ومنو هذا السبيعي الحميدي عشان يطيح ناصر المحمد!!!
وين راحت الامه الي كانت تسهر يوميا بساحة قصر العدل والي تواجدت بساحة الإرادة ؟؟
وين راحو اعضاء مجلس الامه الشرفاء الي ضحوا بكراسيهم عشان ينشال ناصر المحمد ؟؟
وين راحو الابطال الي ضحوا بسلامتهم وسجلهم واقتحموا مجلس الامه ؟؟
وين راحت الثورات العربيه والي لها تأثير كبير على الوضع المحلي؟؟
وآخر شي يطلعلنا النفيسي ويقول الحميدي اهو الي طيح رئيس الحكومه !!!
اكبر عيب انك تنسب الي صار حق شخص واحد وجوده مثل عدمه ولا احد درا عنه
وقانون التجمعات موجود لحد الحين والمحكمة الدستورية ألغت عدد من فقراته فقط ما ألغت القانون كله وثاني شي ماكان سبيعي حميدي المحامي الوحيد بالقضيه كان في غيره من المحاميين و عيب ينسب له الفضل بروحه؟؟
والأهم من كل هذا ان الشعب مادرا والله عن قانون التجمعات طلع بعفويه بعد الفساد الي شافه ولا راح يوقفهم قانون التجمعات لانه التظاهر السلمي مكفول بالدستور
وآخر شي يايلي واحد بانت عليه تخاريف العمر ويقولنا اسبيعي احمييدي اهو الي طيح رئيس الحكومه!! عيب والله يالنفيسي تبخس حق الشعب
ويازينك لو تكمل نومتك وتقعد ابيتكم وتوفر علينا هالفلسفه العوره
شكله لقب الخبل بيزيد عليه التنافس هالأيام