سؤال وجواب سؤال عن الكاميرات السرعه الجدد ؟

[المهذب جدا]

اشوف مركبين كاميرات صغار بجانب الكاميرات القديمه ؟

ممكن توضيح القصد من تركبيهم؟

 

[المهذب جدا]

سؤالي مو واضح ولا شاسالفه

 

[salemuse1000]

حسب اللي سمعته انها لها عمل جديد عشان تصيد اللي يخففون كل ماشافوا كاميرا وبعدها يدسون فوق 120 بحيث

1. تلتقط هالكاميرات السيارات من النقطه الف مثلا وبعد ماتمر علي الكاميرات اللي بنقطه باء يحسبولك الوقت اذا تجاوزت المسافه بين هالنقطنين اقل من الوقت المطلوب راح تصورك حتي لو كنت ماشي اقل من 120 امام الكاميره لانه معانتها انك دست فوق 120 بين النقطنين اللي فيها كاميرات ووصلت للنقطه باء قبل الوقت المفروض توصله لما تكون دايس اقل من 120​

ارجو انه توضح الصوره واللي عنده كلام ثاني يفيدنا

 

[المهذب جدا]

salemuse1000

كلامك واضح الله يعطيك العافيه

ويا ريت الاعضاء يشاركون ان كان في سبب ثاني او هدف ثاني

 

[شجون الكويت]

الكاميرات القديمة سوف يتم ازالتها .. حسب علمي .. وتبقى الكاميرات اليديدة مكانها .. ​

 

[المهذب جدا]

شجون الكويت

شنو السبب من تبديلهم

هل هو نوع من التجديد او عشان الجدد فيهم مميزات جديده ؟

بصراحه شاغلني هالشي وصار لي كم يوم امشي شوي شوي

لاني متعود اسوق فوق ال 120 بس مو سرعه جنونيه

 

[شجون الكويت]

أخي الكريم المهذب جدا السبب من تبديلهم يقولون هذي كاميرات متطوره جدا .. اكيد فيهم مميزات جديدة .. ​

 

[بقيييط]

يقولون تاخذ بصماتك ​

 

[مجرد انسان]

هذا تصريح مصدر مسؤول يقعد عندنا بالدوانية يفتي بكل شي حتى الفيزياء النووية وعلوم الفضاء
الكاميرا الصغيرة اهي اساسا مو كاميرة اهي عبارة عن لاسلكي يوصل الصور دايركت للمرور

salemuse1000اعتقد ان كلامك صحيح ​

 

[الشعلي]

عبآرة عن فلاش قوي يلقط السيارة لو تجاوزت الكاميرا بسرعة كبيرة ..

الكاميرا الحالية فلاشها ضعيف لو مريت بسرعة عالية تطلع الصورة مشوشة وماتلقطك

الحالية يلقطك الفلاش لو ماشي مليون .. ومن مسافة بعيدة من تجاوزك للكاميرا

ولأن الفلاش يعطي قدرة كبيرة لتجميد الصورة وتبين أدق التفاصيل بالصورة

وأنا مرات أمشي عندها 130 ماتصورني .. وأن وصلت 140 عطتني أحلى صورة ^_*

 

[سكر زياده]

على اية حال
الكاميرات ما تصور الا فوق 140

 

[كل مواطن خفير]

على اية حال
الكاميرات ما تصور الا فوق 140

كلام غير دقيق

هي لها برمجه كل شارع له برمجه غير

المرور هم اللي يحددون التصوير فوق المسموح بعشره او عشرين

الكلام هذا سمعته من غرفة التحكم الخاصة بالكامرات

على فكره الكامرات تدار وتشغل من قبل شركة متعاقدة مع الاداره العامه للمرور

يعني خصخصه غير مباشره ​

 

[ساهر الليل]

