اجسام طائرة غريبه فوق الكويت قبل قليل يوجد تصوير فيديو

[السلطان العثماني]

لازم نعرف شنو هالاجسام الغريبة الي تسرح وتمرح فوق الكويت .. لأن فيه تقنيات متطورة تخرب البيئة والمناخ تمتلكها اسرائيل وامريكا .. الكويت لها سيادة ​

 

[ساهر الليل]

يمكن ينانوه اخوي

انا ماستبعد هالشي لان السحره ترس الديره

 

[ساهر الليل]

هذا كيس جمعيه اخوي بو صالح

 

[من أجلها]

ذبحني الفضول !! ابي اعرف شالقصة!!!!

 

[ابوصالح]

ذبحني الفضول !! ابي اعرف شالقصة!!!!

انا والله اللي ذبحني الفضول

الشكل يااخوان احمر ساطع وواضح واول مرة يمر علي مثل هذه الاجسام

لاتقول طيارة ولها صوت وقريبه منك بعد

اذا طيارة بدون طيار هل من المعقوله تطير بهذه السرعه وبهذا التشكيل وحده بالمقدمه والاخرى بالمؤخره

المسافه والارتفاع من الارض ليس بالبعيد او المرتفع

المكان الذي تسير فيه ليس مسار للطائرات

ودي اعرف ههههه :باكي:

 

[ابوصالح]

يمكن ينانوه اخوي

انا ماستبعد هالشي لان السحره ترس الديره

هذا كيس جمعيه اخوي بو صالح

تكفى ساهر الليل الله يرحم والديك اذا عندك جواب قوله عسى الله يبارك فيك

احنا نبي اهل الرادارات بالمطارات يعطونا خبر او الناس المتخصصين يفسرون هذه السالفه

 

[قلم شريف]

اخوى بو صالح هذه توع من الألعاب وتتكون من كيف هوائي وفيه ولعه وتشتعل البالونه وترتفع فى الهواء
وترتفع لمسافة بعيده الى ان تنطفئ الشعله .

 

[مدونة بدوي ماركة]

اخوي
هالأشكال هذي راح تشوفها بشكل مستمر بالشتاء
هذي نوع من انواع المناطي اللي يبيعونها بسوق الجمعه
يكون حجمها كبير
وسبق وان صار معاي نفس هالشي وصورته وحفظتة وبعد البحث والتحري اتضح انهم مناطيد

وهذا فيديو مقارب لما شاهدت
http://www.youtube.com/watch?v=GqPx_5NluxQ&feature=related

 

[البحار الكويتي1]

اذا الأمريكان و الروس ما قدروا يفسرون هالظاهرة أبون الكويت تفسرها ؟
شوفوا اليوتيوب مليان من هالفيديوات و بكل مكان بالعالم

 

[بسطويسي]

اخوى بو صالح هذه توع من الألعاب وتتكون من كيف هوائي وفيه ولعه وتشتعل البالونه وترتفع فى الهواء
وترتفع لمسافة بعيده الى ان تنطفئ الشعله .

يامرحبا ترحيبيتن كلها بدليات


________________________________________________


بوصالح دير بالك من سوالف الدول العظمى
سولف عن قبيضة وانبطاحيين ومعارضة وشراء اصوات وصوت واربع اصوات
لكن هالسوالف ماوراها الا امريكا والصين وروسيا
عندي واحد نفسك سولف (ماصور ووثق) ان شاف صحن طائر وفجأة الامريكان اخطفوة من بيتة من خلال الفرقة المجوقلة المنقولة جوا
وتلوة لسرداب البنتاغون وبالتحقيق اول سؤال قالوا له ارسم اللى شفتة
قالهم ياجماعة ماعرف ارسم
قطوة بغرفة من الغرف الموجودة عشر سنوات لغاية ماعرف يرسم الشكل اللى شافة
هنا ضحك المحقيقين الامريكان وقالولة انت شايف جراغي عبارة عن منطاد وركبوه طيارة وردوه للكويت
ومن يومها كل مايسمع صوت جراخي ينفجر يغمض عيونة لدرجة احتفالات الدستور الاسبوع الماضي سافر للعمرة​

 

[الشاهيين]

يامرحبا ترحيبيتن كلها بدليات


________________________________________________


بوصالح دير بالك من سوالف الدول العظمى
سولف عن قبيضة وانبطاحيين ومعارضة وشراء اصوات وصوت واربع اصوات
لكن هالسوالف ماوراها الا امريكا والصين وروسيا
عندي واحد نفسك سولف (ماصور ووثق) ان شاف صحن طائر وفجأة الامريكان اخطفوة من بيتة من خلال الفرقة المجوقلة المنقولة جوا
وتلوة لسرداب البنتاغون وبالتحقيق اول سؤال قالوا له ارسم اللى شفتة
قالهم ياجماعة ماعرف ارسم
قطوة بغرفة من الغرف الموجودة عشر سنوات لغاية ماعرف يرسم الشكل اللى شافة
هنا ضحك المحقيقين الامريكان وقالولة انت شايف جراغي عبارة عن منطاد وركبوه طيارة وردوه للكويت
ومن يومها كل مايسمع صوت جراخي ينفجر يغمض عيونة لدرجة احتفالات الدستور الاسبوع الماضي سافر للعمرة​

ههههههههههههههههههههههههههااااي

 

[مساعد الشويب]

يشباب هذي لاهي اجسام عريبه ولا شي

هذي سلمكم الله المنطاد الصغير الي يجي منه الوان

ويكون فيه ولعه ع شكل مربع حَتْىّ ترفعها فوووق

وهذي يستوردونها من الصين

 

[جيمس بوند الكويت]

@
@

شكلهم نجوم

 

[وكيل النيابه]

يمكن ذبان بكامرتك ؟

 

[free_kuwait]

امبيه للحين ماتعرفون ان هذا منطاد صغير يشبون فيه النار ويطير نفس الحراغيات ملوت اليهال

هههههههههههههههههههههههه

 

[عامر بن صعصعة]

في السبعينات مع صلاة المغرب نفس الشئ شفنا هم لونه احمر وثاني يوم حطوا عن هذا الشئ او الضوء في الجريده

انها اطباق طائرة ومن هذا الكلام وبعدها صرح مسئول من الارصاد الجويه انها انفجارات غازات في السماء هي التي ادت الي هذا الشئ ....................

اي بس يخوي انفجارات غير مو مثل شئ لونه احمر مثل الليت يتحرك وبسرعة

عموما كنا صغير لذلك مافي واحد اهتم حق الذي شفناه ....... والذي شفناه ليت احمر يتحرك بسرعه والمنظاد مايتحرك بسرعة ويشب ليت احمر

 

[ابوصالح]

ياشباب لاتروحون بعيد وتفسرون على كيفكم

هذا ليس منظاد لانه سريع

هذا ليس طلقة اضاءه او طلقة تنوير او شعله صينيه يصير فيها مثل البرشوت وبعدين تنزل وتنطفيء

هذه ليست صحون طائرة غريبه وانا غير مصدق هالسوالف ابدا

اعتقد والله اعلم انها طائرات بدون طيار وسريعه جدا وعليها علامه اضاءه حمراء بس الغريب اشلون هالطيارات الالكترونيه تسير في مسار قريب من المدينه وقريب من المسارات التجاريه

اللي فهمته من البحث من النت ان اغلب الطائرات التي بدون طيار لها لمبه حمراء ثابته

وارجوا من الاخوان اللي يبحثون عن سوالف الغشمرة يفكونا لان السالفه صجيه وغريبه وياليت احد الاخوان الذين لديهم معلومات وخبره يفيدنا جزاه الله خير

 

[ابوصالح]

بوصالح دير بالك من سوالف الدول العظمى
سولف عن قبيضة وانبطاحيين ومعارضة وشراء اصوات وصوت واربع اصوات
لكن هالسوالف ماوراها الا امريكا والصين وروسيا
عندي واحد نفسك سولف (ماصور ووثق) ان شاف صحن طائر وفجأة الامريكان اخطفوة من بيتة من خلال الفرقة المجوقلة المنقولة جوا
وتلوة لسرداب البنتاغون وبالتحقيق اول سؤال قالوا له ارسم اللى شفتة
قالهم ياجماعة ماعرف ارسم
قطوة بغرفة من الغرف الموجودة عشر سنوات لغاية ماعرف يرسم الشكل اللى شافة
هنا ضحك المحقيقين الامريكان وقالولة انت شايف جراغي عبارة عن منطاد وركبوه طيارة وردوه للكويت
ومن يومها كل مايسمع صوت جراخي ينفجر يغمض عيونة لدرجة احتفالات الدستور الاسبوع الماضي سافر للعمرة​

ههههه ياحلو سوالفك يابسطوسي ههههه

لاتخاف اخوك ذيب وبسرعه مايقلب ويعطي الامريكان على كيفهم

هذولا الامريكان ربعي من زمان

عسى الله يخليهم لنا ولولاهم جان اعلوم

اما ربيعنا اهل الصوت الواحد او الاربع اصوات ماعليك منهم ترى طراق واحد بس يمشون عدل هههههه

وترى اخوك من اشد المعارضين للصوت الواحد بس عاد بالكلمه الحلوة والطيبه والاسلوب الامثل وبالحجي الرزين يلين حتى الحديد لو بعد حين . وترى ماكو شيء بالغصب والعين الحمراء

هديه مني لك :وردة:

اما بالنسبه للتصوير ياخوي بسطوسي لحد الان انا متعقد من الاجسام بصراحه واول مرة في حياتي اشوف مثل جذي مع انني لي خبره في هذه المجالات

بس اخوك تقاعد من زمان وصرت اخرف ههههههه

 

[اللورد سلطان]

يابو صالح اتصل في مركز العجيري

ويكون عندك الخبر الصحيح

وبعدين لاطول بموضوعك ترى بكره

يقولووون مسلم جايب قوات من الفضاء تهاجم جراخيات جينيس

 

[رقيب اول]

هذا منطاد صغير وتحته شمعه وكلكم تعرفونه . لكن اللي ماتعرفونه هو مدي الخداع البصري اللي يتعرض له الانسان في الظلام . وانا متاكد ان من شاهد هذي الاجسام اول ما يفكر فيه انها طائرة يوجد حريق في محركها . تعال بر الوفرة تشوف منها كثر عدد شعر راسك وخصوصا ايام العطل الشباب بالمخيمات يطلقونها ليلا عادة.
يتصادف طيران المنطاد تيار هوائي نشط وهذا يساعد علي خداع العين بشكل قوي جدا . انا اعرف مدي الخداع البصري الذي حصل وانا متاكد ان صاحب الموضوع لن يتقبل رايي لمعرفتي بحجم الخداع البصري . ولا اللومه .
لكن هذا المنطاد ينباع بالسوق من انواع ( الجراغيات) اشتر واحد واطلقه بنفسك وتابعه وراح تعرف شنو اقصد بالضبط
وبس