سؤال وجواب شوفولي حل لا تخلوني

ع

عذب الاطباع

عضو فعال
السلام عليكم

يا جماعه انا عندي مشكله يمكن علاجها عندكم


طلعت عندي صلعه كبر الميّه فلس بمنتصف الراس




الوالده الله يحفظها هي اول من شافتها ونبّهتني


بعدها بكم يوم وانا طالع من المحاضره ونازل من الدرج وراي واحد من الشباب


قالي انت فيك ثعلبه !


بغيت اصكّه كف من الصدمه !!!


شكو الصلع بالثعلبه


هل فيه علاقه بين الصلع والثعلبه ؟


وشنو علاج الصلع الله يخليكم ؟


الوالده تقول جيب فص ثوم وافركه في مكان الصلع


اذا تعرفون علاج طبيعي مضمون سواء كان اعشاب ولا زيت او غيره قولولنا عساكم ذخر


وعلى فكره ماني شايب على شان ما تقولون الكبر له دور انا عمري 20




انتظركم بـ فارغ الصبر ..
 
ترتيب حسب التاريخ ترتيب حسب الأصوات
Y

yahoo

عضو
عذب الاطباع قال:
الحمد لله على كل حال




زين اخوي كم مره استعمل الثوم باليوم


ولمدة كم يوم
أنقر للتوسيع...


الثوم ما تستعمله بالبيت ياخوي

الثوم عند الصالون نفسه هو يجيبه لك ويفرك راسك فيه

لاتحاتي انت روح لهم وكل شي بيتسهل ان شاء الله وراح يقولك بالكثير تجيه 3 مرات خلال اسبوع او 10 ايام
 
تأييد 0 تصويت سلبي
A

Aragon

عضو ذهبي
أولا حلق شعرك..

ثاني شي اخذ فص ثوم قص طرفه، سو مساج خفيف عالمكان وبعدين افرك الثومة، وكل ماحسيت انها انشفت -الثومة- قص منها وفرك.. تقدر مرة وحدة باليوم ويفضل تكون غاسل شعرك بشامبو قبلها يعني يكون الراس نظيف، وخله طول الليل والصبح اخذ شاور محترم واطلع.

ثالث شي لازم شامبوك يكون بالنعناع او شي فريش لان النعناع حار والحرورة تخلي فروة الراس فيها دم اكثر فالشعر ينمو.

انصحك بماي الجرجير، تاخذ حزمة جرجير وتحطها بالخلاط وبعدين تاخذ شاش او غترة وتحصر الجرجير.. تاخذ مايه تحطه ببطل رشاش او بطل ماي، وطول قعدتك بالبيت سواء وقت الغدا او بالليل ترش راسك فيها. هذي الوصفة من دكتور.

لكن اهم شي انك تدلك فروة راسك علشان الدورة الدموية. لان الراس يفقد حرارته بسرعة.
 
تأييد 0 تصويت سلبي
ن

نسج الورود

عضو مخضرم



الله يشافيك أخي عذب الطباع وإن شاء الله أمرها يسير العلاج الطبي ضروري وهناك حقن فعالة تضرب بنفس مكان الثعلبة تساعد على ظهور الشعر وفيتامينات تساعد على نموه بفترة تقريبا من شهرين لثلاثة الله معك


/



عجيب !! أول مرة أعرف إن فيه ثعلبة ذكر وثعلبة أنثى :eek:​
 
تأييد 0 تصويت سلبي
و

وين نروح

عضو بلاتيني
أخوي عذب الأطباع , صبر أركد ترى الأخوان مو دكاترة ولا أحد فينا يعرف شفيك , صور راسك مكان سقوط الشعر وارفق الصورة , وأحنا راح نسأل لك اللي فيك بداية صلع أو ثعلبه أو مرض لا سمح الله ( الله يحفظك )

لا تجرم بنفسك بسبب إستشارات الشباب وأنت ماتدري شفيك ..

الثعلبة مالها إلا ( مركز بو حمرة ) متخصص ويحلها خلال فترة زمنية قصيرة , لحد يقولك ثوم وخل وليمون وخيار وسلطة والكلام الفاضي واللي يقولك كوي , أنا حاس أن نفسيتك صارت صفر من أجوبة الأخوان والأخوات :)​
 
تأييد 0 تصويت سلبي
I

Imaginary

عضو بلاتيني
انا اقول روح للاطبه المختصين وانصحك بالدكتور بوحمرة في عيادة بوحمرة، انا اثق فيه كل ماصار شي ولا باهلي اي شي جلدي رحناله ركض عطانا الدبرة
وكل عام وانت بخير
 
تأييد 0 تصويت سلبي
ع

عذب الاطباع

عضو فعال
Imaginary قال:
انا اقول روح للاطبه المختصين وانصحك بالدكتور بوحمرة في عيادة بوحمرة، انا اثق فيه كل ماصار شي ولا باهلي اي شي جلدي رحناله ركض عطانا الدبرة
وكل عام وانت بخير
أنقر للتوسيع...



وانت بخير وصحه وسلامه




وين صايره عيادته
 
تأييد 0 تصويت سلبي
I

Imaginary

عضو بلاتيني
على الدائري الرابع، باتجاه السالمية، لما تصير مقابل السوق وعلى يمينك المطافي اخذ فوق تحت، تلقى على يسارك عماير فيها عيادات، وحده منهم اهو، واهي بارزة يعني اسال وبيدلونك على طول،، بس موذاكر اي عمارة، بتلقى لوحه كبيرة فوقها عليها اسم العيادة
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى