتين بأجار شهري 250 دينار وبصراحه مارتحت لانه لازم اتحاتي اهلك كل ماطلعت وماتقدر تتاخر بالدوانيه ناهيك عن بعض المشاكل الفنيه مع صاحب البيت كنت اعاني من بعض المشاكل مثل

1- ماكو مصافط ودايما اسفط ابعيد عن البيت

2- اعيال صاحب البيت ايطقون بناتي

3- ريحة الزقاير توصلي من شقة ولده عن طريق التكييف المركزي وبناتي فيهم ربو

4- صاحب البيت ايحن علي طف الليتات اذا طلعت ازبالتك وانتو بكرامه طلعها بدري

فالاخير بينت في بيت الوالد شقه حلوة على قدي وارتحت لا اجار ولا مشاكل والحمد لله

 

[مواطن طبيعي]

حلو حلو


نبي بعد تجارب و اراء من الاخوان


لعل فيها الافاده

 

[bujassim]

تبي نصيحه

اطلع واسكن بره

ولله العظيم ولا منه احد

 

[مواطن طبيعي]

تبي نصيحه

اطلع واسكن بره

ولله العظيم ولا منه احد

ابي توضيح بشكل اكبر واللي يعافيك

 

[0utsider]

ارد واقول والله صوتك موغريب عني ابد
جني جني اذا ماني غلطان عرفتك
عرفتك من صوتك

عموما فقدناك والله
وعيدك مبارك وعساك من عواده ،،،،،،،،،،،،،،،،،،،،،،:وردة:​

 

[Maradona]

حبيبي اذا بيتكم وسيع اسكن بيت العايله

سولك دور ثالث او رابع

اغلب بيوت الفردوس الحين ثلاث ادوار زين مايحطون سرداب

ضبطلك دور ثالث

ترا في بيوت صينيه علي مااعتقد رخيصه وخيفيه وزينه

هذا موقع يبين لك كل شي

http://www.indexsignal.com/forum/showthread.php?t=162619

 

[شمري كويتي]

تبي الكلام الصحيح

اللي طالع من القلب

كلام الذمة والضمير

في بداية زواجك اطلع في بيت بروحك

واستغل لحالك وابعد عن تدخل الاهل

بالذات اذا الوالدة موجودة وعندك خوات في البيت

اغلب الامهات والخوات يتدخلون

واحيانا الخوات يغارون من الزوجة

اذا كانت اجمل منهم

او اغنى منهم

او كانت موظفة وهم ربات بيوت

او كانت تطبخ احسن منهم

او كانت شهادتها او وظيفتها اعلى منهم

تعرف عقول الحريم ناقصة

واحيانا يكنون بدون عقل اصلا

ابعد عن الشر ياخوي

بس لاتقاطع اهلك

حتى لو تسكن قريب

وتزور امك وابوك كل يوم

بس الزوجة ابعدها عن اهلك

على الاقل اول سنتين

وخل زيارتها لاهلك مرة بالاسبوع بالكثير

وكل ما ابعدتها عن اهلك احسن

والله الاهل ما وراهم الا الازعاج

بالذات الحريم وبالاخص الخوات

واذا كانت الام نسرة راح تطفش زوجتك

وتصير بين نارين امك وزوجتك

والله كل ما تبعد عن اهلك ترتاح

واللي يقولك وفر فلوس هذا مادي همه المال وبس

الفلوس مو كل شي

السعادة اهم شي

وسعادة الشاب المتزوج هو في الابتعاد عن اهله

حتى لما يجيهم ويزورهم يحس انهم مشتاقين لهم

اذا انت عندهم راح تملهم ويملونك

وتكثر المشاكل والخلافات

بسبب المطبخ او المصروف او سوالف الحريم

ابعد ابعد ابعد

هذه نصيحة واحد مجرب

مع اني امي طيبة وخواتي طيبات

لكن احب اكون شخص مستقل

واعتمد على نفسي

حتى عيالك راح ينحبون

اذا طقو عيالك ممكن تكثر المشاكل والخلافات

وادري انك ما راح تنفذ كلامي

بس ابي ابري ذمتي

لان اغلب الناس يحب يحط بدل الاجار بجيبه

الناس ذبحهم الطمع وحب الفلوس

وللعلم اكثر حالات الطلاق

بسبب تدخل الاهل

والاكثر بسبب تدخل الام والخوات

واغلب الزوجات مساكين ويبون الستر

بس البلا من الام اذا كانت نسرة

وتبي تفرض سيطرتها وتحكمها بزوجة ولدها

واغلب الخوات يغارون من زوجة الاخ​

 

