سؤال وجواب حذاء رسمي مريح

[بدركوم]

سلام عليكم

ابحث عن حذاء رسمي يكون طبي ومريح وتكون بهذي التصاميم احتاج الى اسم المحل ومكانه بالضبط

 

[ابونايف السعيدي]

اولا مافية جوتي اسمة طبي في المحلات هذا للعلم فقط الطبي بعيد الشر عنكم اللي رجولة فيهم اعاقة او فلات فوت على الاقل اوكي اللي تتكلمون عنة اسمة صحي وعلى قولة دهداري سحي وافضل مكان عند السرحان واسم الماركة نسيتها بس تجي ماركتة وانتم بكرامة فيها من الداخل صورة كلب وسعرة حيل مناسب وسلامتك

 

[بدركوم]

مشكورين يا شباب رحت للسرحان ونيرو بجمع المغاتير الكئيب والي عندهم ما يستاهل سعره

تم الشراء من كلاركس الافنيوز

 

[سنـين التّيــــهـ..]

انا اتعب عالجوتي الماركه..مو تقليد درجه اولى لا..

مريح للرجل..ومايضايقك..

غالي بس سعره فيه..

" والجواتي الكعب ماتعور الرجل..."​

 

[بدر الروقي]

اخوي ممكن تقولي كم خذيتة
وشرايك فية بعد تجربتة وشكرا

 

[شمري كويتي]

اخوي ممكن تقولي كم خذيتة
وشرايك فية بعد تجربتة وشكرا

لازم تعطيه فرصة شهر على الاقل

ويستعمله اقل شي 3 ساعات باليوم

لانه الجوتي بالذات ماتبين راحته من اول يوم

يبيبله فترة لين يعرف مريح ولا غير مريح

علشان تتعود الرجل عليه​

 

[ارحل ياجاسم]

اذا تبون شي طبي خيااااااااال بس اسعارهم غالية شوي واشكالهم مولي هناك يعني عاديين

روحوا المثنى ...المحلات اللي تحت

اسعارهم زينه..بس في محل صغيرون اعتقد احذيته المانية من 40 وفوق بس خياااال

 

[سنـين التّيــــهـ..]

مره شريت جوتي شكله ذرب وعجبني لونه ابيض بسماوي..​

حق مشاوير جمعيه سوق جذيه..​

لبسته اول مره مافيه شي عادي..بس ماطولت بالمشوار​

لبسته ثاني مره للسوق ..وطولت..فيه بغيت امووت..​

مريت سوق شعبي اشوه مافيه قطيته ومشيت حافيه..​

نحوس انا واختي عند المواعين..لماخلصت لبسته..​

لااااعادت من جوووووتي​

 

[Q8Shaw]

نصيحه لوجه الله


اي جوتي مكتوب عليه made in china


مصنوع بالصين لا تشتريه حتى لو كان ماركه عالميه



الصيني حرام فيه الدينار


والنصابين كلمتهم هالايام ( الصيني درجات ولو ) يعني يكون اللي عنده الدرجه الاولى


يبا فر من الصنع الصيني كما تفر من الاسد


لا تقط فلوسك بشي مايسوى

اسمح لي اقولك ما عندك سالفه !!!! ..

شنو اللي مو صيني اليوم ؟؟!!! كمبيوترك اللي قاعد تكتب منه مع اني ما اعرفك ولا اعرف ماركته !! ترى هو صيني !!!! ..

كل اللي تشوفه عينك بالسوق صيني !! ..

أقسم بالله من سنتين في المانيا ما خليت محل الكترونيات ما رحت له ولا شي عندهم من ماركاتهم الالمانيه و الاوروبيه إلا صناعه صينيه !!! ..

و انا اقولك مو هذا اللي يقول " ولو " ترى صج الصناعه الصينيه درجات لكن اشباه التجار اللي عندنا ما اييبون إلا أرخص شي و يبيعونه بأعلى سعر !!! ..





​