مـــــــــــو حــــــــــــــــرام؟

[Libral Genuis]

مساكم الله بالخير.. شباب واصلني خبر من دوانيه في الدعيه معروفه للبحارنه, ان البحارنه وراء عبدالواحد العوضي و عبدالله الرومي و ماراح يصوتون لأي احد آخر الى اذا كان من اهلهم..

مادري اذا صج ولا كذب بس لو كان صحيح الكلام مو حرام؟؟

البحارنه كم صوت عندهم ؟؟ مو اقل من 5000 صوت !! مو حرام تروح للعوضي و الرومي ؟؟

الرومي ريال شيب و راحت عليه .. والله من 2006 ما اتذكر مره صرح بالجرايد كلا ساكت بالمجلس !!

والعوضي بعد الانتخابات مايعرف الناس الي وصلوه شلون صايرين ..

و كل هذا لأسباب اكثر من تافهه ما أود ان ادخل فيها و ابوح بها.. مو حرام؟؟

اترك لكم الرد..

 

[رؤى]

مو شيء جديد

كل إنتخابات تصير البحارنة يصوتون للرومي والعوضي

 

[salem65]

ما ني عارف شنو تقصد بكلامك هذا هل انت تدعوا للطائفيه ولا تقصد شئ انا مو فاهمة من كلامك
1 - الرومي رجل انا معاك في مجلس 2006 كان ادائة ليس جيد
2 - العوضي ( مع اختلافي مع النهج الذي يسير عليه ) ادائه في الوزارة جيد وتواصله مع ناخبيه كان علي مدار السنه وديوان العوضي ما اعتقد انه يضيع في الدعية ( يوم الثلاثاء) انا اتكلم من واقع اني اعتبر نفسي من سكان الدعية

 

[رؤى]

السالفة ماهي طائفية , السالفة إن البحارنة ما يصوتون لأي مرشح شيعي كان , حتى سيد فاخر القلاف مو الكل صوت له ( يعني فيها عنصرية )

حتى لو في شيعي كفؤ وفاهم وعلى قدر كبير من المسئولية ما يصوتون له

فمو شيء جديد عليهم ( ما نقصد الكل بس الغالبية العظمى منهم يعني )

الموضوع ماهو طائفي بقدر ماهو - عنصري -

 

[salem65]

ممكن اعرف شنو القصد موطائفي - عنصري ان امكن وشكرا

 

[بو مشيري]

الأخت بتكحلها عمتها ، الموضوع مو طائفي يا جماعة .. بس عنصري !!

 

[salem65]

الدائرة الاولي انشاء الله ما يكون فيها عنصرية ولا طائفيه انشاء الله ما يكون ليبتعد كل من يثير العنصرية والطائفية ولتكون نموذج لباقي الدوائر ( امنية ) نتمناها

 

[رؤى]

ما عليه عميتها , تعال إنت وعالجها , فهمني شالفرق بين العنصرية والطائفية تراني غشيمة سياسة ومصطلحات

اخوانا البحارنة اذا ماكان بحراني منهم وفيهم ما يصوتون له , فيهم عنصريه لأصولهم ( وهم ما يصوتون للبحراني ساعات ) , يعني عيمي وإلا حساوي لو شيصير ما يعطونه صوت , يشوفونهم أدون منهم وهذه قمة العنصرية

 

[Libral Genuis]

ما ني عارف شنو تقصد بكلامك هذا هل انت تدعوا للطائفيه ولا تقصد شئ انا مو فاهمة من كلامك
1 - الرومي رجل انا معاك في مجلس 2006 كان ادائة ليس جيد
2 - العوضي ( مع اختلافي مع النهج الذي يسير عليه ) ادائه في الوزارة جيد وتواصله مع ناخبيه كان علي مدار السنه وديوان العوضي ما اعتقد انه يضيع في الدعية ( يوم الثلاثاء) انا اتكلم من واقع اني اعتبر نفسي من سكان الدعية

اخوي اذا انت مو فاهم .. انا مو ياي ادرسك .. بس القصد ان البحارنه يصوتون لمرشحين مالهم شغل في الدنيا العوضي الي تتكلم عنه شنو انجازاته الله يخليك بس عطنا شنو سوا في منطقه الدعيه و شنو دعل فيها غير ديوانهم شنو الي تغير ؟؟

(......)

