اختلاف اهداف الزواج عند الرجل والمراة

[تيربو]

نسبة الطلاق في الكويت توصل 50% والسبب الرئيسي عدم التفاهم .واكبر سبب في عدم التفاهم عدم القدرة على معرفة احتياجات الطرف الاخر.

سؤالي لكل شخص ليش تزوجت او ليش تبي تتزوج شنو اهدافك وشنو متوقع اهداف الطرف الثاني ووعد مني راح اعطيكم الاجابة اللى توصلت لها بعد 10 سنوات من الزواج يمكن تساعد احد

 

[تيربو]

اشدعوا ولا رد

 

[مسك الورد]

انا بقولك ليش في ناس ما تبي تتزوج
ما تبي تتنازل عن عرش الحرية اغلبنا في بيوت اهلنا مدللين معززين مكرمين وطلباتنا اوامر
بلحظات تتنازل عن هالاشياء عشان تتحمل مسؤوليتك ومسؤولية شخص ثاني شي جداً صعب

 

[النوف]

أهلاً زميلنا تيربو،،،..

اكيد من اهداف الزواج هو الاستقرار

وتكوين اسرة وإشباع عاطفي وجسدي،،،..​

 

[تيربو]

انا معاكم بس نظرة الرجل للاستقرار تختلف عن المراة

الرجل يبي من الزواج

1-العلاقة
2-الخدمات( طبخ-غسيل ملابس-كوي) اللي كان يدفع لها فلوس في المطاعم والمصابغ
3-الاولاد

المراة تبي من الزواج

1-الحب والحنان (شخص تحس معاه بالامان-تشكيله همومها-يخاف عليها)
2-الوناسة و الفرح (تطلع من جو البيت -سفرات-مطاعم-سينما)
3-الاولاد

 

[النوف]

نبي إجابتك اللي استخلصتها

بعد عشر سنوااات؟؟؟​

 

[تيربو]

بالعربي


الرجل يتزوج علشان يقعد في البيت والمراة تتزوج علشان تطلع من البيت

هذي الزبدة وخلاصة الخلاصة وشكرا