سؤال وجواب واجد من الناس تغيروا .؟

[مهاجر من الشمال]

على ايام ما كنا صغار بال 96 وال 97 ما كنا نشوف اللي نشوفه الحين

تدخل مطعم تشوف واحد يسب ويشتم بكلام قبيح لانه طلبه تاخر

تدخل مطعم ثاني تشوف واحد مستلم الكاشير عشان زيادة 100 او 150فلس على

الشبس لانه حسب كلامه ايام اول كان الشبس ب 350 والحين 450 ..؟

تروح المحكمة تشوف رجال يطق مرته او طليقته بوكسات عينك عينك

تمشي بالشارع تشوف اللي يسرع ويغازل ..


تروح الديوانية ما تخلوا قعدة في العادة الا من رحم الله من شفت فلان وقال علان

وغيبة ما يعلم مداها الا الله سبحانه

مدرس شايب ينطق من طالب بعمر احفاده

شاللي خله هل الجيل تتغير تصرفاته عن الجيل اللي قبله ..؟

على ايام الاباء والاجداد ما كنا جذي

رجاءا نبي رايكم بدون تجريح باحد الله يبارك فيكم​

 

[جيمس بوند الكويت]

حتى الجيل القديم من الممثلين مثلا شوفهم قبل شلون نفسياتهم وشوفهم الحين

ما اعرف شسبب

 

[Miss_dlal]

سلاماات كل الاجيال فيها الزين وفيها الشين؛.

بس شي طبيعي تشوف مظاهر الحين مو موجودة بجيل سابق

لإن كل وسائل الاتصال والاستخدام والاعلام والنت ونمط الحياة كله غير//

فالسلوك يكون حسب النمط الموجوود//​

 

[بقيييط]

عزالله صادق في الاول الناس تحرس تقعد في دواوين الحين ادرب كلاب عزك الله
​

 

[مواطن طبيعي]

السبب سلمك الله ... ان الناس قبل هاديهم الله

وماعندهم فضائيات ولا ايفونات ولا انترنتات

ماعندهم الا القناة الرابعه الله يذكرها بالخير،،، فالناس كان بالهم فاضي ويذكرون الله ويصلون

بينما الحين لاهين بالدنيا ونسوا الصلوات وذكرالله

الا من رحم الله منهم

يجب اعادة الناس الى القناة الرابعه ومنع الايفون من الاسواق

ومنع الستلايت ومنع النت

وبالمختصر المفيد ,,لن نجد السعاده وراحة النفس الا برجوعنا الى الجنه التي اضعناها منذ زمن وهي (الصلاة في المسجد)

 

[المهذب]

قبل لا يوجد زحمه لذلك الناس اكثر هدوءا يينما في هذا الزمن تجد ان كل شي
تغير حتى الاسعار ارتفعت في كل شي وصار المواطن مطحون ومشاكله كثرت عن السابق

 

[MeshoX]

الصلاة تهذب السلوك وتصفي النفوس .. قلو المصلين فبالطبيعي زادت الظواهر الي كانت الصلاة ماسكتها

 

[حوللي]

مهاجر من الشمال
اللي تغير شي واحد أن إدراكك للأمور وأنت صغير أختلف عن إدراكك لها يوم كبرت
وسلامتك

 

[كويتنا3]

صح الناس نفسياتهم تغيرت





ماعاد احد له خلق حق احد






قبل كل الناس صدورها وسيعه ويزورون بعض ووناسه






الحين لا كلن منشغل بهمه بعد ماتعقدت الحياه من ناحية الاسعار وغيره










باختصار الحياه قبل احلى






حتى طعم العيد قبل غير

 

[روائي]

الاعلام المريض

 

[سيادة الدولة]

بيدك انت تفرض الجو اللي تبيه على الناس,,


إذا ماكنت تحب الغيبه بإمكانك تذكر الموجودين بأن ذلك معصيه ,, وإذا ماقدرت غادر المكان.


أختار من إثنين إلى ثلاث تحس أنهم على جوك وإجعل منهم قروب خاص فيك.

كلما إبتعدت أنت بدأت تتنفس هواء نظيف.

 

[أبوطلال]

ايام زمان قبل 40 سنة تقريبا كنا نخشى من هو كبير فى السن
اى كان هو ..سواء مواطن او وافد
حتى لو كانت فى العشرينات نحترمه ونقدره ولكبير السن احترام
مو طبيعى وكلامه مسموع ولانجادله بحرف ..
حاليا الجيل الجديد وضعه اختلف لاتستغرب ان ترى بالشارع مراهق بالتعش
يتطاول او يجادل او يغلط على من هو يفوق عمره باضعاف مضاعفة ...
وكلما قل الاحترام والتقدير لكبار السن.. انحدرت الاخلاق
وتغيرت اطباع الناس .​

تحياتى :وردة:​