سؤال وجواب علاج الغثيان

[فلسفة]

الغثيااان >>> فيس كبده قالبه

يا ناس شوفو لي حل مع الغثيان
والله من أكثر من أربع أيام غثيان وحراره وألم في العظام  وأرجع أي شي آكله
قالو لي هو فيروس منتشر هذي الفتره 
وقالو لي علاجه عصير الليمون مع سكر 
اخذته وزاد الغثيان  
رحت للإسعاف عطوني غذايه وبعدها خف كل شي الّا الغثيان

أدري موضوعي يجيب الغثيان 
بس معليش انقذووني وتاخذون فيني أجر 

 

[الشيخ إبراهيم]

الله يشفيج

رقي نفسج

http://www.youtube.com/watch?v=ltqjQCEAVAM


http://ejabat.google.com/ejabat/thread?tid=4f1202bb31a1ed06

 

[سنـين التّيــــهـ..]

شربي زنجبيل ...وبتدعي لي ان شالله​

 

[كويتي قديم جداّ]

الغثيااان >>> فيس كبده قالبه

يا ناس شوفو لي حل مع الغثيان
والله من أكثر من أربع أيام غثيان وحراره وألم في العظام وأرجع أي شي آكله
قالو لي هو فيروس منتشر هذي الفتره
وقالو لي علاجه عصير الليمون مع سكر
اخذته وزاد الغثيان
رحت للإسعاف عطوني غذايه وبعدها خف كل شي الّا الغثيان

أدري موضوعي يجيب الغثيان
بس معليش انقذووني وتاخذون فيني أجر

لا بأس عليك طهورة إن شاء الله .. أهم شيء أن الحرارة قد زالت !​

أنا ابتليت قبل أسبوع بهذا الفايروس أيما بلاء ، والحرارة ضربت سقف الـ 40 درجة :وردة_ذابلة:
ولكن الله سلم .. وليس بعد نعمة الاسلام نعمة كالعافية، فالحمد لله حمداً حمداً​

علاج الغثيان .. سهل بإذن الله​

أي مشروب دافي .. مثل الشاي ونحوه ضعي معه: [ماي لقــّـاح]
وهو كفيل بالغنيان .. ولوعة الجبد​

وإذا عندك مرقدوش (أصلي) .. فهو حسن، لكن اللقاح
كافي وهذا عند تجربة .. والله الشافي المعافي​

:وردة:​

 

[سوزان 1]

في حبوب خاصة للغثيان روعة كنت اخدها وانا حامل لاني كنت وحمانة اسمها فومينور جربيها بتحسي بفرق بعد ربع ساعة
الله يشفيكي حبيبتي:وردة:

 

[خجـل]

الله يشفيك

اكره هالحاله ​

 

[الشيخ إبراهيم]

وإذا عندك مرقدوش (أصلي) .. فهو حسن، لكن اللقاح
كافي وهذا عند تجربة .. والله الشافي المعافي​

:وردة:​

الاصلي هو البحريني ؟

 

[عزيز وغالي]

اختي اذا كبدج قالبه العلاج بسيط وسهل
جربته بشايب يمني وقام طريح فراش
سخني ملعقه علي النار وخلي اي حد من هلج
يلسع طرف الكعب من الخلف شي بسيط
ولا عليج الا العافيه

بالضبط من النص اخر شي من الكعب
لسعه بسيطه

 

[كويتي قديم جداّ]

نعم هو البحريني .. المشترى من البحرين

لا من جمعياتنا التعاونية ، فهذا أقلُّ جودة ً .

:وردة:​

 

[سوزان 1]

اختي اذا كبدج قالبه العلاج بسيط وسهل
جربته بشايب يمني وقام طريح فراش
سخني ملعقه علي النار وخلي اي حد من هلج
يلسع طرف الكعب من الخلف شي بسيط
ولا عليج الا العافيه

بالضبط من النص اخر شي من الكعب
لسعه بسيطه

بتمزح اكيد

 

[سوزان 1]

لا بأس عليك طهورة إن شاء الله .. أهم شيء أن الحرارة قد زالت !​

أنا ابتليت قبل أسبوع بهذا الفايروس أيما بلاء ، والحرارة ضربت سقف الـ 40 درجة :وردة_ذابلة:
ولكن الله سلم .. وليس بعد نعمة الاسلام نعمة كالعافية، فالحمد لله حمداً حمداً​

علاج الغثيان .. سهل بإذن الله​

أي مشروب دافي .. مثل الشاي ونحوه ضعي معه: [ماي لقــّـاح]
وهو كفيل بالغنيان .. ولوعة الجبد​

وإذا عندك مرقدوش (أصلي) .. فهو حسن، لكن اللقاح
كافي وهذا عند تجربة .. والله الشافي المعافي​

