سؤال وجواب واحد حياوي

[مهاجر من الشمال]

لما تشوف واحد حياوي ما يروح دواوين وعلاقته مع

معظم الناس وخصوصا

ربعه من ايام الدراسة وغيرهم

سطحية ووده يكون علاقات مع الناس و وده يعيش حياة اجتماعية عادية يزور

الناس بدوواينهم ويورح عروس وعزا جماعته

شلون تقدر تنصحه ..؟​

 

[Imaginary]

اروع مافيه رغبته بالاختلاط، هذه تحل نصف المشكلة
الحيا طبع، ومومستحيل يتغير، خل يكسر هل حاجز، شلون يكسره؟

انه يجدم عليه ويصقل مهاراته الاجتماعية مع الناس .. يحتك ويحتك، اكيد بيطيح بمواقف تخليه يرجع ينطوي، بس خل يتقوى، وخل تصير هل مواقف الطعنة الي ماتذبح .. خل تصير الطعنة الي تقوي،، القراب والاكثر ميانة اول شي، وحبه حبه لين يتوسع ويكون شبكة علاقات.

وخل يعرف ان اذا كان حياوي فالاجدر ان يستحي من ترك مواجيب الناس ومشاركتهم فرحاتهم واحزانهم.

بالمناسبة،، انا سعيد ان في ناس تستحي !!! صحيح اهو مبالغ حبتين، بس حال ارحم من حال..

 

[مساعد الشويب]

اروع مافيه رغبته بالاختلاط، هذه تحل نصف المشكلة
الحيا طبع، ومومستحيل يتغير، خل يكسر هل حاجز، شلون يكسره؟

انه يجدم عليه ويصقل مهاراته الاجتماعية مع الناس .. يحتك ويحتك، اكيد بيطيح بمواقف تخليه يرجع ينطوي، بس خل يتقوى، وخل تصير هل مواقف الطعنة الي ماتذبح .. خل تصير الطعنة الي تقوي،، القراب والاكثر ميانة اول شي، وحبه حبه لين يتوسع ويكون شبكة علاقات.

وخل يعرف ان اذا كان حياوي فالاجدر ان يستحي من ترك مواجيب الناس ومشاركتهم فرحاتهم واحزانهم.

بالمناسبة،، انا سعيد ان في ناس تستحي !!! صحيح اهو مبالغ حبتين، بس حال ارحم من حال..

اتفق معك :إستحسان::إستحسان:

 

[جواهر*]

جميل ان الانسان يكون له علاقات اجتماعية واصدقاء ومعارف

اهم شيء الشخص نفسه الحياوي تكون عنده رغبة لكسر حاجز الخجل

هو يبادر يزور الاقارب بدواوينهم ويحضر المناسبات والاعراس سواء اقارب او معارف,

ومن المهم يثقف نفسه يكسب المعلومات المختلفة بمختلف المجالات
ويحاول يطلع على الجديد من الاخبار سواء محلية او دولية
عشان يشارك بالحديث ويشجع نفسه لفتح اي حوار او نقاش ويكون واثق من نفسه ومن اللي يقوله

تدريجيا تزول عنه الرهبة والخجل والحياء
يبدا بنقاش صغير او طرح فكرة او راي ومن ثم يتوسع

وبالتوفيق له

 

[تشالنجر]

افضل الانطوائية وتجنب الناس

من ٢٠٠٩ الى الان من البيت الى الدوام وهكذا

وماروح دوواين اله بالشهر مره مرتين و اذا قعدت ساعه و ازهق

وعلى هلحاله كل يوم اقول بطلع و اذا طلعة طفشت ورديت شبكت بالابتوب و البلايستيشن وهذ حياتي

 

[ابو فهد العنزي]

بعض الناس هاليومين تنصحه يزعل ؟

___________________________________

بالنسبة لهذا الشخص ودي أعرف هل أنت تعزه مثلا ؟
وتبي يكون للأفضل . ولا بس من باب معرفة شخصيته ؟

 

[بن ذى يزن]

خلك بدوانيتك ودق على
رياجيل فيهم خير
واحضر دروس دينيه
والعصر نادي
وسجل بدورات تنميه
واطلع مظاهرات سواء كنت مؤيد ولا معارض وإذا صار
قصائد ردد وراهم وإذا حذفوا حذف وياهم
شوف البيت شنو ناقصهم معاملات وخلصها لهم
يعني تدش على موظف يقولك ممنوعه ادخل على الوكيل
طوالي راح يطردك الوكيل قول بقلبك الشتيمه ما تلزق
واطلع وردللموظف قوله الوكيل يقول خلصها
عود نفسك انك تشتري اغراض البيت انت لفتره
روح لمواكب الشيعه سواء كنت شيعي ولا سني وأكل كباب وفيمتو
بس لا تطبر
ارفع كتاب لمديرك قوله فيه انك تبي تنقل لاداره
صعب النقل فيها واستعبط عليه


وعيش حياتك

 

[سعود الظفيري]

خلك بدوانيتك ودق على
رياجيل فيهم خير
واحضر دروس دينيه
والعصر نادي
وسجل بدورات تنميه
واطلع مظاهرات سواء كنت مؤيد ولا معارض وإذا صار
قصائد ردد وراهم وإذا حذفوا حذف وياهم
شوف البيت شنو ناقصهم معاملات وخلصها لهم
يعني تدش على موظف يقولك ممنوعه ادخل على الوكيل
طوالي راح يطردك الوكيل قول بقلبك الشتيمه ما تلزق
واطلع وردللموظف قوله الوكيل يقول خلصها
عود نفسك انك تشتري اغراض البيت انت لفتره
روح لمواكب الشيعه سواء كنت شيعي ولا سني وأكل كباب وفيمتو
بس لا تطبر
ارفع كتاب لمديرك قوله فيه انك تبي تنقل لاداره
صعب النقل فيها واستعبط عليه


وعيش حياتك

هههههههه والله انك راعي مشاكل ونصيحتك عجبتني حيل حيل
الله يعطيك العافيه

 

[مهاجر من الشمال]

بعض الناس هاليومين تنصحه يزعل ؟

___________________________________

بالنسبة لهذا الشخص ودي أعرف هل أنت تعزه مثلا ؟
وتبي يكون للأفضل . ولا بس من باب معرفة شخصيته ؟

واحد من اعز الربع ومشكلته هذي من سنين ​

 

[مهاجر من الشمال]

شكرا على اراؤكم

وبانتظار المزيد من بقية الاعضاء​

 

[بندر العبدلي]

السلام عليكم

كلام الاخوه اللي فوق طيب وخصوصا الاخ Imaginary

روح انت وياه دواوين وحال انك تدخله بنقاشات واذا انفتح موضوع اخذ رايه قدامهم ووجه اسأله له قدامهم وشوي شوي لين يروح الحيا بس لا تصير دايم وياه خله مرات يروح بروحه عشان مايتعود عليك ويصير ما يقدر يتكلم الا انت موجود وترا هذي الطريقه جربتها مع واحد نفس صاحبك هذا ونجحت

 

[جيمس بوند الكويت]

انسان مثل هذا خله بحاله

تلاقيه مرتاح بالي اهو فيه

شورى الناس غير عوار الراس تكفى ؟

 

[عبدالباري]

قال النبي عليه الصلاة والسلام ( الحياء لا يأتي الا بخير )


هنيالووووو


​

 

[Aragon]

السلام عليكم

كلام الاخوه اللي فوق طيب وخصوصا الاخ Imaginary

روح انت وياه دواوين وحال انك تدخله بنقاشات واذا انفتح موضوع اخذ رايه قدامهم ووجه اسأله له قدامهم وشوي شوي لين يروح الحيا بس لا تصير دايم وياه خله مرات يروح بروحه عشان مايتعود عليك ويصير ما يقدر يتكلم الا انت موجود وترا هذي الطريقه جربتها مع واحد نفس صاحبك هذا ونجحت

اتفق معاك :إستحسان: