سؤال وجواب قرض من التمويل

ت

تفاؤل عظيم

عضو
السلام عليكم ورحمة الله وبركاتة


يا جماعة الخير ارجو ان اي شخص عنده خبره بهالامور يفيدني

انا قبل كم يوم كتبت اني ابي قرض 5000 دينار

المهم سالفتي أنا اشتغل بقطاع خاص ( اشتغل صج مو نظام دعم عمالة وبس)
راتبي من الشركة 400 ودعم العمالة 517
كل راتب له حساب خاص فيه وكلهم بالتمويل ..


المهم عرض علي شخص انه يساعدني عشان اخذ من التمويل 25 الف كـ قرض .
مقابل اني اعطيه 6 ونص من القرض مالي .

سؤالي .. هل اقدر اخذ قرض بقيمة 25 الف من التمويل وبدون لا يتدخل هالشخص ؟
يعني اقدر اخذ قرض جذي من دونه ؟
ولا الاخ عنده طريقة ولعب بالبيانات ؟
 
ترتيب حسب التاريخ ترتيب حسب الأصوات
ك

كويتي مال أول

عضو ذهبي
الأخت مريم
أهربي من هذا النصاب هروب الصحيح من المجذوم ...
وأذا عندج أخ أو زوج خليه يوقفه عند حده


يخرب بيته !!!!
ربحه ست آلاف ونص من 25 ألف ..
يعني 26 بالميه بارده مبرده وربا يورد التهلكه...

حسبنا الله ونعم الوكيل
 
تأييد 0 تصويت سلبي
ت

تفاؤل عظيم

عضو
مشكورين حيل
اخواني انا استغربت منه يقولي تستلمين الفلوس بيدج !!
اشلون يقدر يستخرج لي قرض بعدم حضوري !!! شلون البنك يوافق !!!!
لهالدرجة النصب سهل بالكويت !!!

أنا كنت مو فاهمه طريقة التورق بالتمويل ..
اسمعوا سالفتي .. وياريت اللي يقدر يساعدني بشرح وافي يعطيه الف عافية .


راتبي من الشركة 400 ودعم العمالة 517
كل راتب له حساب خاص فيه وكلهم بالتمويل ..

شلون أقدر اتقدم بقرض ؟
وكم الحد الاقصى للقرض ؟
وجم ارباح التمويل ؟
وشنو اقصى مدة للدفع ؟
علمًا بأني ابي الاقساط الشهريه تكون بحدود الـ 100 - 150 عشان ما أتضايق ماليًا
 
تأييد 0 تصويت سلبي
ن

نمر

عضو مخضرم
لماذا لاتسألين بنفسك البنك حتى تحصلين على الجواب الشافي
اتمنى لج التوفيق
بالنسبه للشخص الذي ذكرتيه احذري منه في امورج كلها عسى الله يهديه
شخصياً اعتقد بأنج تقدرين تاخذين قرض (تورق) لايقل عن 12 الف اذا كنتي تريدين ان يكون القصد في حدود ال 200 دينار
كما انني اعتقد انج تقدرين تاخذين فرض (تورق) في حدود ال 20 الف في حال دمج الراتبين بقسط لايقل ال 300 دينار
بحيث تاخذين شهادتين استمرارية راتب من الشركة وكذلك من دعم العمالة
اتمنى لج التوفيق
 
تأييد 0 تصويت سلبي
ك

كويتي مال أول

عضو ذهبي
أخت مريم
تقدر تحسبين القرض على الرابط التالي الخاص ببيت التمويل

http://www.kfh.com/ar/commercial/Default.aspx

نوع الحسبه : المرابحه
نوع القسط : أقساط متساويه
طريقة السداد : الراتب على بيت التمويل
فترة السداد : عدد الأشهر .. 60 = 5 سنوات .. 180 = 15 سنه
المقدم = المبلغ اللي تبينه .. مثلاً 30 ألف
المقدم د.ك = 10 د.ك

الطريقه سهله
علماً بأنهم يحسبون كل مصادر دخلج يعني كل رواتبج + أذا عندج أيجار شهري
 
تأييد 0 تصويت سلبي
ت

تفاؤل عظيم

عضو
يا جماعه رحت للبنك و اوراقي كلها سليمة 100% بس قالولي لازم كفيل متوظف بإحدى الوزارات وراتبه على بيت التمويل

بالله من وين أجيب لهم شخص راتبه بالتمويل ويعمل بوزارة , شنو هالشروط الصعبه يعني لازم نتجه لطرق غير قانونية!!
 
