عاجل: مجلس الوزراء يقر زياده 100 دينار لبدل الايجار و30 الف اضافه على القرض الاسكانى

[بسنا فلوس]

30 ألف بفائدة ربوية 2% !!

حكومة تبي تطيح شعبها بالكبــائر , (( والمادة الثانية من الدستور المديوس في بطنه تقول إن الشريعة الإسلامية مصدر الشريع..)

** الغريب إن بعض وعاّض السلاطين رفضوا إسقاط القروض أو فوائدها , يقولون لايجوز!!!!!!!!!!!

هل كيف ياحكومة الفلس ​

 

[ابوناصر خبير اسهم]

اولها فرح حق التجار وآخرها انتكاسه _________ لان الاسعار حق الاجنبي راح ترتفع ف مايقدر على دفع الاجار ويضطر ان يسفر اهله ويسكن مع 20 شخص بغرفه وحده ونقول حق التجار الفقر خلو عماراتكم زينه لكم

 

[الحابوط]

بداية الغيث قطره مع تحفظي على الاثنين
زيادة بدل الايجار من 150 الى 250 دينار
المواطن ماراح يستفيد لانه ايجاره 300 راح يصبح 400
بسبب هذه الزياده ..
زيادة القرض من 70 الف من غير فوائد الى 100 الف
الزياده 30 الف بفوائد 2% ربا ياحكومه ماراح ياخذه اكثر الشعب
لانه ربا مالمانع لايكون بدون فوائد الكويت بخير والشعب الكويتي يستاهل
ننتظر زيادة الاولاد الى 100 دينار والعلاوة الاجتماعيه والعلاوات الدوريه :إستحسان:
الله كريم

 

[AC-Milany]

ودي أسمع فتوى من علماء السلاطين شنو بيقولون بعد قانون الربا!!

ذبحونا بطاعة اولي الأمر و لا أحد فيهم بطل حلجة بقانون الربا!!!

 

[al_ajmi33]

و الله لو يحلون المشكله الاسكانيه و يفكونا من قروضهم الربويه و ............ يسكتون مفتي السلاطين .... كان أريح للمواطن .

 

[" كش ملك "]

انا غاسل أديني من الحكومة من زمان ولكن هالمرة بغسلها بالصابون ،،،،،

هالحين الشعب يطالب
الرواتب بالمساواه والعدالة بين شرائح موظفين الدولة

يطالب ببناء مشاريع اقتصادية للبلد
يطالب بتحسين الصحة والتعليم في الدولة
يطالب بوقف زيادة الاسعار
يطالب بوقف الفساد الادراي والمالي
يطالب بمعالجة وحل مشكلة القروض والاحتكار وانعاش البورصة

تطلع الحكومة وتزيد بدل الايجار 100 من طلب منكم ذلك وبعدين الا تعلم الحكومة بان هذه الزيادة لن يستفيد منها المستأجر بل ستكون لاهل العقار وسوف تزيد اسعار العقار والأيجارات ، وكذلك 30
قرارات غير مدروسه ،

 

[الخيل الحر]

سؤال :

أنا شنو أستفيد لما يزيدون المعاشات ... وأروح الجميعيّه بدال ما أجيّل حق 100 دينار صرت اجيّل حق 200 دينار ..

وما ياكلها إلا الي عندَه بنت ..معقوله تشتري بدلة حق بنت عمرها 3 سنوات ما تقل عن 40 دينار ليش ..!

وين الرّقابه على الأسعار .. يبه كلونا الزلمات ..

والله معاشاتنا قبل قليله بس مستفيدين منها وفيها بركه .. الحين ورى كل زياده نتحسّف ونتحسّر ..

أما بخصوص بَدل الإجار .. أولا زيادة 100 دينار قليله جدا ..

وأقل ملحق في المناطق الدّاخليه أجاره 300 ...وأردى شقّه في المناطق الخارجيّه أجارها 300

أحنا مو مَحتاجين زيادات .. إحنا محتاجين قانون ورقابه ..

وحماية المستهلك إلي نايمين ووجودهم وعدمهم واحد ..
أتمنى ينفظون الاداره بالكامل وينفظون البلديه ..
وتطهّر مؤسسات الدّوله ..
هنا الحل غير هذا ..
وفروا زياداتكم

...

السؤال الي يَطرح نفسه .. سبحان الله بعد كل هل سنين الحكومه توها تدري أن الأجارات صارت غاليه .. وأن قرض الإسكان لا يكفي لبناء بيت مُحترم .. وأن رواتب الموظفين قليله ولا تكفي للمَعيشه ...!


سبحان الله .. سبحان الله .. سبحان الله

 

[الصدر الأعظم]

حسبي الله ونعم الوكيل على من اقترح اقتراح الفائده

هل ٦٠٠ دينار اللي بتاخذونها ربا هي اللي بتعزكم

الم يقل الأمير حفظه الله اشكروا نعم الله

ايكون شكر النعم بمحاربة الله بالربا يا حكومة

خلاص بدال ال ٣٠٠٠٠ عطوا الناس ٢٩٤٠٠

اهم شي بدون ربا

 

[al_ajmi33]

خلاص بدال ال ٣٠٠٠٠ عطوا الناس ٢٩٤٠٠

اهم شي بدون ربا

حل منصف بعيدا عن الربا الا اذا كان في هدفهم حرمان من ينأى بنفسه عن الربا من هذه الزياده .

 

[بقايا كويتي]

مدير بنك التسليف صلاح المضف : ما نشر عن زيادة القرض الاسكاني من 70 إلى 100 ألف دينار غير صحيح بتاتاً.


مدير بنك التسليف صلاح المضف : ما نشر عن زيادة القرض الاسكاني من 70 إلى 100 ألف دينار غير صحيح بتاتاً.

مدير بنك التسليف صلاح المضف : ما نشر عن زيادة القرض الاسكاني من 70 إلى 100 ألف دينار غير صحيح بتاتاً.


مدير بنك التسليف صلاح المضف : ما نشر عن زيادة القرض الاسكاني من 70 إلى 100 ألف دينار غير صحيح بتاتاً.


​

​

 

[al_ajmi33]

مدير بنك التسليف صلاح المضف : ما نشر عن زيادة القرض الاسكاني من 70 إلى 100 ألف دينار غير صحيح بتاتاً. ​

​

خله يراجع وسائل الاعلام المحليه ....

 

[إنفصام]

كان لي موضوع قبل شهرين تقريبا
وقبل احداث التجمعات
وعنوانه إطعم الفم يستحي العقل
وها هم الآن يطعمون الشعب
ولكن للمعارضه نصيب في هذة الشرهات والعطايا
فلولا تصعيدهم لما خرجت هذه القرارات
مبروك لكم الفتات ياشعب ساحل العاج
فلا السلطه عرفت حق قدركم ولا المعارضه كانت بصفكم

 

[لا تأسف]

خبر الزيادة على القرض الإسكاني نفى صحته المضف

 

[Chartist]

عليكم واحد

ما فيه لا زيادة ولا بطيخ

اختتم مجلس الوزراء الاسبوعي من غير ذكر الزيادات












و

 

[جيمس بوند الكويت]

الله يعينكم على ارتفاع الاسعار

 

[الحقيقه مره]

عادى عند الصحافه نقل الكذب واسناده الى مصدر ولا فيه محاسب المواطنيين من وين يلقونها
من حكومه ولا من صحافه فاقده المصداقيه ؟؟؟؟؟؟؟؟؟؟؟
قلت لكم آخر اولويات المواطن الاهتمام به وتلمس حاجاته ؟؟؟؟
ارفع المواطن بالسما ثم اشدخ فيه :باكي:​

 

[الصدر الأعظم]

خوش تنميه

خوش صحافه

 

[محمود المليجي]

لحد يدفع زياده للمؤجر ماله حق يزيد الأجار الشقه اذا كانت ثلاث غرف وصاله وحمامين حدها 250 لايستغلوكم ..

 

[السلطان العثماني]

خوش زياده ولا ربويه بعد​

 

[ساهر الليل]

يعني متي الحكومه راح تتلمس اوضاع المواطن البسيط اذا ماتلمست الحين في ضل هالوفره الماليه الخياليه

اتمنى انها تنزل للشارع وتتلمس احوال المواطن البسيط عن قرب


ياحكومه احنا عيالكم تلمسونا وحسوا فينا


واتمنى ياحكومه اول شي تتلمسونه قضية الاسكان


الكويتيين صاروا مشردين