سؤال وجواب شنو افضل دكتور لعلاج حب الشباب ؟

[جنوب الشمال]

شنو افضل دكتور لعلاج حب الشباب ؟ احترت وانا اشوف الاعلانات من كثرة الدكاترة خاصة الجلدية . جربت كم دكتور ماكو فايده . جزاكم الله خير اللى مجرب لايبخل علينا

 

[مسك الورد]

اغلب الدكاترة ماخذينها تجارة اختي من دكتور الى دكتور ويعطونها ادوية اشكال ألوان يجربون فيها وحدة قالت لها قطعي منتجات الألبان الأجبان والحليب وتقلل الدهون بشكل كبير وتكثر من السلطة وعندك غسول بصيدلية بوتس على زيت شجرة الجاي غسول للحبوب وتونك تستخدمه مرتين باليوم أخذ الاخضر الغامج سعره بدينار ونص وخلك شهر وشوف النتيجة

 

[ســـــاحـــــر]

جواب نهائي ماله علاج
لكن يوجد علاج يقضي عليها الى الأبد ولكن خطير جدا على الكبد وهو روكتان سعر الكورس تقريبا 25 دينار كورسين وتنتهي تماما ويعطى بعد عمل اختبار دم لوظائف الكبد والكلى...اما المضادات والدهانات مضيعه للمال وتعب للجسم ويمكن ان استشارة اي دكتور تذهب اليه وارشح لك الدكتور عبدالوهاب الفوزان ...

 

[مسك الورد]

جواب نهائي ماله علاج
لكن يوجد علاج يقضي عليها الى الأبد ولكن خطير جدا على الكبد وهو روكتان سعر الكورس تقريبا 25 دينار كورسين وتنتهي تماما ويعطى بعد عمل اختبار دم لوظائف الكبد والكلى...اما المضادات والدهانات مضيعه للمال وتعب للجسم ويمكن ان استشارة اي دكتور تذهب اليه وارشح لك الدكتور عبدالوهاب الفوزان ...

يتعب الجسم وينشف حتى العين وهم بالأخير يرجع مؤ نفس القوة صح بس مايسوى التعب اللي بتحمله :إستنكار:

 

[بَسْمَة ..]

شلون مالها علاج ؟
الطب تطور الحين
أقلها .. جلسات تقشير عند أي عيادة جلدية ..
سواء كيميائي ولا كريستالي أو أحماض الفواكه وغيره ..!



,




​

 

[الـــــWـنـعـو Wـــــي]

العلاج بيدك وليس عند الأطباء معظم علاجهم مؤقت
فقط
أولا إذا كنت سمين الرجيم علاج فعال طبعا بعد غستشارة طبيب التغذية
وإذا كنت ضعيف أترك الحلوى والمشروبات الغازية
والتوابل الحارة

توجد صابونة طبيعية تبرد على البشرة وتوجد غالبا عند بائعي العسل
إسمها صابونة العكبر

وتباع في سوق المباركية أيضا عند العطارين
طيبة ريجها ومفعولها يستمر إلي ثلاثة او اربعة ايام
على الأقل افضل من الأدوية الكيماوية​

 

[مسك الورد]

شلون مالها علاج ؟
الطب تطور الحين
أقلها .. جلسات تقشير عند أي عيادة جلدية ..
سواء كيميائي ولا كريستالي أو أحماض الفواكه وغيره ..!



,




​

التقشير يازميلتي العزيزة يستخدم للآثار مؤ الحبوب تقشير الفواكه يطلع حبوب والكيميائي مؤ امن والكرستال مؤ ذاك الزود نفس مفعول السنفرة اللي نشتريه من الجمعية والبدي شوب. احدث تقشير ومفعوله يبين من اول جلسة تقشير الأعشاب وهم للآثار والنضارة مؤ الحبوب :إستحسان:

 

[بَسْمَة ..]

مسك الورد ..
أشكرج والله عالمعلومة ..
تصدقين كان ببالي العالم يسوونها حق الحبوب نفسها مو الآثار .؟!

تسلمين يا اختي


,



​

 

[كاسك يا وطن]

افضل علاج واقوى علاج حق حب الشباب ..
اهو الروكاتين ..
الجرعات عادة ً اتكون ما بين 10 - 40 غرام ..
والعلاج ايكون عن طريق كورسات علاجيه ..
الكورس مدته عادة ايكون 9 - 10 اشهر ..

الحبوب تعتبر من اقوى انواع الحبوب وما تنفع حق البنت اللي تبي تتزوج او تبي تحمل ..
ولازم الواحد قبل لا ياخذهم يسوي تحليل دم عشان يشوفون نسبة الكليسترول بالجسم ..




انصح فيه وبعنف ..:إستحسان:

وان ما خاب ظني علبة الدوا بكل شهر تكلف 20 - 25 دينار ..
عشان جذي انصح بالذهاب الى مستشفى اسعد الحمد - منطقة الصباح
لأنه مستشفى حكومي ويوفرون هالادويه ..


وافضل دكتور .. موجود اهناك .. اهو مشعل الغريب ..
​

 

[ارحل ياجاسم]

اخوي مثل ماقالولك

غير الروكاتين مافي علاج

لكنه يذببببببببببح

استخدمته فترة شهرين نفسيتي تعبت لدرجة خياليه

تدري الوصفه مالته اطول مافي الاثار الجانبية

اخلصك...من بعض اثاره الجانبية الانتحار!!!!!!!!!!!

بس تتحمل اخذه...غير هالعلاج ماكو ولازم مواقل من 6 شهور وعلى حسب حالتك

موفق

 

[ابونايف السعيدي]

انا اقول اترك عنك الخرابيط انا وجهي من كثر الحبوب كانة دباية
رحت لدكتور في دولة عربية وقال اترك الادوية بس ابيك تستمر على غسيل وشك
صبح وليل اد ماتأدر بس الصابون مايكونش في زيوت يعني بالعربي طبية
الحين يمكن يطلبوني اعلانات مراكز التجميل

 

[بنت شهيد بدون]

دكتور عيسى بشور افضل دكتور لي الحين ومواعيده حيل بعيده شهرين او ثلاث ويمكن اربع رفيجتي عنده وتحسنت بشرتها بشكل كبيييير عنوانه السالمية مركز عناية الألماني الطبي مجابل مخفر السالمية