للاسف حكومتنا لاتحسن التصرف ..
هذا شيخ قبيله كريمه .. لابد التعامل معاه افضل من جذي .. :إستنكار:
ان كان " سعودي " فالحل اما اعادته بنفس الطائره والاعتذار عن استقباله .. او استقباله وينسق مع الديوان الاميري او ديوان مجلس الوزراء لرؤية قضاياه ..
وان كان " كويتي " لايحق لأحد ايقافه او سحبه لأمن الدوله .. يحق له التجمع .. :إستحسان:
مع كل هذا هو شيخ قبيله كبيره .. من وجهاء قوم كرام .. فهذا التصرف سيعمل فتنه وسيزيد الحضور بجمعة البدون .. فانتم ماحتويتوا الموضوع ..,:إستنكار:
مع هذا ..
لا اقبل التحامل من البعض وجعله الكويت كأنه القبلي فيها ضايعه حقوقه ويعامل بالحديد والنار ..
نعم هناك محاربه لنا من اطراف .. لكن والله وضعنا افضل من بعض الدول الخليجيه اذا مو كلها ..
اكثر ديره بالخليج ماخذين فيها القبليين مناصب وزراء والخ الكويت .. مادري جم وزير قبلي بدوي موزر بالخليج ! وليس اصله قبلي ! واتحدى في ذلك
ولو اعلامهم منفتح نفسنا جان شفنا فتنهم ! .. الانترنت وباينه علومهم !
ومتأكد لو انه الشيخ جدعان لو كان كويتي وذهب لدول خليجيه لمشاركه بالمظاهره لتم معاملته بقوه ! ودول الخليج تمتلئ بالبدون وبسجناء الراي .. ومنهم من قبايلنا بدول حتى مافيها مزايا بل المواطن اصلن ضايعه حقوقه ..
بل شيوخ قبائل كريمه اصبحوا يعيشون بالمهجر ! بسبب ارائهم السياسيه ! :إستنكار:
بعض شيوخنا صحيح لايحسنون ادارة الامور بالحكومه .. لكنهم اكثر شيوخ بالخليج سعة صدر .. ولاتمتلئ بلادهم بالسجون السياسيه ..
فلاتحاملون .. وتمدح لي طرف على حساب اخر .. ترى الطرف الثاني " اشد فتك " بالحقوق وحرية التعبير .. وبعضهم " متجاهل " اي قبلي بمنصب او المشاركه بادارة الدوله !
الله يفك عوق البدون وكل مستحق وكل مظلوم
الله يفك عوق الشيخ جدعان ..
والله يستر ديرتنا ..ويحفظها ويحفظ اميرنا وولاة امورنا