:وردة:​

الحمد لله على السلامة
شويعني ماء لقاح؟ممكن توضح:وردة:

 

[كويتي قديم جداّ]

الحمد لله على السلامة
شويعني ماء لقاح؟ممكن توضح:وردة:

شكراً لك يا زميلة :وردة:
يستخرج ماء اللقاح من فحل النخل .. [ماء قروف النخيل]

http://www.alwasatnews.com/2708/news/read/368662/1.html

للعلم ، ولا تشتري إلا البحريني الأصلي ​

 

[إنفصام]

نزلة معوية

منتشرة بكثرة هذة الايام

الله يشفيج ​

 

[سوزان 1]

شكراً لك يا زميلة :وردة:

يستخرج ماء اللقاح من فحل النخل .. [ماء قروف النخيل]​

http://www.alwasatnews.com/2708/news/read/368662/1.html​

للعلم ، ولا تشتري إلا البحريني الأصلي ​

شكرا جزيلا:وردة:

 

[فلسفة]

اشكر كل الإخوة والأخوات هنا على وصفاتهم

الشر ما يجيكم مشكورين

 
ماي لقــّـاح

وين القاه ؟
في الصيدليات ؟
عند العطارين ؟
كيف شكله ؟
والكميه الي أشربها (طريقة استعماله) ؟؟

واعذرني على كثرة الأسئلة  

 

[كويتي قديم جداّ]

اشكر كل الإخوة والأخوات هنا على وصفاتهم

الشر ما يجيكم مشكورين



وين القاه ؟
في الصيدليات ؟
عند العطارين ؟
كيف شكله ؟
والكميه الي أشربها (طريقة استعماله) ؟؟

واعذرني على كثرة الأسئلة

الأخت الكريمة .. إذا كنت من أهل المملكة فلا أدري بالضبط
أين يوجد عندكم ؟!
حسب سوق المنطقة التي تكونين فيها .
أتوقعه متوفراً في المنطقة الشرقية .. لأن الكثير من البضائع البحرينية
تسوّق هناك !​

الاستعمال بقدر ملعقة صغيرة منه في الكأس الواحد ، في الماء أو مع الشاي
وستشعرين بالارتياح ، والمرقدوش أقوى منه .​

الشكل :
http://www.google.com/search?num=10...EUQvwUoAQ&q=ماء+لقاح&spell=1&biw=1100&bih=557​

 

[فلسفة]

الأخت الكريمة .. إذا كنت من أهل المملكة فلا أدري بالضبط
أين يوجد عندكم ؟!
حسب سوق المنطقة التي تكونين فيها .
أتوقعه متوفراً في المنطقة الشرقية .. لأن الكثير من البضائع البحرينية
تسوّق هناك !​

الاستعمال بقدر ملعقة صغيرة منه في الكأس الواحد ، في الماء أو مع الشاي
وستشعرين بالارتياح ، والمرقدوش أقوى منه .​

الشكل :
http://www.google.com/search?num=10...EUQvwUoAQ&q=ماء+لقاح&spell=1&biw=1100&bih=557​

الله يجزاك خير ويعطيك العافيه

 

[بيدبا]

جربي عصير الليمون
الليموناده

 

[AlBadel]

مع أحترااامي لكل النعليقات والردود
مايعرفه ولا يشخصه الا مختبر تحليل الدم
مشوار لأي مختبر وياخذ منك عينة دم والنتيجة بعد يومين واذا لا سمح الله
جرقومة أو بكتيريا فعلاجهم بسيط للغاية
واذا النتيجة سليمه ذيج الساعه الواحد يروح لعطار ولا ياخذ ماي لقاح
المهم يفحص الدم واذا أكو جرثومة لا سمح الله يراجع دكتور والعلاج حده حده
أسبوعين بأذن الله
شافاكم الله :وردة:

 

[كويتي قديم جداّ]

المفروض أنك تقرأ جيداً .. وتحلل العبارات المكتوبة
بمختبر الانتباه

راحت للطبيب .. وأخذت درب في الوريد ! (قالت لك: الإسعاف !)
وخلصنا من هالمرحلة

وبقي الغثيان .. كأثر جانبي !

حياك الله :وردة:​

مع أحترااامي لكل النعليقات والردود
مايعرفه ولا يشخصه الا مختبر تحليل الدم
مشوار لأي مختبر وياخذ منك عينة دم والنتيجة بعد يومين واذا لا سمح الله
جرقومة أو بكتيريا فعلاجهم بسيط للغاية
واذا النتيجة سليمه ذيج الساعه الواحد يروح لعطار ولا ياخذ ماي لقاح
المهم يفحص الدم واذا أكو جرثومة لا سمح الله يراجع دكتور والعلاج حده حده
أسبوعين بأذن الله
شافاكم الله :وردة: