ياهلي الروح تعبانه .. جيبوا لي دكتور نفسيه !!

[قندهار]

السلام عليكم ورحمة الله وبركاته​

<< واقف على كراع وهو حاط اصابعه بأذانيّه ويطنّب بالصووت:
(( اااااارحبوووووووو ))​

<< احم احم يعدل الكرفته ​

بعد هالترحيب الخوقاقي وانتوا تستاهلونه
يا اعضاء الشبكه القدماء والجداد ( ياكثر الجداد راحوا خويانا الاوليين )​

عندي مشكله وابي سلف قصدي شسمه ابي اعرضها
هماني خطبت مرتين وحده لقيتها متزوجه
والثانيه عادها بزر عمرها 16 سنه
جعلني ابكي من شار علي عزالله انه دجه​

المهم عقب هالموقفين جاتني غلقه وحاشني رعاش نفسي وزهايمر بالليل لا ارادي
<< يسمع بالزهايمر ولا يعرفه​

احس اني مكسور من داخل زي ما تقولون نزيف وكذا​

عمري شارف على الثلاثين وانا للحين عزوبي << قاعد يكشش على نفسه​

اذا شفت احد من اصدقاي اللي بعمري او اصغر مني وكل واحد شايل ولده
احس ودي اضم ميريام فارس من زود الحززززن

تدمع عيوني اذا شفت خيام عرس :/
والله موب حسد او شي .. بس لأني اقوول متى تجيني بنت الحلال اللي تسترني ​

احب ادخل محلات ملابس الاطفال ومحلات الالعاب
ووواسرح بخيالي ... ولا يقطع علي حبل افكاري الا واحد من حقين الهيئه ​

يقول الشاعري علي بن حمري :​

عطاني الزمن كل شي الا مره واطفال
عسى الله يكمل زينتي في الحياة امين ​

لاتحزن ولا تزعل تماسك وهد البال
ترى العاقل اللي يحسب حساب وقته زين ​

خلاصة الموضوع :
1- اذا شفتوا احد يضحك لا تحسبونه مبسوط ورايق ؟
2- لا تسألون شاب اعزب عن الزواج ومتى وليش تأخرت للحين ؟ ​

* ودي اطبع الموضوع و اوزعه منشورات على بعض اقاربي ​

رتويت لو سحمتوا
<< متأثر بتويتر هههههههه ​

تحياتي لكم .. احبكم كلبيكم :وردة:​

 

[q8xtra]

عسى الله يرزقك في بنت الحلال اللي تترس عينها وتترس عينك
ويرزقك منها الذريّه الصالحه
اللهم آمين

ولا تنسَ تعزمني يالغالي


​

 

[عـــــبدالمــــــلك]

عليك بالدينه الخلوق

والزين على ماقالو البدو غسول يدين

طيعني وانت بترتاح

 

[جواهر*]

الله يرزقك اخوي قندهار بالزوجةالصالحة اللي تسعدك وتريحك

تقول خطبت مرتين ليش ماتحاول اكثر من مرة

وايد خطبو مرة ومرتين وثلاث وماصار نصيب الله

والله يكتبلك اللي فيه الخير ويقدمه لك

 

[رُبـّـمــا]

أمها داعيتلها اللي تصير حرمكم المصون وتدخل بيتك وتغسّل اهدومك وتمسح دموعك :/​

يا اخي الطيب والموقر قندهار ..
الحمد لله على كل حال ..​

صدقني .. رب العباد أرحم بالعباد ..​

وما صرف عنا شيء أو أخّره إلا لما فيه مصلحتنا وخير لنا ..​

عليك بلزوم الاستغفار ..
فإنه يُقرّب كل بعيد .. بإذن الله تعالى ..​

 

[مسك الورد]

ضحكتني يازميل
الله يرزقك بنت الحلال يارب والذرية الصالحة عاجل غير اجل يارب.
ياحلاة العزوبية والحرية :إستحسان:

 

[وطني الكويت لاعدمناك]

ياهلا بالشيخ قندهار ومساك خير

تبي نصيحتي انحاش عن العرس وطاريه

الحريم تغيروا ياخوي ماعادهم مثل اول

تونسك اول الايام بعدها تعوفك هالشوق اللي خطيته فوق كله

بس تعجبني انك الى الاان مااعرست وانت على الثلاثين شاارفت

وبيني وبينك معشر البنات كل ماكبر الرجال اصبح هالشي ميزه ؟؟

يعني خذ لك بعد عشر سنين من غير شر وجرب اخطب اطلق بنت


الله يوفقك ويرزقك بالصالحه وتروحون محلات وتشترون العاب وملابس اطفال وتعيف ميريام ولاتطري عليك ويروح ان شاء الله رغاشك وزمهريرك كله

 

[أســـــما]

اخوي الله يهديك من صجك محتار؟تبي تختار لا تحتار ....
رايح اتخطب وحدة متزوجة...قلو الحريم كل بيت الحين فيه اربع خمس...ذوات خولق عظيم وذات دين ....
اكسب اجر فيهم ترى نسبه العنوسه والطلاق ارتفعت بشكل مخيف جدا ..ليس فقط بالسعوديه بل بالخليج ككل
مما يأثر على نفسيه النساء فبتالي ينعكس علينا نحن يالمجتمع!!!!

الحمدالله الذي عافانا مما ابتلاهم وفضلنا علي كثيرا من خلقه تفضيلا...

 

[سوزان 1]

بنضحك بدعاء تيسير الزواج كل يوم ادعيه بجوف الليل وبازن الله رح تلاقي بنت الحلال الي رح تهنيك
ازا مابتعرفه خبرني
الدعاء +العمل بالاسباب=بعد فترة قصيرة بتكون بقفص الزوجية

 

[kuwaiti000]

يوووه طريقة قديمة بتضبيط البنات مواضيع أنا عزوبي وابي مرا ومالقيت.



ألعب غيرها

 

[شجون الكويت]

اخي الكريم قندهار الله يرزقك انشاء الله بالزوجة الصالحة.... وطرا على بالي انك ممكن تروح ل (حبونا - نجران ) وستجد من يقدرك من الرجال الطيبين ويزوجك من بناته بدلا من أن تبحث عن العروس في المنتدا ... والسلام عليكم ورحمة الله وبركاته .. ​

 

[سفيان الثوري]

ما لفت نظري في موضوعك أخي الكريم إلا محل الاطفال وشراء الالعاب ..

اسأل الله أن يرزقك المرأة الصالحة الودود الولود ويرزق بنات وشباب المسلمين..

 

[kuwaiti_1]

عسى الله أن يرزقك بالزوجه الصالحه... والذريه الصالحه..أمين

 

[قندهار]

شكراً جزيلاً على مروركم وتعليقاتكم .. :وردة:​

اللي اعجبني انوه كل واحد له ردة فعل تختلف عن الاخر .
موب شرط ان هالموضوع يخصني بشكل صريح
ولكن حاولت اطرح بعض المشاهدات اليوميه .. بشكل كوميدي + درامي
<< يمكن اتطور واكتب بعض حلقات طاش ما طاش ​

برايفت : من ساء فعله ساءت ظنونه ​

 

[.. عصآمية *]

ههههههههه الله يسعدك ،

العمر جدامك ، و عسى الله يقر عينك باللي تسرها ويملي بيتك باللي تصونه ،

:وردة:

 

[خجـل]

الله يرزقك بالزوجه والذريه يارب ..

:وردة:​

 

[خـالـد الحجرف]

الله يرزقك الزوجة الصالحة ،، ​

وحتى لو قربت للـ 30 توك العمـر قدامــك ،،
أستمتـع بحيآآتـك.. الزوآآآج لآآحـق عليــه ،، العيال عندي بالدونية يبدأ الأنسحآب التكتيكي من الساعة 12 ..
واقعـد بروحــي طبعـآ اللي مايروحون الي أهلم بالأربعـين تلقآآه مقابلني 24 سآعــه :إستنكار:..
والله يستر عليهم أهل ربعي يكرهوني ولله.. لأني دآيمـآ أقول { وأحلف } الي يبي يعرس على زوجتـه المهـر علـي :إستحسان:
والعرض سآآري ليــن أتزوج أنـآ .. وبعدها ماعاد يشوفنـي بالدونيـه .. لأني بكون { بيتوتي }..
ولله كلهم يقولون بنشوفك اذا تزوجت تبقآ على رآيك هذآ { السهر ، والسفر ، والطلعات } ولا { تعدًل } عيآرك المدآآم
الخطه الخمسيـه هي : قبل عرسي بأسبوع بقولهم.. الحيــن عرفـت ان الزوج غلط يسهـر ويترك زوجتـه بالبيـت :إستحسان:​

 

[أم فواز]

يسعد صباحك اخوي قندهار ..

يقول لك كل تأخيرة فيها خيرة .. واذا لبّت الدعوة محد يردها ..

دام النية موجودة .. ان شالله بيرزقك ببنت الحلال ​

 

[بَسْمَة ..]

أخوي قندهار .. بصرف النظر عن كون المُعرف عميق ..​

وبصرف عن النظر عن كون الأسلوب ضحكني !​

الا ان الخلاصة .. هي الأهم ..
طبعا اكيدة ان كل شيء نصيب وتوافيق من الله
بس الواحد لازم يسعى يعني ..
واللي حولك ويسألون ليه توك ما تزوجت اكيد يبون يفرحون فيك مو لإي سبب ثاني
فـ لا توزع منشورات ولا شيء استهدي بالله ..​

وتأكد انك ماراح تموت الا لين تستكمل رزقك ونصيبك اللي مكتوب لك ..
بما فيها سالفة الزواج ​

الله يوفقك من عنده يارب ويرزقك .. أضعاف ما تتمنى ..​