سؤال وجواب استفسار

[مدريدي منذو مبطي]

السلام عليكم

شباب حبيت اسالكم ما تعرفون مكان بالمنطقه العاشره يوظف كويتيين

والله زهقنا من حياة البطاله

انا معاي ثانوي

رحت لاعادة الهيكله ويوم جيتهم قالولي اغلب الشركات تطلب لغه انجليزي استغربت يعني واحد عنده ثانوي تبون انجليزي ليش

انا اعرف ان الانجليزي للجامعي

والمصيبه اني قبل شهر قدمت على شركة من عندهم وسحبت عبي الشركة

شباب اذا تعرفون مكان مبطل في المنطقة العاشرة ويقبل الثانوي تكفون لا تبخلون علي

وبالتوفيق للجميع

 

[Desert Eagle]

والله ما اعرف لكن اللي اعرف بقولك اياه


دش العسكريه رقباء ، وكيل عريف اي شي ولا دش دورة جمارك

اللي معاه ثانوية وما يقدر يكمل يدش هالمجالين

والله يوفقك ويفتحها عليك ..

 

[مدريدي منذو مبطي]

والله ياخوك قدمت على العسكرية ورفضوني

والتطبيقي طاب خاطري منه

انا ابي اتوظف

اللي يعرف لا يبخل علي

 

[سعود الظفيري]

ان شالله خير ياخوي
روح اعادة الهيكله واسألهم مباشره عن محطات البانزين التوظيف سهل جدا
والمعاش جيد جدا 870 ..
والشغل خفيف جدا جدا وممتاز لمستواك الاكاديمي
ولا يحتاج انجليزي الا ون تو ثري الارقام بالانجليزي
شيء بسيط اظن ..
توكل على الله واسألهم لان الان المحطات طالبه موظفين على ما اعتقد
عسى الله يرزقك ويوفقك

 

[مدريدي منذو مبطي]

والله ياخوك حرام عندي ثانوي اروح اشتغل بالمحطات

طبعا الشغل ما فيه عيب لكن انت عارف الوضع بالديره ينقدون على اي شي

وبيني وبينك اخيس مكان بالديره هي محطات الوقود والكويتي ما يعمر حده شهور ويقدم استقالته

وتسلم عالنصيحة

 

[تفاؤل عظيم]

الله يعينك سالفتك مطولة
نبي حلول لهالبطالة
يقولون بدل بطاله حل .
بدل البطالة مايتعدى 200 شتسوي بهالايام !!

 

[مدريدي منذو مبطي]

اخت مريم ما تضيق الا بتنفرج

الله ييسر الامور

 

[سيادة الدولة]

قدم قطاع خاص وفق شهادتك وكمل دراستك اخذ بكلريوس

 

[جيمس بوند الكويت]

قط جنسيتك توظف

كل البدون الي اعرفهم موظفين

الديرة مو لنا يابعد راسي صرنا اغراب من تحت راس ناس المفروض يكونون اهلنا وعزوتنا وياملولنا مستقبل حلو

والله مابي احطمك لكن هذا واقع

 

[Anu]

بالتوفيق ان شاءالله
بس من وجهة نظري الي يدور عن وظيفه و محتاج ما يتشرط ويقول ما اشتغل الا بالمكان لفلاني
او الناس تنقد علي اذا اشتغلت بمحطة بانزين او غيره
الشغل مو عيب والي يحصل وظيفه والراتب يشتغل وما عليه من الناس
اما اذا الواحد يبي يتشرط ويتأمر من الافضل يكمل دراسته و يقوي نفسه ويروح مكان يناسب طموحاته
مو كل شي يجي بالساهل او على الواقف

الله يعينك سالفتك مطولة
نبي حلول لهالبطالة
يقولون بدل بطاله حل .
بدل البطالة مايتعدى 200 شتسوي بهالايام !!

في دوله بالعالم تعطني شعبها بدل بطاله ؟
انا اقول الله يعز الكويت اسمه بدل بطاله 200 خير و نعمه ويبوس ايده بطن و ظهر
الحكومه مو مجبوره تعطي العاطلين عن العمل بدل بطاله بس هذا زين منها وشي يحسب للكويت

 

[مدريدي منذو مبطي]

قط جنسيتك توظف

كل البدون الي اعرفهم موظفين

الديرة مو لنا يابعد راسي صرنا اغراب من تحت راس ناس المفروض يكونون اهلنا وعزوتنا وياملولنا مستقبل حلو

والله مابي احطمك لكن هذا واقع

اي والله هذا اللي صاير بالديره

على العموم الله يوفق الجميع

 

[مدريدي منذو مبطي]

اخوي Anu

انا ما اتشرط وطبعا كلامك صحيح وما فيه شك

لكن الشغل اللي في محطات البانزين ما يناسب الكويتيين

واذا تبي تعرف هالشي اسال عن الوظيفة والكل راح يذمها

ما تشوف كويتي يعمر فيها واعرف ناس قعدت اسابيع وما استحملت ازشغل 8ساعات واذا ما جا صاحبك اللي يستلم الشغل وراك انت ملزوم تقعد لين يجي صاحبك

وطبعا في ناس تعبي بانزين وتسحب وما تدفع فلوس وطبعا بهالحاله الشركه راح تحاسبك انت وراح تضطر تدفع لهم الفلوس من جيبك الخاص

وبخصوص دعم البطاله يا بعد راسي ديرتنا زيرة خير والحمد لله الله لا يغير علينا المفروض الشعب يعيش عيشه محترمه

لو النفط عندنا على قد حالنا جان رضينا بالواقع لكن فائض الميزانية عندنا 5مليار

وطبعا حنا قاعدين نطالب بحقوقنا الاساسية يا بعد راسي

وتسلم على المشاركة

 

[سعود الظفيري]

يالغالي ترا الربع عندي بالمحطات يشتغلون
اولا
انت داخل الكبينه مالك شغل بالمحاسبة مو نفس نظام قبل يعني
الحين كله الاثيوبيين هم يعبون ويحاسبون ،،
هذي نقطه
والنقطه الثانيه
وظيفتك سهله جدا جدا انك تقعد بهالكبينه وياك التلفون واللاب توب لين يخلص الدوام وترد بيتكم بس
بالنسبة لثنويه عامه وبهالمعاش !؟ ممتاااااازه جدا

واسمع مخططي لك واخذها نصيحة اخو
لاتقعد بالبيت وتنطر الوظيفه توصلك لي بيتكم

قدم عليها , ومن الشهر اللي بتتوظف فيه اشترك مباشره بأحد المعاهد للثنويه حتى ترشح نفسك باجر بالديوان ويتم قبولك بسرعه ,,,
المحطه تخيرك بين الصبح والعصر
اختر الصبح وباجر لي دشيت معهد تداوم له العصر ودوامه ولا شي لمدة 9 شهور
وانت امورك زي العسل


موفق خييير واستخير

​

 

[بوعوض]

ولد عمي لاتزعل من كلامي بس يعني شهادتك حدك ثنوي وهم تتشرط اتقول مابي محطات منو انت شنو خريج هندسه ولا حقوق عشان تتشرط الحين عرفت ليش بطالي تبي وظيفه على مزاجك

لوكنت امريكي جان حدك ٤٥٠ دك بالشهر احمد ربك بالنسبه للانتقادات من ربعك مثل ماتقول ترا انت عندك شهاده ثنويه بس ماجوفك خفت من الانتقادات من شي يفشل مثل جذي اكبر ترا الدنيا صعبه ولاتتشرط

 

[مدريدي منذو مبطي]

ولد عمي لاتزعل من كلامي بس يعني شهادتك حدك ثنوي وهم تتشرط اتقول مابي محطات منو انت شنو خريج هندسه ولا حقوق عشان تتشرط الحين عرفت ليش بطالي تبي وظيفه على مزاجك

لوكنت امريكي جان حدك 450 دك بالشهر احمد ربك بالنسبه للانتقادات من ربعك مثل ماتقول ترا انت عندك شهاده ثنويه بس ماجوفك خفت من الانتقادات من شي يفشل مثل جذي اكبر ترا الدنيا صعبه ولاتتشرط

عز الله كلامك ذهب
مشكور على كلامك مع انه قوي لكن كلامك صح

 

[مدريدي منذو مبطي]

يالغالي ترا الربع عندي بالمحطات يشتغلون
اولا
انت داخل الكبينه مالك شغل بالمحاسبة مو نفس نظام قبل يعني
الحين كله الاثيوبيين هم يعبون ويحاسبون ،،
هذي نقطه
والنقطه الثانيه
وظيفتك سهله جدا جدا انك تقعد بهالكبينه وياك التلفون واللاب توب لين يخلص الدوام وترد بيتكم بس
بالنسبة لثنويه عامه وبهالمعاش !؟ ممتاااااازه جدا

واسمع مخططي لك واخذها نصيحة اخو
لاتقعد بالبيت وتنطر الوظيفه توصلك لي بيتكم

قدم عليها , ومن الشهر اللي بتتوظف فيه اشترك مباشره بأحد المعاهد للثنويه حتى ترشح نفسك باجر بالديوان ويتم قبولك بسرعه ,,,
المحطه تخيرك بين الصبح والعصر
اختر الصبح وباجر لي دشيت معهد تداوم له العصر ودوامه ولا شي لمدة 9 شهور
وانت امورك زي العسل


موفق خييير واستخير

​

ما تقصر على النصيحة صراحه كلامك حمسني انا على بالي اني راح احاسب للناس
ان شاء الله راح اخذ بنصيحتك

بس يا الغالي شلون التقديم عليه وين اقدم على هرلوظيفة وهل يطولون على ما يوظفوني ولا الموضوع بسرعه

وشلون بخصوص المناطق انا ساكن بالمنطقه العا

شره هل يحطوني بالمنطقه العاشره ولا بيقلعوني اخر الديره

يا ليت تسال ربعك هالسؤال

 

[مدريدي منذو مبطي]

زين شباب اللي يعرف عن وظيفة مسؤول محطة البانزين لا يبخل علينا

وشلون التقديم عليها

وما تقصرون مقدما