زحـــــــــمـــــة

[مسك الورد]

المشكلة انه الكل ينزل الديرة بنفس الوقت والكل يرد بنفس الوقت
لازم اتسوي مدن متكاملة من دوامات ومدارس ليش اللي بمبارك الكبير والاحمدي والمناطق البعيدة ينزل كل يوم الديرة عشان دوامه؟ المطلوب انشاء مجمع وزارات متكامل بكل محافظة عشان يخف الضغط على الديرة .
تطلع مبجر متأخر ما يفرق ذاك اليوم من شرق الى العديلية قعدت ساعة واشوي ليييش :باكي:

 

[wrx-48]

مو بس الديرة يبيلها نفضه , لازم انا وانت وغيرنا ننتفض ونوابنا الافاضل ينتفضون لهالازمة الي الي نعاني منها بشكل يومي , الوزارة الي اوجدت هالمشكله لازم تحلها وموذنبنا اذا كان رئيس مجلس الوزراء السابق على مدى 6 سنوات مومتفرغ الا لرفض اي مطلب شعبي ورفض اي مصلحة تهم المواطنين مع الاسف , سئمنا والله من هالحال ولاحول ولاقوة الا بالله

ننتفض اتمنى انك ما تزعل مني ولا احد يزعل مني
احنا شعب يتحلطم بالمنتدى ووقت الصجيه تتغدى وتشرب ذاك البن
وتحط راسك وتنام يا ليت نقدر نسوي شي طلعة الأردة نقدر ننسق ونسوي أكبر من هذا التجمع
وما يكون بينا اعضاء ونقعد اسبوع او اسبوعين وكل شخص يحطله دوانية صغيره هناك ويحط لوحة عن مشاكل الديره لان إذا قدعنا هني ونتحلطم ماراح تدري عنا القيادة السياسية
إلا ليمن نطلع ملينا من الفساد ملينا من الواسطه ليس ما يجرمون الواسطاة إذا يبون الأصلاح على قولتهم اللي يجيب واسطه سجن او غرامة فوق الــ 10 الاف في قوانين كثيرة

بالأخير تتكلمون عن الحريه وهي بعيده عنكم
الشعب خلال 18 يوم أسقط رئيس دولة
وأحنا بديمقراطيتنا ما نقدر نسقط الفساد شعب ما يستاهل الأحـــ ......

 

[_المطيري_]

هيه يا بنت الحلال السواقه للرجال مالكم معنا مجال ريوحنا يا بنات

تدرون شنو مشكلة الزحمه المشكله من الحريم عددهن اكثر من الرجال قبل ماتسوق

الا الحضريه الحين البدويات يسوقن , والحريم اكثر من الرجال وماعندهن مشكله مناشبات

الرجال في كل الوزرات بل مستحلاتها , وتلقاهن في كل شارع وكل دائري وكل وقت وكل وزاره

عكس قبل حدها تشتغل بالمدرسه وبس لكن شنو نقول الشعر ابلغ وصف للوضع

مات الحيا والمرجله دمها ساح ____ كلن كشف عن سوء نيه دفنها

 

[بن ذى يزن]

كنت اتضايق من الزحمه واستانس اذا عطلت المدارس الشوارع كلها فاضيه

بس تعودت على الزحمه بعد ما قال واحد اذا شفت الزحمه استانس
قول انه في حياة

فمشيتها وناسه

 

[ابــو دانـــه]

بالدول المتطوره اذا حدث حادث(عدتني سلوى) يصفطون الي مسوين الحادث على اليمين لين تجي الشرطه وتخطط الحادث بالكويت يقولون لك المرور خلك بنص الشارع وقف الشارع عشان مايروح حقك ولحد يلوم الوافد او المواطن اذا خلا سيارته واقفه بنص الشارع عشان يضمن حقه​

حل مشكلة المرور يكون بوقف العبث بأعطاء ليسن لكل من هب ودب من الوافدين ماعدى اصحاب المهن الكبيره متل الدكتور والمعلم والمهندس الخ وانشاء مترو انفاق تحت الأرض كبديل للوافدين عن السيارات ​

 

[ابــو دانـــه]

المشكلة انه الكل ينزل الديرة بنفس الوقت والكل يرد بنفس الوقت
لازم اتسوي مدن متكاملة من دوامات ومدارس ليش اللي بمبارك الكبير والاحمدي والمناطق البعيدة ينزل كل يوم الديرة عشان دوامه؟ المطلوب انشاء مجمع وزارات متكامل بكل محافظة عشان يخف الضغط على الديرة .
تطلع مبجر متأخر ما يفرق ذاك اليوم من شرق الى العديلية قعدت ساعة واشوي ليييش :باكي:

هذا من تخطيط الدوله السيء

ولا المناطق الي داخل السور المفروض من يوم ثمنوها مخلينها مثل ماهي وبانين الوزارات والمؤسسات برى العاصمه بس مافي بعد نظر

كدسوا العاصمه بهالوزارت والمؤسسات لين صار الكل يتجه لها وصارت زحمتنا من سوء التخطيط؟​

 

[بوعبداللطيف]

الحل الوحيد سحب اجازة السواقه من كل هندى ومصرى وبنغالى وباكستانى
يعمل لحسابه الخاص
70 بالمئه من العماله الهامشيه ماعندهم محلات ولامكاتب
مكتبه ومحله سريره ومخدته وغرفته الى ساكن فيها بالجليب وبالعباسيه
يحط اعلان بالوسيط وتهل عليه الاتصالات
ويطلع بسيارته السكراب يسبب لنا الازدحام كل يوم باللالف من الصبح لغايه الليل تارسين الشوارع تقول نمل

 

[خالد جاسم الم]

الازدحام لا يطاق اليوم و أمس

لا يطاق

لا يطاق

لا يطاق

 

[جارح]

شبكة الطرق في الكويت واسعة ومتنوعة ومتفرعة والمركبات جديدة لكن المشكلة في الادارة بما معناه انه لاتوجد ادارة واعية في المرور تفكر وتقترح الحلول لاخراج الكويت من الزحمة ....عقلية رجال الداخية هي الاسوأ في الكويت فأغلب الفاشلون دراسيا او ضعاف التحصيل العلمي يتجهون الى الداخلية ....نريد لجنة من العقول الجبارة الواعية والمخططة لتقترح الحلول العلمية القائمة على الدراسات الواقعية .....المرور يجني اكثر من 20 مليون دينار سنويا كقيمة مخالفات كفيلة بحل مشكلة الزحمة في الكويت .....الكويت ليست نيويورك ولا لندن ولا باريس فالكويت كلها وليس فقط مدينتها بحجمها ليست الا ضاحية من ضواحي امريكا و بريطانيا وهي مجرد مدينة (مجكنمة ) من السهل السيطرة عليها مروريا .

عقول مسؤولي المرور خاوية و ان شئت فسمها طبول لا عقول !!!

اوافقك الرأي يافريمان , من ناحية التخطيط بصوب واوضاع البلد بصوب , فعلا الافضل نسمي هالعقول طبول خاوية , صارت الديرة حق الي له مصلحة فيها فقط وتكسب ولي يخلص لها ياكل تبن بقفشه فيها ويرضى بالأمر الواقع , عيل تكاسي جواله بهالكثرة حق الكويتيين مثلا ؟ ولا الباصات الي ثلاث ارباعها فاضية منو يستخدمها الكويتيين مثلا ؟ يعني هالبلد فيه تناقض عجيب غريب والدليل تركيبته السكانية , بلد ثلاث ارباعه وافدين والربع مواطنين !! ​

 

[meshal]

كل موضوع وقلتوا وافد ووافدين ..
عطوني إسم مدن في العالم ما قاعد يزيد سكانها .

أنا أقط عيالي الصبح المدرسه عدد السواق اللي يوصلون الطلبه أكثر من أولياء الأمور بالتالي الوافدين هذيل جزء من سواقنا .

الكويتيين بدوامهم بصوب .
المراجعين بصوب .
طلبة الجامعات والمعاهد بصوب .
سيارات الشركات بصوب .
الموظفين الوافدين بصوب .

يعني مادري إشلون ما تبون تصير زحمه وتتكدس السيارات والكويت بلد صغير والحكومه حشرت المناطق بمن فيها جهة البحر .

وهذي دولة ومن المفترض تجاري الزيادة الطبيعية في نسبة السكان واللي نشوفه هو من سوء إدارة الحكومة للدولة خلال العشرين سنة اللي فاتت .
تعودوا ما عليه هذي الكويت .

