اولاً الله يوفق المرشحين الاكفاء للوصول لمجلس الامه ومحاربة الفساد وتنظيف الكويت
والله يسر امر البلاد والعباد في هذا البلد ويصلح الخلل ............
بالبدايه بوجه كلمة ل عضو المجلس البلدي عبدالله فهاد العنزي ...
بومصعب لك ولشخصك الكريم كل احترام وتقدير وانت من الناس الاكفاء الي نتمنى وصولهم
المجلس لما لك من مواقف مشرفه اخرها القضيه الي اثرتها مؤخرا وهي قضية بيع الرمال
الي استفاد منها النائب الخنفور لكن ؟
ابي اذكرك ان وصولك المجلس كان عن طريق قبيلتك وعن طريق تشاوريه ايضاً الي انت
مأيدها يعني الفضل الاول لله سبحانه ثم ابناء قبيلتك الي شافو فيك الشخص الكفأ
وهذا مو معناه انك تستند على القبيله وبعدها تنكر وتسبب بتشتتها سياساً
اللعبه الي قاعد تلعبها ياعبدالله فهاد ماتليق بشخصك الكريم ولاهو رد الجميل لأبناء قبيلتك
لما وقفو معاك احنى عارفين انك بتستغل الوقت ومره تحضر اجتماع عنزه ومره لا وتحاول
احياناً توصل صوره لأبناء القبيله ان القبيله ماتوصلت لأتفاق وان الاختلاف حاضر
لكن هذه الحركات ما انطلت على نسبه كبيره من القبيله واصبحو يحرجونك بالدواوين والمخيمات
ف لا تصعد على ظهر القبيله بعدين تنكرها وتلجأ لحدس الي بيتك ياعبدالله انت رسخت
قاعدة عسكر يوم انه يفتر على الدواوين ويبجي يقول وصلوني للمجلس البلدي بس مابي غيره
والحين يطرد ابناء قبيلته من دوانيته ويجيب لهم الشرطه و اذا حاولو يقنعونه يرد للقبيله
لأن سبب بشتاتها يرد بكل عصبيه اذا بتصوتون لي صوتو ماتبون لاتجوني !!!!!!!
هل ننطرم منك انك تقولها لأن صراحه هي الي باقيه لاتصير سنه عند ابناء القبيله صعود
ابناءها عيها وتنكرهم لها وسبب بشتاتها هل تعلم يا استاذ عبدالله ان شمر وظفير يقولون
مانتحالف معاكم اذا واحد منكم بره الي هو عسكر لكن فيما بعد تراجعو وقالو مو مشكله
نتحالف معاكم حتى لو عسكر بره تجي انت الان وبتنزل بدعم خفي من حدس وتحاول تاكل من
القبيله هني وقف .......
عبدالله اذا قبل وقفنى معاك الحين بنوقف ضدك بشتى الطرق واقسم بالله لنسعى جاهدين
لأسقاطك مطلبنى وحيد رد لقواعدك من دون مماطله ولف ودوران وترى في اجماع عليك
داخل القبيله في حال رجوعك لها اما اذا استمريت بعنادك الوعد مو بالصناديق الوعد قبل الصناديق
والحي بيقابل الحي @@
اما الاستاذ الفاضل محمد طنا الكل عارف ان جنسيتك كانت ثانيه وتعدلت عشان تنزل انتخابات
وعشان تمسك مدير مديريه وانت مع احترامي لشخصك الكريم "صناعه حكوميه"
فلا يغرك بنفسك شي بروحك تعطي الناس "نص خد" لاسلمو عليك فما بلك لاصرت عضو
المهم خط سيرك واضح ولا عندك ذاك الطرح فلا تحاول او تفكر مجرد التفكير تنزل بروحك
لأنك راح تحترق وتحرق ربعك معاك وابناء القبيله وانت عارف انهم مستائين من فخذك الكريم
لأن في حال نزولك راح يكون اثنين من فخذالحبلان نازلين بره القبيله ومشتتينها
وهم اداء سيء ناهيك عن خلف دميثير الزبده لاطالع فوق لاتنكسر رقبتك ولانفكر تطلع عن شور
القبيله ..........
واتمنى الفكره وصلت وشكراً