لفنترض ان مرة مسيرة اليوم على خير و بعض الشعب و المعارضه عبروا عن وجهة نظرهم
وما صار صدام وبعدها شنو وبعدين ؟
اذا الحكومة طولت بالها معاكم شنو راح تسوون شنو بعد مسيراتكم وندواتكم ؟!
شنو راح توصلون له
الحكومه راح تعطيكم بولباس محترم و الانتخابات ان شاءالله راح تكون في 1 ديسمبر
شنو راح تسوون ؟!
نقول ان المعارضه صج راح تقاطع الانتخابات وبعدها بس راح تحط ريل على ريل وتطمش ولا شنو
الزبده عطونا اياها من الاخر
يكفى ان الرسالة وصلت والدليل اجتماع اسرة الحكم بديوان سمو الامير
ومن بينهم العقلاء وسيسألون ماذا يحصل مع شعبنا .
وللحديث بقية
اجتمعوا الاسره و قرروا التمسك و السمع و الطاعه للأمير و موافقته على كل الاجراءات المتبعه و المراسيم الصادره منه...
و بعدين ...شنو بعد المسيره الدمويه شاللي ممكن يتحقق اكثر من ايصال رساله كان ممكن ايصالها خطيا او سمعيا لولي امرنا ..بدل المسيرات و الكر و الفر و الاخلال بالامن و مخالفة القوانين و التعليمات و تشويه سمعة الكويت و التقليل من هيبة سمو الأمير؟!
ما اجتمعوا الا على خير وبحث مايحصل
بعض الاحيان لايصال رسالة تكون الصورة ابلغ
لا تفكر بسمعة الكويت فلايعرف عنها العالم الا انها محفظة مالية
هيبة سمو الامير محفوظة فالامر لايتعدى الا اصلاحات ونظرة ابوية
اللي راح يصير أن أحنا راح نتفاءل بالخير ونتوقع الافضل
الحكومه راح تتقبل الرفض الشعبي لقانون الانتخاب باذن الله وراح تلغيه
وبترجع امورنا مثل أول أحسن وتنتهي المشاكل بين الحكومه والمعارضه
ونفتح صفحه جديده فيها تعاون ومحبه وننسي الماضي الأليم وترجع ديرتنا الغالية درة الخليج
ويظل شعبنا حر أبي له كراماته وله حريته في التعبير ويظل شيوخنا آل الصباح لهم كل الحب والتقدير
رفعت الجلسة
الي بيتعلم الدين كيفة مافي حد يمنعة او يجبرة
بس الكل يجب ان يتعلم القانون ويحترمة غصب على اكبر شارب في المعارضة
انتهى