الزواج فى الكويت لمن استطاع إليه سبيلا !!

[jassem]

بعد ما اصبح جرام الذهب 16 دينار كويتى ...


والمهر 6 الاف دينار وانت طالع ..


والذبايح الراس 150 دينار ..


والقاعات ابتداء من ألف وطالع ناهيك عن البوفيه والبخور والتصوير والبشت وبطاقات الدعوه والخ والخ ..


وايجارات الشقق من 300 ونت طالع


وتعال سفر مرتك بشهر العسل 2000 ونت طالع .. اذا ماسفرتها بتاكلك فى اللسانها.. واذا دقرتها او جعمتها بتقولك ودنى بيت اهلى بسبب الدلع الماصخ من بعض الكويتيات


هل اصبح الزواج فى الكويت من استطاع إليه سبيلا ...






لاتقولون بدل ايجار و4000 الهديه وبدل الزوجيه .. هذى ماتسوى شى ..


سؤلى إلى كل متزوج هل انت مرتاح بزواجك .. هل عانييت ..


هل افضل حل لشاب الكويتى المتوظف الغير مقتدر انه يذهب لبتايا .. او مراكش ويتزوج من اهناك افضل من الزواج المحلى بسبب غلاء معيشه الزواج او يستغل قرب مملكه البحرين الشقيقه ويصير خبل؟؟ .

 

[الـــــWـنـعـو Wـــــي]

نعم اخي الكريم
صدقت في كلامــك ـ وبإمكان الأهالي إن أرادوا أن يجمعوا راسين بالحلال ويعفوا أبنائهم
أن يجعلوا حفلة الزواج حفلة مختصرة ـ ويخففوا من مطالبهم الباهضة والمرعبة
فهم يشترون رجــل بلحمه ودمه وأخلاقه لا أمواله وفخفخة وبذخ لاطائل من ورائه إلا الخسارة
بإمكانهم الإستغناء عن اشياء في سبيل اشياء أهم كالسكن وغيره
ولا يكلف الله نفسا إلا وسعها​

 

[Orange]

هههههههههه

حلو الموضوع

شتسوي هذي الدنيا صارت غالية

انت قلت احد الحلول و هو الزواج من خارج الكويت بس هالحل مو مثالي

لانه بتصير مشكلة عنوسة بالكويت و عندك مشكلة مع الغير كويتيات في عاداتهم المختلفة و في تجنيسهم و ربما في تربية الابناء و في المشاكل المستقبلية

و في حل اخر قاله الاخ السنعوسي و هو الزواج بحفل مبسط و صغير و هذا حل جيد

و بالنهاية ترا البنت تستاخل و لها حق تطلب فحرام نبخسها حقها و هذي من اهم ليالي حياتها

مثل ما نقول للمره تتنازل بعد الريال يتنازل و يدفع و يشد حيله و يشتغل

 

[آل قــحطــــانـيــة]

الله يعينكم

 

[بَسْمَة ..]

صحيح ترى التواضعْ بتجهيزات العرس حل مثالي
بس من يقتنع ؟
بعض الزواجات تتكلف فيها بشكل خيالي
ما ياخذون شهر شهرين الا هو مطلقهـآ
ليش ..؟
ثق تماما انه ما تعب بولا فلس من فلوس العرس !
والله يخلي البابا والخوات الموظفـآت ..
قايمين بكل شيء ..
وهو عساه بس يحضر العرس ببشته .. ويسوي حمام مغربي قبل العرس ..
طبعا مو كلهم اكيد بس الأغلبيـه يحصلون مساعدات من أهلهم ..
وربي بيبارك لكم لا نويتوآ تتزوجون .. ويفتحهـآ بوجيهكم اكيد ..
بس الواحد يخلص النية ويقلل من البذخ والاسراف اللي ما وراه فايده ..
لأن الناس جذيه جذيه متكلمين يعني [ للي يحاتي كلام الناس ورآيهم ] ..​

والله يعين ..









​

 

[.. عصآمية *]

أنآ بعد أقوول لو إتزوجون من آلخآرج أبرك لكم ، و أرخص ،‘

،

 

[عجـرّش]

اكيد اؤل شي راح تقط وتصرف ويجيك حصار اقتصادي اول سنتين او ثلاث سنين عجاف

راح تبيع تلفونك وتشتري تلفون بو طقه او اغراضك او تتسلف عشان حليب او حفاضات

بعدها وقت الحصاد تفتح الابواب لك وتجيك الارزاق من الرازق الا اذا ما دخلت في دوامة القانون الاحوال





​

 

[jassem]

اشكر لكل من .العسعوسى وارونجى و وال قحطانيه وبسمه وعصاميه وعجرش .على المرور واستمتعت فى تعليقاتكم وتفاعلكم .. .