[طيب وبعدين ؟]

إشتر راحتك ..

 

[تشالنجر]

احسن شي تسويلك شقة ببيت اهلك ويكون لها باب خاص

 

[عزيز وغالي]

اخوي اسمع مني الكلام الجد

لي اخ صديق حبيب مثلك
له ولدين توأم وتزوجوا بينهم يمكن اشهر
اقترح الاب عليهم يعطيه كل واحد منهم 10 الاف دينار
وهو بيزود من عنده مثلهم
واحد من العيال وافق والثاني قال بسكن برا
قام الاب بنا شقتين كبار حلوين ديلوكس وضبط لكل شقه مدخل مستقل
وسكن ولده بوحده والثاني استاجر شقه بالعقيله ب 350
بعد سنه بالضبط جا الولد الي مستاجر برا وقال يبه انا ببني عندكم اكلني الاجار
فقاله الاب الحين بعد ما خلصنا وضبطنا البيت
تبي نهدم ونعدل بعد لا ماكو اي مجال خل بالاجارات علشان اذا عطيتك راي ما تخالفه انا ابي مصلحتك

انت اقرا القصه الحقيقه وانت اختار الاصلح لك

 

[مواطن طبيعي]

اخوي اسمع مني الكلام الجد

لي اخ صديق حبيب مثلك
له ولدين توأم وتزوجوا بينهم يمكن اشهر
اقترح الاب عليهم يعطيه كل واحد منهم 10 الاف دينار
وهو بيزود من عنده مثلهم
واحد من العيال وافق والثاني قال بسكن برا
قام الاب بنا شقتين كبار حلوين ديلوكس وضبط لكل شقه مدخل مستقل
وسكن ولده بوحده والثاني استاجر شقه بالعقيله ب 350
بعد سنه بالضبط جا الولد الي مستاجر برا وقال يبه انا ببني عندكم اكلني الاجار
فقاله الاب الحين بعد ما خلصنا وضبطنا البيت
تبي نهدم ونعدل بعد لا ماكو اي مجال خل بالاجارات علشان اذا عطيتك راي ما تخالفه انا ابي مصلحتك

انت اقرا القصه الحقيقه وانت اختار الاصلح لك

اخوي عزيز وغالي

هذا عنده مجال يبني

انا اتكلم عن االلي ماعنده مجال

وضايق عليه بيت العايله

 

[عبدالله العبدلي2]

السلام عليكم والله ياخوك مايحتاج تفكر اذا فيه مجال تسكن عند الوالد وفيه سعه اسكن ومالك بالغربله أخوك 11 سنه ايجار من شقه لشقه صرت مثل ابن بطوطه اتنقل .....بالشقه دوخت العيال هذا يضرب هذا ,وهذا يكسر وهذا يتعبث وهذا يلعب كوره بالصاله يعني مافيه متنفس مثل بيت الوالد السعه والحوش وينزل عند عمانه وجدته ويستانس ويكفي بيت الوالد فيه الديوانيه ترتاح فيها وتستقبل ضيوفك اما الشقه مافيها الا الفلس وبخصوص الي يقول الاخوات يتهاوشون مع زوجتي اقول مو لازم زوجتك تختلط مع امك او خواتك خاصه اذا بينهم مشاكل دام انك مسكن زوجتك بشقه مستقله ببيت الوالد اذا بغت تسير سيرت واذا ماتبي ماتشوف شر كل في بيته معزز مكرم الخلاصه الايجار دمار دمار وبيت العايله راحه ’’والله المستعان​