سؤال وجواب شروط فيزا الشركات؟

[الحر_189]

السلام وعليكم

شنو شروط الفيز للشركات

يعني مثل واحد بيجيب ناس واللي من مصر واللي من الاردن الخ

شنو الشروط هل لازم مكتوب بجوازه مهنه معينه عامل او نجار او حداد الخ

ولايصير اي مهنه حتى لو طالب او متقاعد او ربه منزل ؟؟

ولازم جم العمر؟؟ يبلش من 18 ولا 21

وهل لازم كلهم رجال ولا يصير رجال وحريم؟

وهل الموافقه على الفيزا او تصريح العمل على الشخص تتم بالشوون ولا وين بالضبط؟؟

وعيدكم مبارك

 

[Mr Dior]

عليكم السلام ..

بخصوص طلب تصاريح العمل متوقف له اكثر من ٥ سنوات تقريبا ومسموح للشركات التي رصيدها بالملايين فقط واهل الاغنام والمزارع .. علما بان مكان اصدارها الشئون ..

وبخصوص المهن ..؟

يستوجب كتابة نوع المهنه بالجواز .. والمهن العاليه يستوجب وجود شهادة عاليه متناسقه مع نوع المهنه والعمر فوق ٢١ سنه مع حرية اختيار نوع الجنس .. وسلامتك

 

[تأبط خيرا]

التصاريح مفتوحه حق كم نشاط

مزارع ..جواخير .. الشركات الكبيرة .. المصانع

روح أسأل عن الانشطة في الشؤون

لكن لو طلبت علي رخصة جاخور .. اكيد راح يكون راعي

والمزارع راح يكون مزارع او بيطري

 

[ولد وايل]

كلام الاخوة الزملاء صحيح 100%

لكن بالمناسبة .. وللعلم أيضاً ..

الشؤن لا يسمحون لبعض " الجنسيات " للعمل كخدام أو رعيان .. لأن هذه المهنة معروفه لبعض الجنسيات فقط ..

يعني المصري والاردني .. مستحييل يتم قبوله .. للرعي أو الخدم ..

انتبه لذلك ..​

 

[الحر_189]

مشكورين على الاجابات الطيبه

وكثر الله من امثالكم

بخصوص العمر مايصير 18 مثلا؟

وبخصوص الجنس اللي اعرفه الهجره مايرضون بالحريم؟؟

الشوون عادي؟

والمهن بالجوازات دبلوم تجاره دبلوم صنايع ...طالب

في انواع كثيره من المهن

واناا اتكلم ياجماعه عالشركات مو عالمزارع والجواخير

وتحياتي لكم

 

[Mr Dior]

مشكورين على الاجابات الطيبه

وكثر الله من امثالكم

بخصوص العمر مايصير 18 مثلا؟

وبخصوص الجنس اللي اعرفه الهجره مايرضون بالحريم؟؟

الشوون عادي؟

والمهن بالجوازات دبلوم تجاره دبلوم صنايع ...طالب

في انواع كثيره من المهن

واناا اتكلم ياجماعه عالشركات مو عالمزارع والجواخير

وتحياتي لكم

اقل من 21 سنه تندرج اقامته تحت بند 22 ( التحاق بعائل ) عن طريق الهجره فقط ولادخل للشئون في ذلك ..

يعني يطلبه ابوه او امه او احد اخوته ..:إستحسان:

اما بخصوص الجنس ..؟

الهجره تعتبر جهه تنفيذيه بالتصاريح ولاتتدخل بنوع الجنس ولكن تتدخل بنوع الجنسيات لانها تقوم بمخاطبة ادارة امن الدولة ومن ثم يتم رفضها ومن ثم تعود للشئون وتغير بطلب التصريح وتقدم ع واحد ثاني وهكذا ..

بالنسبه للشركات نفس ماوضحت لك ..

يجب ان تكون شركتك لها رصيد لايقل عن مليون دينار غير جذي ماتعطيك الشئون له تصريح ولكن تستطيع استقدام هذا العامل زيارة تجاريه عن طريق الذهاب للهجره وتقديم طلب زياره تجارية .. ولما يدخل العامل ..؟

روح لادارة شئون العمل وقدم طلب تحويل من زيارة تجارية الى عمل .. ويستوجب عليك بهذه العملية تاخذ لامانع من المدير اذا عندك واسطة او تروح لوكيل الوزارة الكندري .. وللعلم تدفع عليها رسوم عند الموافقه 200 دينار

بعدها يعطونك اذن عمل .. وتروح تسوي تامين صحي ومن ثم تروح للهجره وتدق اقامته .. وسلامتك
​

 

[الحر_189]

الله يسلمك

والله انك ياديور رايتك بيضا وكثر الله وجهك بعطيك افضل اجابه

بس معنى كلامك انه مثلا اللي عنده تصاريح عادي يجيب مغربيه تونسيه جزائرية لبنانية محد يقدر يقوله لاااااااااا

لانه مثل ماتفضلت انه الهجره بخصوص التصاريح مالهم اي سلطه

والشوون مالهم اي دور بموضوع الجنس

اللهم شخص وعمره فوق ال21 فقط

 

[Mr Dior]

الله يسلمك

والله انك ياديور رايتك بيضا وكثر الله وجهك بعطيك افضل اجابه

بس معنى كلامك انه مثلا اللي عنده تصاريح عادي يجيب مغربيه تونسيه جزائرية لبنانية محد يقدر يقوله لاااااااااا

لانه مثل ماتفضلت انه الهجره بخصوص التصاريح مالهم اي سلطه

والشوون مالهم اي دور بموضوع الجنس

اللهم شخص وعمره فوق ال21 فقط

الله يعافيك يالامير والله يقدرني افيدك

وبالنسبه لسؤالك ؟

نفس ماوضحت لك .. اذا قدرت تاخذ تصريح من الشئون عن طريق واسطتك .. فمالهم شغل بالجنس بتاتا اللهم شي معقول مثل واحد بيطلب مغربيه حق كراج هذي ماتترقع هههههههههه

والهجره دورها تنفيذي فقط من خلال استعلام رقابه امنيه ومخاطبة امن الدوله اذا كانت الجنسيه من دول الضد واحتمال يعتمد واحتمال يرفضونه بسبب قيد امني وحزتها ترجع للشئون وتستبدل العامل وتاخذ تصريح جديد وترفع للهجره ..

كذلك انا عطيتك حركه حلوه واللعب ع ثغره بالقانون
اذا الشئون رفضوا ماعطوك تصريح عمل ؟

خلهم يولون وروح للهجره وقدم للعامل زيارة تجاريه وبمجرد دخوله البلد اخذ ورقة الزياره واطبع طلب تحول من زيارة تجارية الى عمل وروح لوكيل وزارة الشئون وحزتها غصب يوقعلك لامانع ولكن راح ياخذون رسوم 200 د.ك

عموما اي شي بوزارة الداخليه باذن الله راح افيدك سواء هجرة او مرور او منافذ.. وكذلك الشئون والتجارة لاني بزنس مان وعارف لويتهم وتعقيداتهم ..

بالتوفيق اخوي .. :وردة:

 

[الحر_189]

مشكور وماقصرت اخوي ديورررر

وعسى الله يوفقك ويوفق الجميع