 

[بوعبداللطيف]

الكويت بالمرتبه 126 من 132 دوله بالتلوث البيئى
بينا وبين اسواء دوله 6 ارقام
واحنا عددنا مايتجاوز مليون نسمه كويتى
يعنى لو نوزع الوافدين على شعب الكويت يطلع لكل كويتى ٣ وافدين

3 مليون وافد هم سبب الكارثه البيئه
وفى دراسه تقول ان 2015 راح يوصل عدد الوافدين 5 ملايين وافد بالكويت
وتقولون ليش امراض السرطانات انتشرت


حلّت الكويت في المراتب الأخيرة عالميا من حيث نسبة تلوث البيئة، إذ جاءت في المرتبة 126 من أصل 132 دولة مصنفة على مؤشر الأداء البيئي EPI، الذي تصدره جامعتا يال وكولومبيا في الولايات المتحدة الأميركية. وقد حل بعد الكويت 6 دول فقط هي اليمن وجنوب أفريقيا وكازاخستان وأوزبكستان وتركمانستان والعراق.
ويبني علماء الجامعتين الأميركيتين المؤشر وفق معطيات تاريخية عن التصحر وتلوث الهواء ونسبة الوفيات والخصوبة وحجم المساحات الخضراء والاهتمام بالطبيعة. وقال التقرير المرفق مع المؤشر ان الكويت من أسوأ الدول في العالم أداء في حماية البيئة أو تحسين جودة الطبيعة. ووفق التصنيف، حلت سويسرا ولاتفيا والنرويج ولوكسمبورغ في المراتب الأولى عالمياً.

 

[bo 3jeel]

الكويت بالمرتبه 126 من 132 دوله بالتلوث البيئى
بينا وبين اسواء دوله 6 ارقام
واحنا عددنا مايتجاوز مليون نسمه كويتى
يعنى لو نوزع الوافدين على شعب الكويت يطلع لكل كويتى 3 وافدين

3 مليون وافد هم سبب الكارثه البيئه
وفى دراسه تقول ان 2015 راح يوصل عدد الوافدين 5 ملايين وافد بالكويت
وتقولون ليش امراض السرطانات انتشرت


حلّت الكويت في المراتب الأخيرة عالميا من حيث نسبة تلوث البيئة، إذ جاءت في المرتبة 126 من أصل 132 دولة مصنفة على مؤشر الأداء البيئي EPI، الذي تصدره جامعتا يال وكولومبيا في الولايات المتحدة الأميركية. وقد حل بعد الكويت 6 دول فقط هي اليمن وجنوب أفريقيا وكازاخستان وأوزبكستان وتركمانستان والعراق.
ويبني علماء الجامعتين الأميركيتين المؤشر وفق معطيات تاريخية عن التصحر وتلوث الهواء ونسبة الوفيات والخصوبة وحجم المساحات الخضراء والاهتمام بالطبيعة. وقال التقرير المرفق مع المؤشر ان الكويت من أسوأ الدول في العالم أداء
في حماية البيئة أو تحسين جودة الطبيعة. ووفق التصنيف، حلت سويسرا ولاتفيا والنرويج ولوكسمبورغ في المراتب الأولى عالمياً.

معناته بعد جم سنه الكويتي مكانك راوح يعني عادي يلحقونه بعصي لانهم اكثر

المشكله تدري وين من تجار الاقامات اللي كل واحد فتحله مؤسسه وجابله 100 راس وقطهم بالشارع لين طلع فلوس بيته اللي شراه بجنوب السره وغيره وغيره وسبب المشكله طبعاا الهوامير اللي علمو الناس على هالشي

 

[بوعبداللطيف]

الكويت الرابعه عالميا فى ازدحام السيارات

هل هذا طبيعى يا جماعه الكويت من مئات دول العالم الصناعيه والعالميه الى تصنع السيارات
هل يعقا ان الكويت تحتل الرقم اربعه بينها وبين الاول 3 ارقام فقط
هل يعقل ان الكويت تتعدى الصين بلد الميار ونص شخص والهند بلد المليار هندى
واحنا عددنا مايتجاوز مليون
هذى بركات البنغاليه والهنود والباكستانيه والمصاروه
الهندى والباكستانى الى مايحصله ببلده يسوق قارى بالكويت يسوق سياره


من كونا اقروا ياجماعه

عن دراسة حديثة قامت بها وزارة الداخلية واستضافت فيها مؤسسات بحثية عالمية لنقاش مشكلة زحمة المرور في الكويت وتشير ان الكويت احتلت المركز الرابع عالميا من حيث زحمة المرور وان كلفة الازدحام المروري في الكويت تفوق أربعة مليارات دولار سنويا.ا

كما تشير الدراسة ان اغلب الطرق في الكويت تجاوزت 85 في المئة من طاقتها الاستيعابية مبينة انخفاض نسبة عملية بناء الطرق الحديثة في الدولة منذ بداية التسعينيات وانها لا تتناسب حاليا من النمو الاقتصادي والاجتماعي الذي تشهده الدولة

