بَسْمَة ..
عضو مميز
[ البيت لـ إبراهيم نـآآجـي , بتوظيف عَبطي
السلام عليـكم ..
> مدرعمة
اليوم وأنا ماشية بأمان الله في الكُليـّة .. شفت منظر هُو عادي
بس تبعات المنظر .. خلتني اتساءل .. والتساؤلات هي اللي حثّتني أكتب لكم هالموضوع
اللي بطبيعة الحال مو جديد ولا غريب وقد يكونْ شبع وأُتْخِمْ من كثرة الاستهلاك
لكن وجهات النظر مُتجدده وهذا هُو العزاء الوحيد .!
,
المنظر هُو انّ وحده من البنات .. كانت تمشي قدامي .. ومنزله راسها تطقطق [ بالبيبي ]
فجأه .. سمعت صوت ارتطـآم عظام بشريّة بـ كُتلة حديد ..!
طبعا بلا وعي منهـآ راسها ارتطم بعمود إنارة .. والبنت ماتت من الضحك على حالها, !
هي فعلاً يحق لها تضحك .. لأن الموقف يضحّك .. ويبجّي بالآن ذاته ..!!!!!
لهدرجة السوالف مهمة لحد انها مو قادرة ترفع عينها دقيقه وحده عشان تعبر الطريق ..!!!!!
شنو السوالف اصلا اللي يسولفون عنهـآ؟؟!
غير عزيزتي الكويتيه لمتى ركبج سود !
وعزيزي مدري منو لمتى مدري شنو ..!!
وإلخ من هالتقليعات والتعليقات !!
هذا غير الاشاعات والحكي الفاضي .. يعني بالنهاية أمور تافهه [ قابلة للتأجيل ] صح ؟؟!
/
\
حتى أذكر قبل فترة عرفت من البنات انهم قطعوا خدمة البيبي هذي ..
وأسمعهم بالقاعه يتشكّون لبعض
وكل وحده تعبر عن استماتتهـآآ .. وشعورها [ بالغُربة والوحده ] لما انقطعت خدمتهـآآ ...!!
,
وغيره ..!
المواقف أكيد كثيرة بخصوص هـ الشأن .. وأكيد فيه أسباب خلتنـآ نتعلق بهـالأمور الصبيانيّة !
كل شخص منا له تكوين تكنلوجي مُدمن عليه
فأنا مثلاً مدمنه عاللاب >>> بعدهـآ ما تطورت ..
لكن اكيد ادمان عن ادمان يفرق ..
فهالأجهزة الصغيره هذي ادمانها أشد خطورة
لأنها 24 ساعه بمتناول اليد .. وبكل وقت وكل مكان
أعرف بنات والله يحلفون انهم يدخلونه وياهم [ دورة المياه اجلكم الله ] ..
لاتقولون من الـ فراغ لأن البعض ماعنده وقت فراغ ..
لكنه يخلقه.. عشان يتفرغ لهالبرامج والأمور التلفونيّة ..
,
تعتقدون شنو الاسباب اللي خلتنـآ نوصل لهالمرحلة
حد انّ هالشيء أثر على حياتنا الاجتماعيه حييييييل ؟
ومنو فيكم للأمانه ينطبق عليه هـ الأدمان القهري المذكور فوق ..!
وهل هُو راضي عن حاله ولا كل يوم ينوي يخفف ويقطع تدريجيا , وما يصمل ؟
وهل فعلاً هالبرامج هذي .. مفيده ووراها منفعه ؟!
ولا هي مُجرد تسلية [ مُصطنعه ] تزول بزوال المؤثر ..؟!
,
يارب أحد فيكم يأيدني ويشد على يدي ..
بخصوص عدم نفعية هـ الأمور , ..
[ باستثناء اللاب أرجوكم خلوه بحاله , الا هذا ]
لأني الحين أنا وأخواتي , بنظر بعض الأهل ..
للأسف [ دقه قديمة ] .. ومو متطوريين كلش لعدم مواكبتنـآ برامج وتلفونات هذا الجيل ..
:وردة: