للعلم وهذه شهادة للتاريخ
امير قبيلة العجمان
كان اول امير قبيلة
يستنكر حادثة ضرب القوات الخاصة للحرمة الشمرية
الذي اتضح لاحقا انها ليست شمرية
وكان استنكاره حتى قبل استنكار ابناء قبيلة شمر
على الرغم من انه كان مسافر خارج الكويت
واتصل على شيوخ شمر وقال انا معكم باللي تبونه
ولو ان السالفة استمرت
تشوف ابوراكان اول واحد يذهب للقيادة السياسية
مع شيوخ قبيلة شمر
ومعلومة اخرى يعرفها الجميع ولكن للتذكير
جد الامير سلطان ابن حثلين
اول ما طلع من السجن في تركيا
نزل على ابن رشيد في قصر برزان بحايل
والان في الوقت الحالي
الامير سلطان ابن حثلين اقرب امير من امراء القبايل
لقبيلة شمر في الكويت والسعودية
وتوجد علاقات نسب ومصاهرة كثيرة
ومنها مصاهرة بين الجربا والحثلين
واقوى علاقة بين القبايل تاريخيا
في الماضي والحاضر هي بين شمر والعجمان
وكل القبايل تعرف هذا الشي
ومواقف ابن رشيد مع العجمان معروفة
ولهم منزلة خاصة وتقدير عند جميع مشايخ شمر
والله العظيم انه في مجالسنا اذا جا طاري العجمي نفز ونقول ونعم
وشيبانا ما يرضون احد يتعرض للعجمان بكلمة فيها
اي اساءة ولو كانت كلمة عادية تقال بدون قصد
واذا جا طاري العجمان قالو الاد مرزوق ونعم
وهم في المقابل اذا جا طاري شمر
يقولون ونعم بالطنايا ونعم بالسناعيس
وانا لي بناخي عجمي طفل لايعرف الكذب
وانتم تعرفون براءة الاطفال والصدق فيهم فطرة
نسمع منه الكلام المتوقع ان نسمعه من كل عجمي
لان ابوه مربيه على المرجلة ومعرفة حق الرجال
هذا ما تربينا عليه عند الرجال والمجالس
جميع القبايل لها احترام وتقدير
ولكن العجمان لهم وضع خاص لدى قبيلة شمر
وهم كذلك نفس الشي
ونعتبرهم اقرب قبيلة لنا
على الرغم اننا مع الظفير و الفضول نلتقي في جد
ونلتقي كذلك مع الهواجر و القحاطين في جد
ولكن العجمان لهم مكانة خاصة في نفس كل شمري
واللي نسى يرجع لمقطع النائب خالد الطاحوس العجمي
في مقر محمد الخليفة الشمري في الجهراء
ايام انتخابات مجلس الامة 2012
ويسمع كلامه في قبيلة شمر
وكيف مدح شمر وابن رشيد وذكر دوره مع
راكان ابن حثلين امير العجمان سابقا
ويسمع رد قبيلة شمر عليه ورفع العقل
وصيحات الفزعة والدعم والتأييد الصادق
وكيف انهم عاهدوه على دعمه في الانتخابات
وكان الدعم علني وبصوت عالي وامام وسائل الاعلام
دعم علني من شيوخ ووجهاء وابناء قبيلة شمر
على الرغم من وجود مرشح شمري
دخل تحالف في الدائرة الخامسة
ولكن الشمري معروف بالصدق والصراحة والوفاء بالوعد
وانه اذا قال كلمة يلتزم فيها ولو على قص رقبته
واعلنوا للطاحوس انهم معه في الانتخابات
وانهم لايعترفون بالتحالف الذي فيه مرشح شمري
ولا يمثلهم ولا يجبرهم على الالتزام معه
وانصبت اصوات قبيلة شمر على الطاحوس
ولم ينسو البرغش ونايف المرداس والصيفي والصواغ
واللي يبي يعرف كلام امراء وشيوخ قبيلة شمر
يسأل عنه النائب خالد الطاحوس شخصيا
يقول له شقالولك شيوخ شمر على المنصة
بعد ان انتهيت من كلمتك
والله احد امراء قبيلة شمر المعروفين
قال للطاحوس بالحرف الواحد
العن ابو شمري ما يصوتلك يا العجمي
والثاني قال اللي ما يصوتلك ماهو شمري ولاجابته الشمرية
واللي يشكك في كلامي يسأل خالد الطاحوس
ويواجهني بكلامه هني في الشبكة