ليش يعني كل الي ما ياكلون حرام مو راكبين سيارات ولا فاتحين بيوت ...!
ياسيدي في معاملات إسلاميه الشرع حللها من تورّق وغيرها ..وهذه موجوده في البنوك الاسلاميه ..
ولا تظن إنك لما تكتب هل كلام راح تغير بحكم الله شيئ .. الحلال بيّن والحرام بيّن ..
والربا من الكبائر ..فمايحتاج نقعد نحط مبررات وعندنا بدائل كثير
أتحدا أي شخص أخذ مال ربا توفق في حياته أو في ماله .. حتى وإن توفق في ماله ما تلقاه متوفق بصحته ..
تعرف شنو معنى أعلن الحرب مع الله؟
وله تبيني أشرحها لك ...!
أنا أكثر شي ضايقني .. لما أمشي بالشّارع وأشوف اعلانات البنوك الربويه في مانشيت عريض مكتوب " بنصف ساعه تحصل على قرضك" والمشكله في رمضان ...حسبي الله عليهم
عل عموم الكل يعرف أن قرض الربا حرام .. والي تورّط فيه عن جهل الله يعينه ويفتك من مال الحرام ويغفر له وبأسرع وقت يحاول يفتك منه
.. لكن الشرهة على الي ياخذ القرض الحين وفي مليون طريقه وطريقه تغنيه عن الحرام
الله لا يهينك .. روح لأي بنك إسلامي وطق لك تورق وأخذ المبلغ الي يناسب راتبك .. وحتى لو تبي سياره خذها اقساط على اي بنك اسلامي .. بس لا تبرر خطأك بمبررات العقل ما يصدقها
الا فهل بلغت الا فاللهم إشهد