الغريب في الامر ان الكاميرات الجديده خلال يومين ركبوهم في الكويت كلها​

والشارع اللي قدام بيتنا صار لهم اكثر من شهرين يعدلون فيه​

اي شي يضر المواطن بسرعه يخلص​

واي شي ينفع الناس يقعد له اكثر من سنه على مايسوونه​

 

[سكر زياده]

كلام غير دقيق​

هي لها برمجه كل شارع له برمجه غير​

المرور هم اللي يحددون التصوير فوق المسموح بعشره او عشرين ​

الكلام هذا سمعته من غرفة التحكم الخاصة بالكامرات ​

على فكره الكامرات تدار وتشغل من قبل شركة متعاقدة مع الاداره العامه للمرور​

يعني خصخصه غير مباشره ​

المقصد انها تصور فوق السرعه القانونية ب 20 كيلو متر بالساعه

مثلا شارع السرعة القصوى فيه 80 تصورك على 100
100 تصور على 120
120 تصور على 140

من واقع تجربه
وايضا لا داعي لـ (كع ) بريك قبل الكاميرا
بالامكان التخفيض من السرعة بهداوة وبدون احداث ربكة مرورية لان الكاميرا لا تلتقط الصورة الا بعد بضع امتار من المرور عليها

 

[Q8Rss]

هذول كامرات بث مباشر لمتابعه حركه سير المرور والحوادث ومتصله بالمطافي والاسعاف
ويستخدمونها لتحرير مخالفه السير على حاره الامان

بسبب تركيبها مع كامرات المخالفه سهوله تمديد الكهرباء لها من الكامره القديمه مع عقد صيانه الكامرات القديمه

المصدر مقدم بالمرور

 

[المهذب جدا]

شكرا لكل من شارك في الاجابه على السؤال

الزبده تبين لي من ردود الزملاء انها ما تصور اللي يسرع بين الكامرتين يعني مالها علاقه بالوقت اللي تقطعه السياره بين كامره وكامره اخرى

 

[ابوخالد لمتد]

انا اقول اللي مركبينهم مو كامرات

اهي عباره عن فلاش قوي يوضح مواصفات ولون السياره بشكل واضح

لان الفلاش القديم اللى راكب بالكامره يوضح رقم السياره بس

وبعدين لمن تكون السياره اقصي حاره من اليمين ماتصور الكامره

خاصتا اذا كان الشارع من اربع حارات

اللي حطوهم جدد مجرد فلاش لااكثر ​

 

[ICE BLUE]

الاكيد واللى اعرفه انه اذا بطريجك للبيت فى كاميرا مأذيتك كل يوم

بالروحه والرده دقق فيها عدل راح تلقى جهه فيها فتحات صغيره مثل الشبك

المربع وحده فوق ووحده تحت والجهه الثانيه مافيها

اللى فيها فتحات تصور والللى مافيه حط رجلك ولاتخاف​

 

[المهذب جدا]

مشكورين ...

 

[سعود الظفيري]

حسب اللي سمعته انها لها عمل جديد عشان تصيد اللي يخففون كل ماشافوا كاميرا وبعدها يدسون فوق 120 بحيث

1. تلتقط هالكاميرات السيارات من النقطه الف مثلا وبعد ماتمر علي الكاميرات اللي بنقطه باء يحسبولك الوقت اذا تجاوزت المسافه بين هالنقطنين اقل من الوقت المطلوب راح تصورك حتي لو كنت ماشي اقل من 120 امام الكاميره لانه معانتها انك دست فوق 120 بين النقطنين اللي فيها كاميرات ووصلت للنقطه باء قبل الوقت المفروض توصله لما تكون دايس اقل من 120​

ارجو انه توضح الصوره واللي عنده كلام ثاني يفيدنا

هذا الكلام الصحيح وانا متأكد منه 100%
لانه قريت هالخبر بالجرايد قبل فترة وقالو تطبيقها بيبدي بالاشهر القادمه
واذا ماخاب ظني شهر 4 تحديدا ... :إستحسان: