عنزه الدائره الرابعه !!

[xkuwait]

السلام عليكم

ماندري منو راح يرشح نفسه من عنزه هالسنه ..

سمعنا انه محمد فهاد متحالف مع محمد الخليفه صج هالكلام او لا ؟!!

ومنو تتوقعون اكثر نائب راح تكون له حظوظ !!


انا اشوف عسكر العنزي هو الاقرب للنجاح .. ولا شرايكم ؟!

عسكر كان ينزل بروحه وينجح والفرعي يسقط !!

هالسنه عسكر اتوقعه ناجح ميه 100%

لانه مطير والرشايده متلخبطين ...


فنجاح عسكر اشوفه مضمون .. والله اعلم

 

[اليعربي]

عسكر لو الله يفكنا من الي كان ينجح طلال العيار الله يرحمه وطلال السعيد

وشله الجهراء وخذت احنا بخيير

ونتمنى ان يخرج من عنزه رجل كالحربش ولن تعجز هذه القبيله عن اخراج الشرفاء ولكن يحتاجوون الي دراسه مرشحيهم

مانبي مقلب عواد برد

 

[شمري كويتي]

للاسف القبيض الكبير سوف ينجح

والسبب عدم تحالف قبايل الشمال

في قائمة رباعية قوية من المرشحين الاحرار

وراح ينصدمون اهل الجهراء

في نجاح قبيض جديد

وهو تاجر معروف قادم من الجهراء

قريب من طلول وشلة حي الطرب
​

 

[شمري كويتي]

عسكر لو الله يفكنا من الي كان ينجح

طلال العيار الله يرحمه وطلال السعيد

وشله الجهراء وخذت احنا بخيير

ونتمنى ان يخرج من عنزه رجل كالحربش ولن تعجز هذه القبيله عن اخراج الشرفاء ولكن يحتاجوون الي دراسه مرشحيهم

مانبي مقلب عواد برد

منو اللي كان ينجح طلال وطلال

لاتقولي الشيخ احمد الفهد

لان الحين قناة حي الطرب قاعدة تهاجمه​

 

[اليعربي]

للاسف القبيض الكبير سوف ينجح​

والسبب عدم تحالف قبايل الشمال​

في قائمة رباعية قوية من المرشحين الاحرار​

وراح ينصدمون اهل الجهراء​

في نجاح قبيض جديد​

وهو تاجر معروف قادم من الجهراء​

قريب من طلول وشلة حي الطرب​

ثق تماما ان اهل الشمال بعيدا كل البعد عن عسكر

الي ينجح عسكر مثلما تفضلت هم فداويه طلول وشله حي الطرب
وهناك شله اخرى تجدهم كالسوس والقراد تجدهم دائما بديوانيات النواب مثل عسكر في الرابعه وسعدون في الخامسه وعند طلال السعيد وسابقا كانوا يتواجدون عند طلال العيار وكان لامهم ولكن بعد موته الله يرحمه توزعوا على القبيضه الجدد مثل عسكر
هؤلاء اكره ما عندهم النائب الشريف يدوروون الي فيه اعوجاج ويلتفون حوله
تجد تفكريهم سطحي لا يمهمه مصلحه بلد ولا مستقبل اجيال
كل اهتمامه هو الاقتات على فضلات النواب القبيضه لعل وعسى ياصله شي

 

[ذيبآن]

باذن الله عبدالله فهاااد

رجل صاحب مواقف مشرفه

انشهد حرام على عنزه يطلع واحد مننا مثل عسكر ودميثر هالمرتشين

نبي رجال مثل الحربش وعبدالله فهاد باذن الله

وعلي دخيل ماعندي فكره عنه احد يجيب لنا نبذه عنه؟؟

 

[معلم خبرة]

خافوا ربكم قبل ان تحاسبوا يا اهل الدائرة الرابعة ان نجح عسكر فعلى الدنيا السلام
ناس اشتروا حياة الدنيا وباعوا الاخرة النائب قبيض وحرامي ووراشي ومرتشي وكاذب ومنافق ,,,
شتبون اكثر من جذي ,,,,وتذكروا انه راح يجي يوم تحاسبون فيه ,,
لحد يقول هذا جاني عرسي ودفع لي عانية وواحد يقول سوالي عشا اعلم هذه الفلوس يستخدمها لرشوتكم ,,,

 

[التركى]

نجاح عسكر مرتبط بالظفير وشمر والخوالد والفضول والعجمان والعوازم
عنزه تقريبا اكثر من النصف لن يصوتوا لعسكر وخصوصا فخذه الى ينتمى له
وعسكر مناديبه وسكرتاريته كلها من القبائل اللى ذكرت وكلهم مؤثرين لدى قبائلهم
ولو تلاحظون الاعداد الى يطلع فيها من العارضيه والاندلس والعمريه والرابيه والفروانيه وصباح الناصر
ولو تراجعون عدد اصوات عسكر بالمنطاق الى ذكرت تشوف الاعداد كبيره بالنسبه لعنزى
خصوصا اذا عرفنا ان عنزه بتلك المناطق باعداد قليله جدا
ولكن اتوقع مطير فيها تشاوريه وقريب جدا مثل ماذكر لى عضو بارز جدا واكد لى هالشى
والرشايده على خطى مطير ماراح تفرط بالكراسى وراح تعمل تشاوريه
المنطق يقول هناك فى الافق كرسى لباقى القبائل اذا تاكد عمل تشاوريه لمطير ورشايده

 

[كويتية]

فعلا مصيبة ان نجح عسكر !!

مرتشي وراشي وقبيض وحرامي

نتمنى اختيار الاصلح

 

[ام عزوز]

الثقل كله للعنصر النسائي في الانتخابات
واغلب النساء يرفضون ان يعطوا القبيضة
واتوقع عسكر اذا احد بيعطيه

من الصليبية وتيماء

وافهم يا فهيم

 

[.. عصآمية *]

عسكر اذا نجح فـ مو من عنزة لان حاطين عليه x

و احنا ادرى بهالشي

و اصلاً ماتوقع ينجح كلش الا اذا صار لعب ، هذا شي ثاني

بس لايعتقد احد ان عنزة بتعطيه

 

[التركى]

ام عزوز كلامج صحيح بس لاتنسين ان اهل تيماء والصليبيه ماينجحونه
الرجل بنجح ب12 الف من وين يا ام عزوز

 

[محمد الخريصي]

للاسف القبيض الكبير سوف ينجح​

والسبب عدم تحالف قبايل الشمال​

في قائمة رباعية قوية من المرشحين الاحرار​

وراح ينصدمون اهل الجهراء​

في نجاح قبيض جديد​

وهو تاجر معروف قادم من الجهراء​

قريب من طلول وشلة حي الطرب​

لايوجد قريب من طلال السعيد أحد..

وأذا قصدك مشعل العيار هذا حربي وراعي خدمات ولكن ليس مثل أخوه طلال الله يرحمه

وأكثر قبيلة حرب لاتريده لنفسيته الشينه وتكبره على الناس...

والجهراء حسب رأيي محمد الخليفة حظوظه كبيرة بالنجاح

وعسكر لايريدونه أغلب شباب المنطقة..

 

[محمد الخريصي]

الثقل كله للعنصر النسائي في الانتخابات
واغلب النساء يرفضون ان يعطوا القبيضة
واتوقع عسكر اذا احد بيعطيه

من الصليبية وتيماء

وافهم يا فهيم

نساء الجهراء بتيماء والصليبية يردن من يحل مشكلة أولادهن البدون وغيرهم

وعسكر مايشم شي منهن وأغلبهن سيعطن محمد الخليفة لمواقفه الجيده مع البدون.

 

[التركى]

عسكر اذا نجح فـ مو من عنزة لان حاطين عليه x

و احنا ادرى بهالشي

و اصلاً ماتوقع ينجح كلش الا اذا صار لعب ، هذا شي ثاني

بس لايعتقد احد ان عنزة بتعطيه

اذا ماتمت فرعيه لمطير والرشايده بينجح ومركز متقدم
واذا صارت الفرعيه وتمت عسكر بياخذ من عنزه النص الى الثلث تقريبا
بس مايطلعون 2000 صوت والباقى الله يخلى باقى القبائل
على العموم نزول محمد طنا وعبدالله فهاد يضعفه اكيد
وايضا نزول العيار بيشيل منه ناس كانوا موالين لعسكر جدا وبيرجعون لقواعدهم القديمه مو قصدى الحضر بدو اهم بس مانبي نذكر اسامى
انتو الخير والبركه يالحريم اشتغلوا عليه حاولوا توصلون وجهه نظركم بس مو اهنى
اقصد بالزيارات العائليه الحفلات هالسوالف لان المنتدى اعتبره متنفس لنا ليس له تاثير خصوصا بالجهراء
تعبت وابى اتعشى شكرا عصاميه

 

[حومة فكر]

من الصليبية وتيماء

وافهم يا فهيم

اذا تقصدين الكويتيات امهات البدون فاوافقج

حسبي الله عليك يا عسكر يوم انك مسوي فيها ياسر عرفات
بمجلس الامه ومطنش قضيه البدون

 

[الفضه]

حظوظ عسكر قويه جدا

ونزول العيار سوف يخدم عسكر ويؤثر على باقى عنزه ومطير

مع العلم بان مشعل ليس كطلال لكن له حنكه بالانتخابات لانه هو من كان يدير انتخابات اخوه بالسابق

ومطير والرشايده بوجود عدم التشاوريات او الفرعيات كما نسميها فسيؤثر على اعضائها بالكامل بمن فيهم مسلم البراك اما افضلهم حظ فهو محمد هايف
والرشايده كذلك وسيؤثر على الدغباسى وافضلهم حظ هو اسامه المناور

الظفير ليس لهم نفس بالانتخابات لعدم وجود عضو مؤثر
شمر ليس لهم عضو مؤثر مع العلم ان الجميع يلمع لمحمد الخليفه لكن اكثر شمر لا يرغبون به لاسباب تتعلق بالبدون والتجنيس وعدم خدمة ابناء شمر عندما كان عضوا

باقى القبائل ليس لهم ممثل بالانتخابات وفاصواتهم مشتته لمن ينفعهم بالمعاملات ووقت اللزوم

وبالتوفيق للجميع ان شاءالله

 

[.. عصآمية *]

اذا ماتمت فرعيه لمطير والرشايده بينجح ومركز متقدم
واذا صارت الفرعيه وتمت عسكر بياخذ من عنزه النص الى الثلث تقريبا
بس مايطلعون 2000 صوت والباقى الله يخلى باقى القبائل
على العموم نزول محمد طنا وعبدالله فهاد يضعفه اكيد
وايضا نزول العيار بيشيل منه ناس كانوا موالين لعسكر جدا وبيرجعون لقواعدهم القديمه مو قصدى الحضر بدو اهم بس مانبي نذكر اسامى
انتو الخير والبركه يالحريم اشتغلوا عليه حاولوا توصلون وجهه نظركم بس مو اهنى
اقصد بالزيارات العائليه الحفلات هالسوالف لان المنتدى اعتبره متنفس لنا ليس له تاثير خصوصا بالجهراء
تعبت وابى اتعشى شكرا عصاميه

بالعافية يالتركي ، عنزة ماراح تنجحه هذا القصد اما بالزيارات و غيره ، عندنا العالم حاقدة عليييه ، وانا و غيري مو مقصرين

 

[king]

عسكر اخذ اكبر نصيب بمنطقة الصليبية بالانتخابات السابقة
وهالشئ انا متأكد منه هذا بفضل واحد له نفوذ بالمنطقه

واللي يبي يتأكد يرجع للانتخابات السابقه ويتباع شنو صار بالضبط ويعرف منو هالمفتاح المؤثر

لكن ‏
بإختصار اذا نجحت الحكومه بتطبيق هيبتها على الانتخابات
راح يتمركز بالمراتب الاولى وانا مسؤول عن كلامي

 

[شاهر المطيري]

عنزة أن شاءالله تسقط عسكر !​