يا جماعة الخير انا لي وجهة نظر يرحم والدينكم
شنو المشكله في قيام الاخوة الشيعه في الكويت من القيام بمناسكهم الدينيه بكامل الحريه؟؟
يعني اذا حبوا يقيمون مسيره او اللي اهو ليش لا خل ينعشون السياحه
شنو المشكله ؟؟
بالعكس اذا هالشي يريحهم ليش لا ؟؟ وبالعكس نهنيهم ونعزيهم ونعالج الجرحى منهم اذا اسرفوا في تعذيب انفسهم. لنمد لهم يد المحبه والاحترام .
ماني فاهم ليش حالة هالفوبيا عند البعض من البعبع الشيعي ؟
يا اخوان الفكر الشيعي لا يواجه الا بالفكر انتهى عصر القمع وعصر الراي الواحد.
يا اخوان مايصير تبون ديموقراطيه بدون الاخذ بالجانب السيء من الديموقراطيه اللي اهو احترام حقوق الاخر.
اشوف تناقض غريب في ايمان بعضكم في دولة القانون وفجاه يهنج مخه اذا تعلق الامر بحقوق غيره !!
اطلعت على موضوع النقاط اللي راح يطالبون فيها الشيعه, وبصراحه ما لقيت شيء مثير للفزع مثل ما تم تصويره!!
1. يبون يسوون يوم عاشواء عطله : شنو المشكله احنا مو قاعدين نغيب عيالنا عطله وبلاش ماتبونها !!
2. يبون وكيل مساعد في الاوقاف : ليش لا بالعكس انا اصلا متعجب اشلون انهم لايقعون تحت سيطرة الاوقاف وهالخطوه اصلا في صالح النظام العام.
3. يبون يعدلون المناهج : ليش لا اذا تصير لجنه مشتركه من علماء السنه والشيعه ليش لا .
في نقاط اخرى كثيره اشوف من حق الشيعه ومؤيد بقوه انهم يحصلون عليها.
لان يا اخوان مايصير انك تغبن اي فئه في المجتمع فقط لانك لا تقتنع بافكارها هذه ما تصير دوله محترمه لها دستور متشابه مع الاعلان العالمي لحقوق الانسان.
اول خطوات الوصول الي الديموقراطيه هي تضامن الاغلبيه مع الاقليه.
اذا مو قادرين تتخلصون من طريقة التفكير العقيمه المتشنجه التصادميه مع الاخر : من الحين رددوا يا ليل ماطولك.
لان هذه هي ضريبة الديموقراطيه بكل بساطه.
كنت اتمنى مسلم براسه يطالب بهذه الامور وكم كان الامر سيبدو رائعا لو انه فعل ذلك وكم سيلتف من حوله الجميع.
يا جماعه اللي جنس الشامي والمغربي ما جنسهم علشان اهو حبوب وطيب, جنسهم لانه يدري محد فيهم يواطن الثاني ويبي يقعد يرقص بالاثنين ويضحك عليهم , طيب ليش الشامي والمغربي ما يتفقون علشان يبنون وطن ديموقراطي.
هذا هو ثمن الديموقراطيه تبون تدفعونه دفعوا اما اذا تشوفون انه ثمن غالي اجل لاتعبون نفسكم وتطالبون باشياء انتم مو قدها.