الحين يقولك البدوي اللي يترك راتبه من شهرين واكثر في البنك
يصبح مزدوج وساكن بالسعوديه واذا تبي تاخذ راتبك من البنك طارت اعيون
الموظف فيك مثل صاحب الموضوع وقال للشايب
حجي عسى ماشر جم شهر ماسحبت الراتب عسى المانع خير
يرد عليه الشايب
الشر مايجيك ياولدي مافيه شي الخير واجد الحمدالله
تلاقي الشويب عنده اعميره مأجرها او بويت ماجره
ومعاشاته يتركها كم شهر ولاحتاج شي سحب من المعاش
وصاحب الموضوع وربعه متربصين للبدو
هذا شكله مزدوج توه جاي من السعوديه ياخذ راتبه والشايب
الاجودي مايدري وش قالوا عنه
اسمع مني اذا كان كلامك صحيح اكيد الشايب غاثه بكثرة اسألتك
ونظراتك المريبه :إستنكار:
لاصار شايب وبدوي عنده فراسه ويفهمها وهي طايره وعطاك سالفه
الدوام وحفر الباطن وظائف اعياله الوهميه :وردة:
ليدبل جبدك لانه يراء فيك الجويهل
انا طالبك ياصاحب الموضوع لجاك الشايب للبنك يسحب افلوسه حب لي اخشيمه
قول هذي من الحابوط واحد من مطير
نعم للمزدوج السعودي وليخسا الخاسيئون
كلامك منطقي الحابوط
احد اصدقائي (مجنن) مديرة بالعمل جويهلي الهوا
يقوله انه يحمل 3 جناسي قطرية كويتية سعودية ويستلم 6 رواتب ومأجر 3 بيوت
وهو لا يحمل الا الجنسية الكويتية ومعاشة كله اقساط
كنت اعتب علية لكن الان فهمت ماذا كان يقصد
فعلا احتقان وجه احد العنصريين وتضييق خلقة تسوي هذا العناء