 

[meshal]

السلام عليكم
تحياتي لأخوي بوحمود ودعني أطرح هذا التسائل
هل من الشرط إقامة حفل زواج على نمط قصص ألف ليله وليلة ؟
لا طبعاً . وأأيد بشده إقامة حفل مبسط . وأن تذهب المصروفات إلى شهر عسل خارج البلاد .
مو بس الجانب المادي ...
بتستفيد من الوقت ..
بيدعون لك أخوانك وأقاربك لأنك خففت عليهم من عبأ المرأه والبنت في مثل هذه المناسبات .
من غير الإبتعاد عن المحرمات التي تحدث بالأعراس طبعاً البصمة النسائية في هذا الصدد كبير .

ودايم أردد مقوله أن العرس لو كان فيه خير لحضره النبي عليه الصلاة والسلام وكان هو يتمنى يحضر عرس ( هالكلام قبل البعثه ) لكن الله يخليه ينام ويطوفه العرس .


بالمناسبه على طاري المهر .. كنت أستمع إلى مقابله في راديو الكويت مع أحد القضاة . وسألوه عن أعلى مهر مر عليه ..
قال 100 كيلو ذهب
المذيع إنصدم ... وقال القاضي حسيت أن في إستغلال من أهل العروس للرجل ... فأقنعت المعرس وبصعوبه إقتنع وفركش السالفه .
شكله مضحاكه هالغني

 

[jassem]

حيالله اخوى مشعل .. وكلامك فى عين العقل .. لأسف الزمن تغير والناس تغيروا .. الحين الناس مايقيسونك فى رجولتك او اخلاقك او معدنك .. انما يقيسونك فى كماليتك .. ماتشوف معدل نسبه الطلاق فى الكويت فى ارقام خياليه؟؟ ...بسبب الاختيار الخاطىء للمتقدمين من اهل العروس ..ينخدعون فى الكماليات والمظاهر للعروس وفى النهايه يفشل الزواج .. ولاعزاء لأصحاب الدخل المحدود..

 

[والله المستعان]

أجل.... الله يعين البدون​

 

[بو علي]

انا متأكد ان الكثير من ابناء مجتمعنا الكريم يريد تزويج بناته لان الأب يكون غير مستقر نفسياً ، الا في تزويج بناته وسكنهم واستقرارهم مع ازواجهم .

ونصيحه لمن يريد الزواج ، توكل على الله وأخلص النيه وادعوه في كل صلاة بان يرزقك الزوجه الصالحة بنت الناس الطيبين الطاهرين وان شاء الله يستجيب دعائك ويسهل عليك نفس ما سهل على كثير من الاسر الكويتية اللي قبلك .

ونصيحه لمن يريد الزواج من الخارج ، يا أخي اتقي الله في نفسك وفي بنات وطنك ، انت موشايف نسبه العنوسه والطلاق في بلدنا الحبيبه ، تبي تزيد المشكله وتتزوج من برا واتدخل نفسك في مشاكل انت في غنى عنها لاهي من عاداتك ولا تقاليدك لو تطلع من البيت ما تضمنها ، والله الكثير من الاسر الكويتيه بس يبون الستر والاستقرار لا يبون مضاهر ولا كلام فاضي ، والله مافي احسن من بنات ديرتنا ، لا تشوف بنات القز في المجمعات والكافيهات ، انا اكلمك عن بنات الحمايل خواتي واخواتك والله ما نشوف منهم الا جمال الادب وحسن الاخلاق

وآسف على الاطاله )
​

 

[مسك الورد]

مثل مافي ناس تبيع بناتها واسمحولي بها لكلمة لانها الأقرب للواقع فانا لا أنسى قول زميلة لي عندما أخبرتني عن مكاسر المهر والعياذ بالله يعني الأبو يقول المهر مثلا عشر آلاف فيقول احد الحضور من اهل الولد وعشان فلان نزل اشوي هناك لازال وهي الأغلبية ناس تحترم بناتها ولا تبيعها وعيب يتناقشون بسالفة المهر اهما يشترون ريال وله يبيعون بنتهم! لما تبي تتزوج اتعب اشوي وانشد عن الناس السنعة مؤ اللي يبونك اتيب كل شي اهما حرموا بنتهم منه. الله يرزق البنات والشباب بالازواج والزوجات الصالحين والذرية الصالحة يارب

 