 

[salem65]

اولا اشكرك علي الرد اخي libral
ما اعتقد اني طلبت منك ان تدرسني ( يجب ان نحترم بعض ) ولا نحاول ان نستهزء باى واحد يتناقش معنا
ولاكن انا الي طلبته انه لا يحق لاي واحد ان يرمي اتهامات او يتكلم عن اى شيء بس مجرد الكلام
ممكن ان تقولي ما ذا تحتاج الدعية من العوضي او من غيره
انا ابي انبهك لشئ شوف شنو كاتب انا ( مع اختلافي علي النهج الذي يسير عليه )
يعني انا لو اصوت في منطقه الدعية ما اعتقد اني اعطيه صوت لو كنت متمعن في الكلام كنت تعرف ما اقصد
انا اقصد انه مو معناته انا اختلف معاك امسح اى حسنه تعملها
اذا كنت انت لا تعرف ماهي انجازاته انا ما قلت انه العوضي له انجازات ولاكن قلت ادائه كان جيد كوزير

ما اجبتني هل انت بدعوتك هذي تدعو للطائفيه اذا امكن تجيبني او انك تدعو البحارنه لعدم التصويت

 

[Libral Genuis]

لا والله انا ادعو لترشيح الافضل و العوضي والرومي مو الافضل !!

في حسن جوهر في لاري في كاظم ابل في الف واحد كفائه على اقل تقدير !! في صالح و عبدالصمد من جماعتهم و ناس زينين و غيره .. في حتى جمال الكندري الي اهوا خدوم و ماينسا !! في اكثر من شخص يا حبيبي انا كل كلامي ان حرام تقط صوتك هديه لأثنين مايستاهلون الصوت..

 

[قديم]

يعطيك العافية يا صديقى العزيز يا لبرالي

تسلم على الطرح الجيد لكنى اخالفك الراى قول اشلون

شوف ترى المناداة اللى اتناديها مو حلوة تدرى ليش

احلى شى بالانتخابات اهو العرس الديمقراطي

وانا امانة ما ادعم فلان من الناس على انه من مذهبى بس

الوقت الحاضر لازم تدعم منو اللى يفيد البلد اولا وبعدين منو اللى يفيد الشعب ثانيا

وبعدين اهل الدعية متكاتفين

السنى يدخل بيت الشيعي

والشيعي يدخل بيت السنى

يعنى متكاتفين على قلب واحد

واتشوفهم بالافراح مع بعض

وبالعزاء والله لا يورى احد مكروه قول امين عاد انزين اتشوفهم هم مع بعض

يعنى بالعكس اتمنى الشى هذا يتحقق بالمناطق الثانية بعد

على العموم ما ابى اطول عليك ونسمع اراء باجى القراء الكرام

 

[حلوة اللبن]

نعم الرومي والعوضي ام يقوما بشئ لصالح منطقتهم وانا شخصيا مع كثير من الاخوان والاخوات طلبوا منهم خدمات ولم يعملوا لهم اي شي بس اللي يعرفونهم ومقربيم لهم يشيلونهم على راسهم والعوضي مو دايما يفتح ديوانيته الثلاثاء الا كله كاشت في الناس وانا ما اشوف ديوانيته مفتوحه الا وقت افراحهم ووقت العزاء اما البحارنه فبعد هذيله قصتهم قصة الله يجيرنه منهم .

 

[قديم]

نعم الرومي والعوضي ام يقوما بشئ لصالح منطقتهم وانا شخصيا مع كثير من الاخوان والاخوات طلبوا منهم خدمات ولم يعملوا لهم اي شي بس اللي يعرفونهم ومقربيم لهم يشيلونهم على راسهم والعوضي مو دايما يفتح ديوانيته الثلاثاء الا كله كاشت في الناس وانا ما اشوف ديوانيته مفتوحه الا وقت افراحهم ووقت العزاء اما البحارنه فبعد هذيله قصتهم قصة الله يجيرنه منهم .

