عيال فيلا الجابرية أهل الـ150 دينار مستذبحين مدري ليش ترى المبلغ بسيط جداً !!! إذا تقولون أن العدد ماتجاوز ال200 أو 2000 إنسان وسكرتارية ليش الأستموات والإستقتال بالشبكة وبمواقع التواصل الإجتماعي ؟؟
واحد يحرض الوزير لضرب العالم وواحد على طول فيه مشكلة بين البراك والوسمي وواحد دخل بالدين وواحد طاعة ولي الأمر !!!
أبي أفهّم الطرف الآخر شئ مهم أحنا لما رحنا للإرادة رحنا بالإراده وليس مدفوعي الأجر على غرار فيلا الجابرية , رحنا الإراده لمستقبلكم ومستقبل أهلكم وعيالكم , الكويت باقية وكلنا مودعين الحياة ...
إن تم التلاعب بالدستور بأسم المحكمة الدستورية سيصبح عرف لرؤساء الوزراء والوزراء القادمين , ماهمني لا سعدون ولا البراك ولا الحربش ولا حدس و لا الشعبي ولا غيرهم , همني الدستور اللي كافلني وكافل عيالي وأهلي بعد لطف الله تعالى , الدستور ينقح بطرق ملتوية بعيده عن الشعب وعن البرلمان وبإسم القضاء !!!!
يعني أنا ما أستبعد بعد كم سنة يتلاعبون بالدستور كفل الصحة والتعليم والحرية ويحولونه دستورية وحركة من شياطين المستشارين ويصير الصحة والتعليم والحرية مفهومه غلط بالدستور ويتم تبديلها ويصير كل شئ بفلوس واللي يقول شئ ينحذف بالسجن ؟؟؟
بعض صغار العقول من أبناء الكويت وخصوصاً أيتام حاتم وأبناء فيلا الجابرية يفكرونها مباراة بين الريال والبرشا ويشجعون فريق على فريق وبتعصب وبجهاله .
أحنا خرجنا الإرادة من اجل مستقبلكم ومستقبل أهلكم وعيالكم أفهموا .
