احب محادثة الاطفال .. مو كل الاطفال .. الاطفال اللى اشعر انهم يتحدثون لى من قلبهم .. بعضهم غثيث وسوالفه مو حلوه او كذاب .. الصادق احبه واحدثه واتفاعل معه .. اناقشه واحاول اعطيه معلومه او قناعه او درس تعلمته .. . لعلمى انه سيذكرها على مدى عمره .. لازلت اذكر كلمات او جمل قالها لى ابى او امى رحمة الله عليهم وانا بعمر ٦ او ٧ سنوات
الطفل اذا شافك معطيه ومعطى حديثه اهميه .. ينطلق بالحديث ويشعر بالفرحه لهذا الاهتمام .. بس مشكلتهم " يمصخونها " .. واغلبهم يقولك عمى اقولك نكته .. اقوله قوول .. ونكتهم سطحيه وباااايخه . وحتى لو حاولت تصنع الضحكه يبين على مالى خلق اضحك .
قبل ايام ابن احد اصدقائى فتحت معه النقاش وتفاعلت معه وعلى طوووول " عمى اقولك نكته "
انا .. قووول .. وداخلى اقول " فارقنى "
قال : واحد طلعله جنى بالليل
انا : زييين
هو :وماكان حافظ قرآن
انا : طيب !
هو : قال " طلع البدرُ علينا
انغشيت من الضحك :قلب_مكسور: