سؤال وجواب ملابس شتوية حلوه ؟ وين؟ لأصحاب الوزن الزايد

[مطمئن]

السلام عليكم ورحمة الله وبركاتة جميعا.....

السؤال واضح يا جماعة...بالمناسبة وزني مو زايد وايد مشكلتي عريض شوي..
بس كل ما اروح اشتري من محلات الملابس اللي تسوى وعندهم تشكيله حلوه للأسف يطلع اكبر مقاس عندهم XL والمشكله صغير علي...

ابي محلات غير كتكات وغيره...في محل بالسالمية جديد اذكر مره حطو اعلان له...احد يعرفه؟ أو يعرف محل ملابس مقبوله يعني وتصلح للشتا...

والله يعطيكم العافية...،،

 

[مطمئن]

للرفع ياجماااعة أي رد أي مساعده ؛)

 

[أم فواز]

اخوي عندك محل اسمه ديربي في سوق شرق ..

راح تحصل عنده مقاسات كبيرة ..

مكانه في الطابق الثاني كأنك رايح مركز سلطان

وان شالله تحصل طلبك

 

[S3d1987]

أنصحك بالنصرالرياضي اذا كنت بالمنطقه العاشره عندك فرعهم بالبرج الاخضر او عندك فرعهم اللي خلف الافنيوز انصحك بهالفرعين لانه عندهم تشكيله كبيره وبضاعتهم جوده عاليه واسعارهم مناسبه البلوفرات من 5 لي 8 دنانير روحلهم وادعيلي بتحصل مقاسك وشي زقرت

 

[كعضول]

عندك مجمع المخازن (سوق الكويت الكبير) بالديره مقابل الصرافين عندهم كل المقاسات حسب المحلات و محلاته وايد افتر و شوف اللي يعجبك

 

[سكر زياده]

تبي ماركات روح فندق ميسوني تحصل عندهم محل فيه كل الماركات واصلي بعد ومقاسات كبار نظام (كتكات) من xxl وانت طالع
واستمتع بجاكيتات وبناطيل وبلوفرات

 

[مطمئن]

أشكركم كلكم....

أم فواز: رحت للمحل...المحل عجيب وتشكيله الملابس رائعة وشريت منه والأسعار مناسبه

الخالدي : النصر حلو وشريت منه

كعضول : تشكيله حلوه بالمخازن وهم شريت بنطرون و بلوزه منهم

سكر زياده : مشكووور وولحين مارحت بإذن الله نروح .......

والله يعطيكم العافية ويرزقكم ووالدينكم الجنه....

 

[الديفي]

الجينز اشتريه من ديربي سوق شرق وهم يضبطونه عندهم خياط وبعدين اخذه منهم شغلهم حلو خاصتاً لأصحاب الكروش مثلي

عندك عمارة العنجري بسوق السالميه فوق

واروح بعد لسيرز الضجيج يبيعون ستوكات اللي ما تمشي بأمريكا شريت منهم خوش قمصان واحجام كبيره ​