انا معاج يا حلوة اللبن:_

انه آن الأوان للتغيير للافضل

واختيار مرشح مناسب يفيد المنطقة

مو بس اختيار له اسم بس وما ينفعنى ولا ينفع الا ربعه وبس

بغض النظر عن منو كان من المرشحين

صراحة الحين الناس توعت يا اخت اللبن

عاد اتعرف منو الصالح ومنو الطالح

والحين فرصتهم للتجديد وللتغيير

ومو عيب التجديد ولا التغيير

والواحد يغير سيارته اذا كانت خربانة مع إنها عزيزة عليه وعشرة عمر هههههههه

المهم انا مع التغيير للافضل والانسب

 

[بو مشيري]

يا اخت رؤى ، انتي فيج عقده تعليم ؟ ثاني موضوع اقولج اني مو موجود حتى اعلمج ، هذا منتدى حر كل واحد يطرح رايه ، ما غلطت عليج وقلت رايي

المسألة كانت في الطرح ، الأخ طرح الموضوع كأنه يقول للقارئ ليش اصوات البحارنة تروح للعوضي و الرومي وما تروح لعضو شيعي ؟

وبعد ان لبس الثوب الطائفي في مشاركاته من اول تسجيله ، أكد طائفية طرح الموضوع بالامثلة التي ضربها

في حسن جوهر في لاري في كاظم ابل في الف واحد كفائه على اقل تقدير !! في صالح و عبدالصمد من جماعتهم و ناس زينين و غيره .. في حتى جمال الكندري الي اهوا خدوم و ماينسا !! في اكثر من شخص يا حبيبي انا كل كلامي ان حرام تقط صوتك هديه لأثنين مايستاهلون الصوت..

!!

لو كانت دعوة الموضوع منذ البداية لدعم الاصلح والانفع لكان لي رأي ثاني لا اهاجم فيه الراي الي اتخذتيه ، لكن طرح الموضوع واضح الاهداف بالنسبة لي

 

[رؤى]

يا اخت رؤى ، انتي فيج عقده تعليم ؟ ثاني موضوع اقولج اني مو موجود حتى اعلمج ، هذا منتدى حر كل واحد يطرح رايه ، ما غلطت عليج وقلت رايي

اسمح لي , ولو إني ما احب اتكلم بهالإسلوب , بس الظاهر إن إنت إلي عندك عقدة !

قولي بالله وين عقدة التعليم الي عندي !

 

[قديم]

يا اخت رؤى كلام الاخ كلكجى صحيح وانتى هم كلامج صحيح

عيل ليش تتهاوشون ))

 

[بو مشيري]

فهمني شالفرق بين العنصرية والطائفية تراني غشيمة سياسة ومصطلحات

ناطرتني اعلمج للحين ؟

 

[رؤى]

ناطرتني اعلمج للحين ؟

المفروض الشبكة تحط لك جامعة تعلمنا فيها , وليش لأ طلب العلم ماهو حرام , بس إنت قلت

اخت رؤى ، انتي فيج عقده تعليم ؟ ثاني موضوع اقولج اني مو موجود حتى اعلمج ، هذا منتدى حر كل واحد يطرح رايه ، ما غلطت عليج وقلت رايي

أي ثاني موضوع ووين عقدة التعليم !

إذا تتكلم عن العنصرية والطائفية فإسمح لي , كتبتها لغاية في نفس يعقوب

والله من وراء القصد .,

عموماً إحتراماً لأخ أقدره وأحترمه بترفع عن الجدال

 

[بو مشيري]

اخت رؤى ، الله يستر عليج قولي آمين

وشكرا لاحترامج الأخ الي تقدرينه ، و انا بحترمج واحترمه وسكر الموضوع :\ !!