[إسبآنيول]

عقب كل هذا تطلع نسرة وودك بس تنحاش من البيت الي هي فيه عشان تفج وترتاح شوي ​

اعرف 7 شباب من الربع والله ما صارلهم سنه كلهم متزوجين ​

الي متزوج من 9 شهور​

والي من 6 شهور​

والي من 5 شهور​

الخ الخ​

دقوا علي وما صدقوا خذوا يومين اجازة بعطلة راس السنه​

وقالوا تخاوينا بتايا ​

قلت لهم وحووووش ههههههههه​

قدروا على حريمهم ​

ما دريت براس السنة الا يصورون لي فيديو ويطرشون لي واتساب وصور من شارع جهنم والطبيعه وحلاوة بتايا ههههههه​

قلت الحمدلله اني عزوبي​

والله يا جماعة العزوبية نعمه ما يحس فيها الا الي يفقدها​

والزواج شر لا بد منه​

لما اخلص دكتوراة بالاردن بكمل بروفيسور كل هذا عشان لا اتعرض لضغوط ويقولون اتزوج واتزوج ويغثوني​

ياخي حتى الربع المتزوجين لما تشوفهم في مصر ولا لبنان ولا المغرب سفرات شبابيه ومخلين حريمهم بالكويت تحس وجيهم وعافيتهم ردت لهم​

حتى نفسياتهم ترتااااح عالاخر​

ولما تشوفهم بالكويت ترثى لحالهم عقب الزوااااج مو حاله ولا حالتين واااااااااجد​

يا حلووو العزوبية لا هم ولا نيلة ​

ترا سعر غرام الذهب بالاردن ارخص اذا ناااوي ​

 

[فحل مطير]

والله شوف ياخوي

مثل ما فيه ناس تبيع بناتها هم فيه ناس تشتري الرجال

فيه ناس لقالوا لها المهر جم قالوا عشر الاف وانت طالع

وفيه ناس لقالوا لها المهر جم قالوا ريال وشيمه رجال

يعني فيه من النوعين

مثل ما فيه مسلم فيه كافر ومثل ما فيه جنه فيه نار

فـ انت عليك تبحث عن الجنه هههههههههه قصدي عن بنت الاجواد وبنت الناس المحترمين

وفيه مثل عندنا بايخ ولا له معنى بصراحه اللي يقول لبغيت تضمها اسأل عن امها

هالمثل هذا جذب ومطلعينه حريم لا وانا اخوك لبغيت تضمها اسأل عن ابوها واخوانها اذا هم رياجيل ونعم توكل على الله واذا هم رقاله وخبول خلهم يولون بنت الخبل ما تجيب الا خبل وثلثين الولد لخاله فـ اتعب على الناس الاجواد

وبخصوص التكاليف بشكل عام دام هالشي يسري ع الكل فـ ما راح يوقف عندك ولازم تعبر مثل ما غيرك عبر وبعدين ترى اذا عندك 10 الاف كافيه
واذا ما عندك اخذ قرض لان مافيه واحد متزوج ما عليه قرض واذا عليك قرض زيد القرض واخذ عشره عاد الله يعينك راح تقاسط لين تموت وما خلصت وعشره مع اربعة الحكومه 14 الاف تكفي وتوفي

واذا سويت اللي فوق كله وما تزوجت عاد مالك الا الورقة الاخيره بتايا ههههههههههههه هي قارب النجاه بالنسبه لك خذ الـ 10 الاف وفسفسها هناك


وعسى الله يوفقك وتلقى بنت الحلال اللي تسعدك​

 

[جمـوح الخيل]

صرآحه عنوان الموضوع لحاله قصه
وأنا أقرا الموضوع اقول بنفسي يارب أنا ماني عايشه مع الناس
والا وش السالفه بصرآحه أحس الزوج والزوجه هم اللي يضايقون على
انفسهم من ناحية المصاريف ......
أما سالفة سفرة شهر العسل اتوقع مو فرض اذا ما قمت به راح تأثم
يعني هو يعتمد على تفكير الزوجين أولاً وأخيراً.....
​

 

[بن ذى يزن]

مو سبب بالعكس كلها توافيق وتقول ربعك يسافرون لبنان الخ الخ
يعني ما عندهم مشاكل ماديه بعد العرس ؟!
اعقلها وتوكل
مالك شغل كلها تساهيل والله تمشي شلون ما تدري
​

 

[إنفصام]

عمر الفلوس ماكانت عائق لمن يرغب بالاستقرار والزواج بجديه

خصوصا في الكويت ولله الحمد والمنه والفضل ​