[مصدر [كونا

 

 

[بوعبداللطيف]

معناته بعد جم سنه الكويتي مكانك راوح يعني عادي يلحقونه بعصي لانهم اكثر

المشكله تدري وين من تجار الاقامات اللي كل واحد فتحله مؤسسه وجابله 100 راس وقطهم بالشارع لين طلع فلوس بيته اللي شراه بجنوب السره وغيره وغيره وسبب المشكله طبعاا الهوامير اللي علمو الناس على هالشي

انصحك بالتقاعد المبكر لانك حتى الجمعيه ماراح تقدر توصلها من الازدحام
قبل نسمع ان فى وقت ذروه لازدحام السيارات وهو وقت ذهاب الناس لدواماتهم وخروجهم من الدوام

الحين الازدحام مستمر فى كل وقت الوافدين منتشرين بالشوارع تقول نمل

بعد 3 سنوات اذا ماتخلصوا من العماله الهامشيه
انصحك توقت الساعه تقعدك حق دوامك الساعه 3 الفجر عشان توصل حق دوامك قبل لاتصكر الشوارع من الوافدين
الحين نطلع الساعه 6 وبالغصب نلحق نفتك من الازدحام
اذا صاروا 5 ملايين وافد شنسوى نطق اصبع

 

[بوعبداللطيف]

قضيه الأسبوع  «الزحمة المرورية» 
المشكلات المرورية من حوادث وتلوث بيئي وضوضاء تكلفتها 3 مليارات
قرأت عن دراسة حديثة قامت بها وزارة الداخلية واستضافت فيها مؤسسات بحثية عالمية لنقاش مشكلة زحم المرور في الكويت وتشير إلى أن الكويت احتلت المركز الرابع عالميا من حيث زحمة المور وان كلفة الازدحام المروري في الكويت تفوق أربعة مليارات دولار سنويا.ا
كما تبين الدراسة أن اغلب الطرق في الكويت تجاوزت 85 في المئة من طاقتها الاستيعابية مبينة انخفاض نسبة عملية بناء الطرق الحديثة في الدولة منذ بداية التسعينيات وانها لا تتناسب حاليا من النمو الاقتصادي والاجتماعي الذي تشهده الدوله
 

وتقول الدراسة إن كلفة الازدحام المروري في دولة الكويت تفوق أربعة مليارات دولار سنويا بينما تصل كلفة المشكلات المرورية المتمثلة بالحوادث والتلوث البيئي والضوضاء حسب المواصفات العالمية حوالي ثلاثة مليارات دولار سنويا.
ووفق الدراسة التخمينية التي كانت محور نقاش الورشة العالمية التدريبية لكوادر الجهات المعنية في المرور وقطاع النقل التي أقامتها وزارة الداخلية إن تكلفة الازدحام المروري تشمل ضياع الوقت والتلوث البيئي واستهلاك الطاقة غير الضروري والتأثيرات النفسية والاجتماعية على مستخدمي الطريق.
وبحسب الدراسة فان الرحلة من وسط العاصمة الكويت الى ميناء الشويخ تستغرق حاليا أربعة أضعاف الوقت خلال ساعة الذروة مقارنة بالوقت العادي كما أن الكويت وعلى المستوى العالمي تحتل التسلسل الرابع “عالميا” بالنسبة الى الطرق المزدحمة بالمركبات لكل كيلو متر واحد.
وتناولت الدراسة المخطط الهيكلي للدولة والدراسات الاستراتيجية الاخرى التي تتحدث عن ان اغلب الطرق في دولة الكويت تجاوزت 85 في المئة من طاقتها التصميمية والاستيعابية او أكثر مبينة انخفاض نسبة عملية بناء الطرق الحديثة في الدولة منذ بداية التسعينيات وانها لا تتناسب حاليا من النمو الاقتصادي والاجتماعي الذي تشهده الدولة.

 

[جارح]

دبي صحراء وبالكويت عندنا صحاري يجب ان تعمرها عندنا بوبيان الجو بالصيف بارد بوبيان اكبر من البحرين يجب نقل التخطيط لبوبيان وبعدها نقل السكان لبوبيان وجعلها بوبيان المستقبل للخليج بس بالحلال مو فقط لقنوات الطرب
بوبيان تكفي لمناطق الكويت وزياده

شكرا على مرورك اخوي , المشكله كل فترة خابينا اسبوع المرور واسبوع المرور ولي يسمعهم كأن الامور ماشية من احسن مايكون واهم عافسين ام المرور والواحد كره يطلع حق مشاويره والسبة ادارة المرور وفشل تخطيطها , الديرة ثلاث ارباعها واكثر صحرا واحنا منحكرين بين هالوافدين وزحمتهم , ياما قلنا ابنوا لهم مدن سكنية وتكون بعيدة شوي , الفلوس تسوي كل شي لكن البخل ذبح هالديرة

 

[wrx-48]

شكلك جديد على الكويت وماتعرف شوارعها زين

الزحمة موجودة منذ الازل يعني قايل شي جديد ؟

بخصوص الوافدين فهم يشتغلون لأمثالك اذا كنت ترضى تشتغل بمهنتهم يامدعي العلم والمعرفة ياخرطي روح عدل اسلوبك وتفكيرك وتعال ناقش بعدها

ماشاءلله عليك اسلوبك اسلوب رجل فاهم ومتعلم ومتربى <<<< ما علينا

اولاً الشغل مو عيب العيب

روح يا حبيبي لسلطنة عمان وشوف بنات وشباب العمانيين شنو يشتغلون
أقسم لك بالله راح تحتقر نفسك وتحتقر الشباب الكويتي اللي شايف نفسه طبعاً مو كل الشباب
شبابنا فيهم الخير والبركة

جمعياتهم بنات وشباب يشتغلون (( كاشير ))
الفنادق الشاب العماني حمالي جنط والبنات بالرسبشن

وأمثالك ما اظن ان عندهم جواز سفر وما اظن انه يدل المناقيش او خباري الصبيه او جبل القرين

 

[جارح]

بدر المطر: الوضع المروري في الكويت ' كارثي '

14/3/2012 الآن: محرر المحليات 11:06:17 PM

من الأرشيف​

طالب رئيس الجمعية الكويتية للسلامة المرورية د. بدر المطر وزارات الدولة المعنية بالتحرك الفوري والسريع للتعامل مع الازدحام المروري في الكويت والذي وصل لحد ' الكارثة ' ولا يمكن باي حال من الاحوال التعامل معه بنفس عقلية وبيروقراطية ستينات القرن الماضي خاصة اننا نعيش في عصر التحولات الهائلة والطفرة العالمية في المواصلات والاتصالات .
ودعا المطر في تصريح صحافي بمناسبة اسبوع المرور الخليجي الى الاستفادة من التجارب في الدول الخليجية المجاورة وخاصة دبي التي اتخذت خطوات عاجلة وواضحة في التعامل مع الازدحام المروري مشددا في الوقت ذاته على ان حركة المرور بدولة الكويت وصلت الى درجة الخطر f “ 'وهو مؤشر خطير .
ولفت الى ان شوارع الكويت لم تعد تستوعب تسيير اكثر من مليون ونصف المليون سيارة يوميا على طرقها اضافة الى ضخ اكثر من 63 الف سيارة جديدة سنويا في شوارعنا .

لبناني يشتغل بصالون عنده ليسن وسيارة !! شنو هالوظيفة المهمه الي تأهله يستخرج رخصة قيادة ؟؟
والمطر يقول الوضع كارثي !! انا اقوله الكارثة الحقيقية هي وزارة الداخلية وفسادها
حلاق عنده ليسن وكم حلاق عندنا عنده ليسن بالبلد ؟
وكم سباك عنده ليسن ؟
وكم نجار عنده ليسن ؟
وكم حداد عنده ليسن ؟
وكم كهربائي عنده ليسن ؟
وكم وكم وكم وكم وكم وكم وكم وكم وكم وكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لي عشر سنين ماراح اخلص مع وزارة الداخلية​

 

[شمري كويتي]

بالصورة زحمة على الصوبين

الحادث صار على اتجاه واحد

ليش الصوب الثاني زحمة وواقف فيه السير​

 

[جارح]

بالصورة زحمة على الصوبين​

الحادث صار على اتجاه واحد​

ليش الصوب الثاني زحمة وواقف فيه السير​

اخوي هالصورة من ارشيف الجريدة , عادي تحصل عندنا بالشارعين الرايح ولي راد , تلقاه وافد مسوي حادث ومكسور الليت عنده وينطر دورية تخطط الحادث وينطرونه ساتول من 10000 سيارة وراه , اذا يبون من ارشيفنا هم نقدر نفيدهم , اطلع 10 دقايق عند اقرب جسر واطق لي صورتين واحطهم عادي يعني الزحمة عندنا روتينية وطبيعية جدا بمباركة من الحكومة وتحديدا وزارة الداخلية​