سؤال وجواب سؤال عن مكاتب السفريات

[zaz]

اخر السنين الكثير من الناس صارو يحجزون تذاكر سفر وفنادق من مواقع النت ويقال فيها توفير كبير

الحين بعرف مكاتب السفريات اشلون تربح اذا الكثير من الزباين ما يتجهون لهم

وهل مكتب سفريات مشروع ناجح هالفترة ولا لا

وشكرا لكم

 

[كويتي مال أول]

طبعاً مكتب السفريات مشروع ناجح أذا أدارته جيده ونشيطه وعندها برامج وتورات تواكب رغبة سياح البلد خصوصاً أذا عنده تصريح من أياتا ... هذا طبعاً مع الموقع والذي يعتبر عامل مهم جداً.

أما سالفة شلون يربح مع وجود حجوزات النت الرخيصه فهذا لأن أكثر الناس مايجب يجرب شي جديد عشان مايتوهق ولذلك تلقاه يروح مع قروب ومع شركه يكون مجربها من قبل ولاتنسى أن القروبات تكون شامله التنقل أيضاً وتكون برامج مدروسه ومعده لتغطية المده بطريقه مناسبه جداً

الأمر الثاني طال عمرك الوجهات البعيده مثل أمريكا وأستراليا واليابان يفضل يكون الحجز عن طريق مكاتب الطيران اللي تريحك من كل شي ويكون لها هناك مندوب ومترجم .. يعني أنت أرتاح وأترك لنا القياده على قولة الوشيحي وصدقني الفرق مو ذاك الزود ...

وكل هذا عن تجربه شخصيه ... لسفر العائله ريح بالك وسافر مع قروب خصوصاً للبلدان اللي زيارتها نادره ..

الأمر الأخير بعض المكاتب تأجر طيارات لخدمة المسافرين لمدينه لاتغطيها شركات الطيران يعني مالها خط مباشر مثل ترابزون تركيا فتسوي رحله مباشره لها وتعلن عنها وتلقا الناس تحجز فيها حتى لو غاليه شوي عشان يريح نفسه وعايلته

تحياتي

 

[Desert Eagle]

والله توني حاجز تذكرتين امريكا كويت رايح راد وبعد وحده ثانيه رايح راد

وعدلت كم حجز عندي

جزا الله امريكا كل خير على تثقيفي تكنولوجياً وصار كل شي بالنت

اما اجتماعياً واخلاقياً اربها ما تغيرني

 

[zaz]

طبعاً مكتب السفريات مشروع ناجح أذا أدارته جيده ونشيطه وعندها برامج وتورات تواكب رغبة سياح البلد خصوصاً أذا عنده تصريح من أياتا ... هذا طبعاً مع الموقع والذي يعتبر عامل مهم جداً.

أما سالفة شلون يربح مع وجود حجوزات النت الرخيصه فهذا لأن أكثر الناس مايجب يجرب شي جديد عشان مايتوهق ولذلك تلقاه يروح مع قروب ومع شركه يكون مجربها من قبل ولاتنسى أن القروبات تكون شامله التنقل أيضاً وتكون برامج مدروسه ومعده لتغطية المده بطريقه مناسبه جداً

الأمر الثاني طال عمرك الوجهات البعيده مثل أمريكا وأستراليا واليابان يفضل يكون الحجز عن طريق مكاتب الطيران اللي تريحك من كل شي ويكون لها هناك مندوب ومترجم .. يعني أنت أرتاح وأترك لنا القياده على قولة الوشيحي وصدقني الفرق مو ذاك الزود ...

وكل هذا عن تجربه شخصيه ... لسفر العائله ريح بالك وسافر مع قروب خصوصاً للبلدان اللي زيارتها نادره ..

الأمر الأخير بعض المكاتب تأجر طيارات لخدمة المسافرين لمدينه لاتغطيها شركات الطيران يعني مالها خط مباشر مثل ترابزون تركيا فتسوي رحله مباشره لها وتعلن عنها وتلقا الناس تحجز فيها حتى لو غاليه شوي عشان يريح نفسه وعايلته

تحياتي

شكرا اخي الكريم على الشرح