روح عيش بقطر دام مو عاجبتك الكويـت ترى المطار يوسع جمـل ولا احنى ولله الحمد ديرتنا عاجبتنا وعايشين بخير وعز ونعمه وحريه وديموقراطيه ورخاء واستقرار والحمدلله نتفـاءل , تفاءلو بالخير تجـدوه
واذا على المعاشات الحمدلله الكويت ثالث اعلى دوله عربيه بالرواتب بعد قطر والامارات والـ 15 عالميــا .. الحمدلله على نعمة الصحه والعافيــه والفلوووس وصخ دنيــا + وسيله مو غايــه اهم شي القناعــه + شفايدة الفلوس اذا الصحه والعافيه مو موجـوده !!
واذا على التنميه والتـطـور ( لاتنسى ان الكويت تعرضت لغـزو لمدة 7 شهور خلاا الكويت تتراجــع ) اما قطـر ماتعرضت لغـزو
اي نعــم حامض على بوزنا نوصل مواصيل الامـارات الله يحفظها ولـكن محافظة قطر عفوا دولة قطـر تقارنها بالكويـت ماكو مقارنه والله العظيـم
واذا على انجازات الكويـــت ماراح اتكلم عن انجازاتها لان لو بتكلم عن انجازاتها ماراح اخلـص :وردة:
تحيــــــــــاتــــــــي
قسم بالله من أول ما شفتك تقول الفلوس وصخ دنيا وأنا داري أن ما عندك شئ مع احترامي!!!!
صحيح الصحة والعافية أهم شئ بالدنيا لكن الفلوس مهمة أيضا.
يا أخي يكفي أن العشر المبشرين بالجنة من الصحابة جميعهم من الأغنياء فيا ترى شنو اللي وصلهم لهالمرتبة؟
اللي وصلهم بالإضافة لصلاتهم وعبادتهم هو إنفاقهم في سبيل الله عز وجل، اللي وصلهم لهالمكانة هو مساعدتهم للغير وجبر عثرات المحتاجين والمساكين وتجهيز الجيوش للجهاد.
أما الفقير فهو عالة على أهله وناسه لا يستطيع مساعدة نفسه فما بالك بالآخرين؟؟؟!!!
ومسألة روج عيش في قطر إذا مو عاجبتك الكويت فهذا مو شغلك هذا شئ خاص فيني أنا فقط.
أعيش في قطر أو الإمارات أو أي دولة في شبه جزيرة العرب (وأحط ألف خط تحت شبه جزيرة العرب) فهذا حق لي طالما كانت هذه البلاد أرض أجدادي منذ القدم وطالما تجولوا في أرجاؤها ونواحيها، وهالشئ ينطبق عليك أخي العزيز والمحترم فأنت أيضا لك مطلق الحرية بالذهاب لأرض أجدادك فارس الجميلة لكي تعيش فيها فلا أحد يستطيع منعك من هذا.
أما ما فيه مقارنة بين الكويت وقطر فللأسف بنظلم الكويت بشكل لا يغتفر إن قارنا وضعها المزري الحالي من تأخر تنمية وتعليم بقطر.
القطري يا ذكي بمعاشه الحالي يقدر يتجول في أي منطقة في العالم بدون أن تواجهه مشكلة سيولة أو غلاء أما الكويتي على معاشه الحالي فما راح يقدر يواجه التضخم العالمي في الخارج.
أما قولك "واذا على انجازات الكويـــت ماراح اتكلم عن انجازاتها لان لو بتكلم عن انجازاتها ماراح اخلـص"!!!!
لا طلبتك أتكلم عن إنجازاتها الحالية خلنا نفرح ونتفائل بالخير!!!
المثل يقول "يا بخت من بكاني وبكى معاي ولا ضحكني وضحك الناس علي"
اللي قلبه فعلا على الكويت تلقاه يتحسر على وضعها الحالي، تلقاه يتمنى تطور بلده لتواكب بقية دول الخليج (ولن أقول دول العالم) في التمدن والتطور الحالي
اللي قلبه فعلا على البلد يضع اصبعه على مواطن الخلل في بلده ويسعى بكل ما أوتي من قوة لإصلاحها طالما أمر البلد بهمه، أما من يتظاهر أنه لا توجد أي أخطاء ويتجنب الحديث عن أي خلل يراه فهذا مع احترامي منافق ووصولي لا يهمه إلا نفسه.