البيوت الحكومية صارت 5 أدوار !!!!!!!!!!!!!!!!!!!!!!!!

[Queue80]

السلام عليكم و رحمة الله و بركاته

و بعدين يا جماعة , مافي بيوت
قبل الغزو البيوت الحكومية دورين و مستحيل تشوف بيت حكومة 3 أدوار
مافي سكن و الناس قاموا يبنون بيوتهم طوابق أكثر حتى أن بعض البيوت الحكومية وصلت 5 طوابق ببعض المناطق

أفضل وزير للإسكان ( المويزري ) شالوه و رافعين عليه قضيه على اللي قاله بقناة اليوم اللي سكروها على طول بعد كلامه

 

[القروي]

فضفض وقول اللي في خاطرك ولن تحل قضية الاسكان​

 

[Desert Eagle]

الناس ما بنت ادوار زياده الا لانهم انحشروا ببيوتهم

الحفيد ساكن مع الجد ، والبعض الحفيد متزوج وعليه ولد

 

[الجحجاح]

افضل وانظف وزير المويزري الله يذكره بالخير ..شالوه ..مايبون اللي يخدم المواطن..منو الوزير الحالي ماله حس ..

 

[تأبط خيرا]

ناس ما تطالب بحقها

ومجالس الامة السابقة والمستقبلية كل همها تصفيات و مكاسب سياسية

إذا طلبات الاسكان وصلت فوق المئة الف

وحملة ناطر بيت يسون اكثر من مرة فعاليات مؤتمرات صحفية

و اللي يحضرون يمكن 10 او 15 واحد

اقول

ناموا بالعسل أحسن
​

 

[شيخ الشباب]

لاحول ولا قوة الا بالله العلي العظيم

 

[newhistory]

لا تكتب عن هالموضوع .. لانه ممنوع يبنى اكثر من دورين او ثلاثة

ممكن يسجنونهم او يهدون الادوار الزايدة , تدرى قانون

 

[مرقوعه بجدر]

اي والله عشرين نفر فبيت وكل غرفه حاشرين 4 ولا 5

سكن عزابيه مو بيت

 

[محمود المليجي]

انا شايف واحد حاط شاليه جدام بيته ومادله واير كهرباء وعلى مايبدو مخليه غرفه خاصه له
الناس تعبو من الاجارات والشقق الضيقه وقلة الحيا ولعنة الله على الشيطان ...

 

[bujassim]

اي ولله اللي يشوف هالوضع مال يبوقله جم مليون عشان يشتريله بيت ويضمن حق عياله

والمواطن البسيط خل ينطر 30 سنه لمن يطق عمره 60 يالله يطلعله بيت صغيرون

 

[ساهر الليل]

حملة ناطر بيت متى يجتمعون

نبي نشاركهم