سؤال وجواب شنو افضل وقت للخروج من مركز النويصيب ؟

[جنوب الشمال]

ياجماعه شفت شى مو طبيعى فى مركز النويصيب يوم الخميس الساعه 9 الصبح زحمه وفوضى واقسم بالله واحد صدم سيارتنا عند كاونتر 5 ولما كلمته قال عادى والله ناس مضيعه سيارتها . اعوذ بالله شى ماشفته بحياتى . تصدقون اقسم بالله رجعنا للكويت بعد ماخوفنا الموظف وقال المركز السعودى اكثر زحمه ويفتشون وتامين سيارات . جزاكم الله خير وبارك الله فيكم منو اللى راح ورجع . شنو احسن وقت نروح فيه ؟ واحسن وقت نرجع فيه

 

[تشالنجر]

ساعه 5 الفجر

 

[جنوب الشمال]

شكرا لك يااخ تشالنجر

 

[الكرملين]

افضل وقت الظهاري 12 او 1

 

[ابو شووق]

مافي وقت محدد انت ونصيبك وحسب الموضفين الموجودين سافرت بكل الاوقات والحمد لله بيسر وسهولة

 

[مربي أجيال]

اذا صادف اجازه حاول تروح قبل الساعه ٦الصبح طبعا ها الكلام ينطبق على يوم السبت والخميس والجمعه اذا ماكان فيه اجازه المنفذ يكون فيه ازدحام خفيف الصبح وقت الدوام موظفين شركة وطلاب وغيره وغيره ولاتروح بداية الاجازة زحمممه غير طبيعية واحسب حسابك تجلس بالساعات بالمنفذ وبحكم اني متردد دائم على المنفذ اقولك الجمعه والسبت الجاي راح تكون زحمه غير طبيعيه للداخلين الى الكويت بحكم ان الناس راجعه من الاجازه  

 

[Aragon]

من 2 لي 5 الفجر

 

[Desert Eagle]

زحمه لان الانتخابات توها خالصه


ويفضل من ٣ الى ٥ الفجر


درب السلامه

 

[بومحمد33]

@Nuwaisib



هذا حساب منفذ النويصيب بتويتر



مايقصرون معاك انت بس اسالهم واهم يعلمونك اذا في زحمه ولا لا



بالسلامه

 

[خالد العبدلي]

مثل ما قالوا لك...أيام الإجازات اطلع الفجر بدري شوي

للعلم الأيام العادية في الظهاري وقبل نهاية الدوامات ما تكون فيه ذيك الزحمة

 

[BMW]

الحماطيات ،،،،، :وردة: