(رومانسية الغلا اللي راح يفتك بالمواطن )
! .---------
اليوم علي غير العاده الخبير يضحك
علي كل سالفة وهذي عمره ما سواها حتي بنجحة الريس مرسي ما شفنا منه اي ابتسامة قالها الشايب ثم اضاف خير ياخبير عسي هالضحكات دووم وش اللي يضحكك اشركنا بموضوع هالضحات والابتسامات الشقاقيه ! .قال الخبير : ابدا ههههه ليلة امبارح الوليه ام حنفي اثابها الله قال ايه عامله ليلة (بامبي) :إحتضان_امرأة: هههههه وردية ايه بليلتك الكحل وانا جاي مهدود الحيل من الشغل !.
قال الشايب : واللي يرحم والديك عربي ياخبيرنا وش جاب سيرة اعزكم الله حفاظات بامبي .. ويعني شنهو ليلة وردية ؟ .. اول مره اسمع ان الليالي لها اسماء :فيلم:.
قال الخبير : هههه راح بالك بعيد ياحج مش كل بامبي بامبي .. تعيش ياحج وتتعلم انت فين والليالي الوردية والحمراء فين
سيبك انت مع قهوتك ربنا مايحرمكوش من بعض .. قال حفاظات بامبي :إستنكار: بص ياحج الليلة الوردية هي ليلة النوم بالعسل .. والليلة اللي عاوزها الوليه (طربقتها) علي دماغ اللي جابوها .. ربنا يهديها بعد ماخلصنا من العشا اللي كان علي ضوء الشموع :قمر:شغلت (الريكوردر) بموسيقي هادية وقالت بينا يا (بعلي) نرقص .. بهذي اللحظه ارتسمت علي وجه الشايب ابتسامة وناسه واستغراب بنفس الوقت .. ضحك الخبير وقال فاهم ياحج كل معاني ابتسامتك بص للمره الثانية انا هعلمك اصول الرقص الرومانسي .. الرقصه ياحج الطرفين يحطو ايديهم اليمين وراء ظهور بعض والايد الشمال ماسكه باليد الشمال وتكون الحركه بكل خفه ودلع مره شمال ونوبه يمين .قال الشايب : ونااااسه هذي وينها عني يوم انا شباب :باكي:؟ .
قال المعاق : ههههه راحت عليك خل الرجال يكمل والله شوقنا بهالرومانسية :وردة: .. والله الواحد يستمتع بسوالف هالخبير الطيبه ! .. الله يلوم اللي يلومه علي هالضحكه اللي مغيبه عيونه :هدية: .
قال الخبير : ااخ لو تصبروا شوية اللي مفطسني من الضحك هو اللي حصل اثناء الرقص .. فبعد ان تم الالتحام حسيت بهرشه :مصباح: مش وقتها بظهري قلت لها زي مابتقولوا (تكفين) حكي لي ظهري وهي عمال تهرش فيه وانا اقول فوق حبه تحت حبتين ! .. وبكدا ضاعت الليلة الرومانسيه بالحك اعوذ بالله من الشيطان :شيطان:.
قال الرجل : الله يهنيك ويديم هالسعاده عليك وعلي كل مسلم .. وهالحين بعد هالوناسه والضحك جاء دور الرومانسيه المحلية بمباركة حكومية كالعاده وهالمره جايبها لكم من شركة المواشي :وردة_ذابلة: المورد الوحيد للخرفان الاسترالية اللي الله يهديهم بيوم وليلة ارفعت اسعار خرفانها من 24 دينار الي 38 للمبرد و45 لذبح الكويت .. وعند الاستفسار من غلاء الاسعار قالوا الحكومة حفظها الله اوقفت الدعم عنهم
! .قال الشاب : كبير (يابو عصعص) :إستحسان: وبحلم بيك انا بحلم بيك (يابو ذنبه)
هالحين منهو اللي راح يطولك وشهر الخير علي الابواب (لالا ما اقدر اصدق سفرتنا راح تخلي من تشريبة اللحم) وبعده كلهم كم يوم ويجي عيد الضحيه .. هي الحكومة وينها من غلا الاسعار شنهو هالشعب انا وانتم والناس اللي بالكويت مايتبعونها او هي حكومة علي ناس غيرنا (افهم الموضوع) .. وراهم ما يلتفتون لمشاكل المواطن وين راحت توزيعات (الجواخير) واللا هي للمنافع بس :ظرف:هذا ولدنا وهذا منا وعادي يخليه استراحه يستفيد من ايجارها .. وطز بالمواطن وهمومه معقولة اللي قاعد يصير بالكويت المواطن من كل شي يشتكي وين مايطقها يلقاها عوجا !.. والله حنا شعب مانستاهل اللي يصير فينا ياحكومة الله يعين لو يصير عددنا مليونين جان قمنا ناكل بعض :نجمة:.. اتقوا الله فينا ياحكومة وديري بالك علينا مدام الخير كثير تري كل شي يهون عند حاجة المواطن البسيط اللي كل همه عيشت عياله واهل بيته واذا ما راح تلحقون عليه راح يفتك فيه الغلا وينحره نحر .. ما اقول إلا حسبي الله علي من كان وراء نكد هالشعب الطيب المحب لبلده وياوطن كلنا نحبك كلنا نودك :نغمة:.. ولاحول ولا قوة إلا بالله من هالرومانسيه اللي راح تحل علينا قبل هالشهر الفضيل وبعده واتحزم يابو حنفي وارقص علشان نتعلم منك لان شكلنا راح نرقص كثير ! . قال المتمولس : للبراءة ثلاثة وجوه في العالم وجه طفل :ملائكية: ووجه إمرأة تبي تروح سوق :امرأة:.. ووجه كويتي عند استلامه معاشه اخر الشهر
.. وعند ضحك الجميع رفع علي مسامعنا الشيخ زغلول اذان الظهر .