اترك الجامعه وصير فني بعد المتوسط بالكهرباء احسن

[ابو مساعد الكويتي]

لان تم مضاعفة بدلاتهم الي ثلاث اضعاف بدل نوبه وسهر نائيه و و و الخ الفني بالكهرباء بالطواري المياه وغيرها التوتل 1000 والباكولريس 640 واقل زياده علي 50 الجامعي علي الرابعه 65:باكي::باكي:

 

[كـويتي]

انت خليت النفط والمهندسين والمدرسين ورحت للفنيين الحفاي ​

ترى ماجاهم شي ​

البعض منهم يتمتع بالبدلات والكثير منهم ليس لديه اي كادر ​

واكثر شهادات الثانوية والجامعة من خارج الكويت ​

يعني بخشم الدينار ​

المردود حرام والله يغنينا عن الحرام ​

 

[ابــو دانـــه]

خليط النفط وحطيت عينك على الفني الي شهادته تعادل ثنويه وياخذ 700 دينار فقط؟

صج لي قالو ديرة حسد

 

[تشالنجر]

اي والله جامعي 800 ورابعة ابتدائي بالجيش 800 شلمصخره

 

[كويتي]

انا فني وصارلي 12 سنه اكرف وراتبي مع الزوجيه ماوصل للمبلغ الي تقوله
وزيدك من الشعر بيت من خمس سنوات شالو عنا بدل مناطق نائيه 35 دينار .

 

[منر الكويت]

للعلم العلاوات الي اتكلم عنها علاوات مقطوعه يعني حق ناس وناس الديوان ضحك علينا

هالعلاوات الي اتقول عنها اذا حبك المسؤال مشاها لك وكل 6 شهور تتجدد واذا الوكيل زعل يقطعها عنك

6 شهور واذا المدير زعل على مسؤلك وقفها 6 شهور يعني تيتي تيتي مثل مارحتي جيتي .


شوف التحلطم

http://www.q8iss.com/vb/index.php

 

[ابو مساعد الكويتي]

انا لين كتبت الكلام واثق ان هناك من ربعي فني اعلي من صاحبي الثاني الي مخلص الجامعه حسيت فيه لانه الجامعي قاعد يسال صاحبي عن المعهد الي بفلوس حق الفني لانه ناوي يطنش شهادة الجامعه ويصير فني لان الفرق كبير هذا التخبط

 

[جارح]

المهم طالب بزيادتك ولا احد يحسد الثاني

بالنهاية كلها تخبط من الحكومة , زادوا ناس على ناس وتوهقوا !!

الحين شلون يسحبون الكوادر او يقللونها ؟؟

ورطه مابعدها ورطه

اييييه يالبصيري شسويت بالديرة​

 

[bujassim]

الزيادات مستحيل تنسحب خلاص الناس حطت على نفسها قروض وديون بعد تسحبون منها زيادات


ماتوقع

وبعدين وزارة الكهرباء بدلاتها خرطي ونقابتهم تعبانه يبيلها نفضه


قايلين من الاول لومطيحين القروض + زيادة عادله جان محد طلب زيادات هالكثر وغير عادله


اكلوها ياحكومه

 

[عبدالعزيز الهاجري]

نعم مصيبه كبيره

ان يكون راتب الجامعي 700 دينار

وان يكون راتب شخص يحمل شهادة رابعه متوسط ودبلوم 9 شهور (شاريها طبعا) 1000 دينار تقريبا

يعني هناك مصيبه عظمى في سلم الرواتب يدل على ان القائمين على هذا المكان ليس الا متخلفين ولعبوا بالبلد لعب​

 

[عبدالعزيز الهاجري]

وللتذكير جامعي ومعاه ماجستير في الوزارة يستلم تقريبا 760 دينار

بينما صاحب شهادة ثانوية يستلم في شركة النفط 1400 دينار

يعني الدبل

يعني لو كلهم اصحاب شهادة ثانوية قلنا معاليه

لكن الاول جامعي ماجستير

والثاني ثانوية والفارق دبل

قوية​

 

[panadol]

23. لإدارة المنتدى الحق في حذف أي موضوع يكون عبارة عن سؤال قصير أو موضوع لا يتجاوز ثلاثة أسطر وطرحه ضعيف.
​