هل يوجد في الدوائر الخمس صوت أعور ؟؟؟

[المتبحر]

احترت بهذا الأمر :

لا ندري هل يوجد فيها صوت أعور أم لا !!

نريد الخبر اليقين !!

 

[الرأي الاخر]

نعم حسب قانون الدوائر لكل ناخب له الحق بالتصويت لاربعة مرشحين بحد اقصى...

يعني ممكن صوت ...او صوتين ...او ثلاثة اصوات...او اربعة....

لك الخيار...

بالنهاية...يوجد صوت اعور...بس راح يعور في هالانتخابات...

 

[الأم الكويتية]

انا ابي اعرف يصير تعطي مرشح واحد اكثر من صوت ؟

 

[بو حمد]

انا ابي اعرف يصير تعطي مرشح واحد اكثر من صوت ؟

هههه ... اعجبتني هذه الفكره

الام الكويتية لديكم مرشح-مرشحه متعصبه لها لهذه الدرجه؟؟

 

[تأبط رأيا]

انا ابي اعرف يصير تعطي مرشح واحد اكثر من صوت ؟

يصير تعطينه الاربع اصوات اللي لك كلها وبذلك يصبح عنده اربع اصوات من شخص واحد

 

[الأم الكويتية]

خطط اسراتيجية

هههه ... اعجبتني هذه الفكره

الام الكويتية لديكم مرشح-مرشحه متعصبه لها لهذه الدرجه؟؟

زين الحمد لله اعجبتك عليك بالعافية

لا يبا مو تعصب خليني اوضح لك الصورة

خلينا نقول مثلا دائرة فيها 13 مرشح حكومي و 4 وجودهم مثل قلتهم و 1 قوي و نزيه و ما ينشرى و 2 علة على المجلس و 3 زينين بس مالهم ذاك التأثير الخ

بدال لا الواحد يقط صوتين على الزينين و صوت واحد للقوي اعتقد الارع اصوات تكون انفع عشان يوصل القوي.

لان بالتالي مو كل الناخبين راح يختارون الاختيار الصحيح فعلشان الكفوء يصل للمجلس الامر يتطلب خطط استراتيجية حتى ما نتحسر بالتالي لما يوصلون ناس ما المفروض يوصلون.

ها اوضحت الصورة ؟

 

[الأم الكويتية]

يصير تعطينه الاربع اصوات اللي لك كلها وبذلك يصبح عنده اربع اصوات من شخص واحد

تتغشمر و لا صج ؟

و الله احنا الحريم حالتنا حالة الانتخابات الماضية كانت اول مرة لنا كانتخاب

و هالمرة اول مرة يصير عندنا 4 اصوات بدال صوتين

تجربة يديدة علينا ما ننلام مو مثلكم صار لكم يالرياييل دهر

 

[فديت ترابها]

لا اختى مافى صوت اعور

ومافى جميع الاصوات لشخص

المسأله كل مرشح جدام اسمه مربع تحطين صح جدام الى تبينه

والتصويت سوف يكون ببطاقه مخصصه للتصويت وليس بالجنسيه

تجدونها عن مختار المنطقه

 

[الأم الكويتية]

لا اختى مافى صوت اعور

ومافى جميع الاصوات لشخص

المسأله كل مرشح جدام اسمه مربع تحطين صح جدام الى تبينه

والتصويت سوف يكون ببطاقه مخصصه للتصويت وليس بالجنسيه

تجدونها عن مختار المنطقه

مشكورة اختي العزيزة فديت ترابها على الرد :وردة:

بس بالذمة مو المفروض الحكومة تسوي لها حملة اعلانية ارشادية للناخبين و الناخبات لاعطائهم المعلومات حتى يزيدون من وعيهم الانتخابي ؟

و لا بس فالحين لي بحملة الترشيد الي توفر عليهم الفلوس.

يرحم والديكم نبي حملات توعوية عشان ننقذ هالبلد و نختار صح

البعض يتفلسف و يقول ما نبي فساد انتخابي و بدال لا ينور الناس يتمصخر عليهم.

لا بالله قضينا على الفساد و الجهل دام انتوا بابسط الامور وهي الكلمة ما تبون توعون الناس.

 

[تأبط رأيا]

لا امزح بالطبع عزيزتي الأم, لك اربع اصوات توزعينها على اربع مرشحين, وإن رأيتِ من وجهة نظرك أن لا احد يستحق إلا مرشح واحد عطيه الصوت( اشّري على اسمه فقط بعلامة صح واحده), وهذا يسمونه (صوت عور) .

والصوت العور له حكايات...احد المرشحين متحالف مع مرشح آخر, وكل من مر عليه امام اللجنة (المدرسه) سلم عليه وهمس له (عور) يعني عطني الصوت واقطع عن حليفي, قمة النذاله , أحد مفاتيح المرشح الثاني اسمعه وابلغ صاحبه, وصار القطع متبادل واسقطوا الاثنين.

وعلى فكره, اذا اعطيتي اكثر من اربعة اصوات تعتبر الورقه باطله, أو كتبتي اي كلمة غير علامة الصح تعتبر ايضا باطله, يعني خذي الورقه وروحي على صوب واشري على مرشحك واثني الورقه وضعيها في الصندوق, ثم اتجهي للقاضي وقولي له بصوت مسموع: أنا رشحت فلان.


طبعا ما ورد اعلاه صحيح كله عدا الاتجاه للقاضي والافصاح عن مرشحك..ديري بالك...كانت مجرد مداعبه مني لك.
راح ابحث عن موضوع التصويت واضعه هنا إن وجدته لتثقيف المقبلين على التصويت.

تحياتي لك الاخت الأم

 

[كـويتي صريح]

يقولون الحامل لها صوتين
صج ​

 

[الأم الكويتية]

والصوت العور له حكايات...احد المرشحين متحالف مع مرشح آخر, وكل من مر عليه امام اللجنة (المدرسه) سلم عليه وهمس له (عور) يعني عطني الصوت واقطع عن حليفي, قمة النذاله , أحد مفاتيح المرشح الثاني اسمعه وابلغ صاحبه, وصار القطع متبادل واسقطوا الاثنين.

هذا تحالف يهودي بصراحه نفاق حتى بالتحالف وا ويلاه
صحيح قوم تعاونوا ما ذلوا لكن المرشحين المذكورين الظاهر قرروا انهم يمشون عكس القاعدة و يستاهلون السقوط بجدارة.

وعلى فكره, اذا اعطيتي اكثر من اربعة اصوات تعتبر الورقه باطله, أو كتبتي اي كلمة غير علامة الصح تعتبر ايضا باطله, يعني خذي الورقه وروحي على صوب واشري على مرشحك واثني الورقه وضعيها في الصندوق, ثم اتجهي للقاضي وقولي له بصوت مسموع: أنا رشحت فلان.

حلوة هذي لا تخيل اسويها صج واي صج موتني من الضحك الله يغربل ابليسك.

طبعا ما ورد اعلاه صحيح كله عدا الاتجاه للقاضي والافصاح عن مرشحك..ديري بالك...كانت مجرد مداعبه مني لك.

لا اشدعوة اكيد ادري بس خوش مداعبة و الله مت من الضحك تنفع لمشهد من مسرحية سياسية فكاهية. بس تدري اشلون جني بسويها بوحدة اعرفها خل اشوف اذا تبي تصوت حق ناس ما ابيهم بقولها سوي جذي آخر شي عشان اضمن ان الاصوات ما تروح حق الي ما يستاهل

راح ابحث عن موضوع التصويت واضعه هنا إن وجدته لتثقيف المقبلين على التصويت.

عزيزي اكثر الناس الي محتاجة تثقيف بهالموضوع ما يدخلون النت و المنتديات بل هم من ملاصقي التلفاز ، بس فكرة حلوة ايضا ان تضع الموضوع هنا ايضا يعطيك العافية مقدما.


و تحياتي لك الاخ تأبط رأيا :وردة:

 

[الأم الكويتية]

يقولون الحامل لها صوتين
صج ​

لا يبا خبرك عتيج يا كويتي صريح ذاك ايام ال 25 دائرة