تأييد 0 تصويت سلبي
ك

كلينكس

عضو فعال
اي الحين لازم كفيل يشتغل بوزاره لانه البنك مايضمن انج يمكن تتفنشين من القطاع الخاص وماراح تلقين واحد يكفلج لانه ان مادفعتي اقساطج اهو بياكلها


الحل لازم واسطه (وياكثر الواسطات)
 
تأييد 0 تصويت سلبي
ا

الفوهرر2013

عضو فعال
اولا اختي مريم ديري بالج من هذا الشخص اللي يبي 6ونص حتى لو قلنا في واسطه بس انتي عارفه 6 الاف ونص حدها غاليه حشا تقول طالبه منه معاملة ببنوك سويسرا

بيت التمويل للاسف يبي كفيل لانج بقطاع خاص فمو ضامنين بقاءج بالعمل
بس انتي شوفي احد من اخوانج اهلج يكفلج وان ما قدرتي شوفي بنك ثاني واذا توازيتي حولي راتبج
واكرر واقول اذا في واسطه ومن هالامور حده 500 مو 6 ونص وشكرا
 
تأييد 0 تصويت سلبي
ت

تفاؤل عظيم

عضو
للاسف محد من اهلي في بيت التمويل
شروطهم تعجيزية يعني بصراحه مو من حلاة خدمتهم بيت التمويل عشان ألقى شخص يشتغل بوزارة وبنفس الوقت راتبه عليهم.

الفوهرر2013 شوفلي هالواسطة لو يبي 1000 أعطيه مو مشكلة بس يمشي معاملتي .

يعني ليش جذي يحدون المواطنين على التحايل على القانون
اللي عنده معرفة بالتمويل يستثنونه واللي ماعنده يحطون له شروط تعجيزية.
في ستين الف طريقة يضمنون حقهم فيها غير سالفة هالكفيل والله لوهلة حسيت اني بنغالية
شنو كفيل وذابحينا هالحكومة توجهوا للخاص ومن هالخرابيط هذي آخرة الخاص
 
تأييد 0 تصويت سلبي
ا

العبــدلــي

عضو جديد
مريم علي قال:
للاسف محد من اهلي في بيت التمويل
شروطهم تعجيزية يعني بصراحه مو من حلاة خدمتهم بيت التمويل عشان ألقى شخص يشتغل بوزارة وبنفس الوقت راتبه عليهم.

الفوهرر2013 شوفلي هالواسطة لو يبي 1000 أعطيه مو مشكلة بس يمشي معاملتي .

يعني ليش جذي يحدون المواطنين على التحايل على القانون
اللي عنده معرفة بالتمويل يستثنونه واللي ماعنده يحطون له شروط تعجيزية.
في ستين الف طريقة يضمنون حقهم فيها غير سالفة هالكفيل والله لوهلة حسيت اني بنغالية
شنو كفيل وذابحينا هالحكومة توجهوا للخاص ومن هالخرابيط هذي آخرة الخاص
أنقر للتوسيع...

السلام عليكم ورحمه الله وبركاته

أختي بارك الله فيج اتقي الله .. ما وضعته باللون الاحمر ( رشوه ) وقال الرسول عليه السلام لعن الله الراشي والمرتشي ... ومعنى لعن يعني اخرجه الله من رحمته

نسال الله ان يتغمدنا برحمته

عندج حلول غير بيت التمويل

بنك وربه

بوبيان

الراجحي

المتحد ( الشرق الاوسط سابقا )


أعتقد انها كلها بنوك اسلاميه غير التمويل

وابتعدي عن التسهيلات

الوطني

برقان

الخليج

وغيرهم كلها ربويه

وبالتوفيق
 
تأييد 0 تصويت سلبي
ت

تفاؤل عظيم

عضو
العبدلي حشى مو هذا القصد.
انا واعيه وأفهم معنى الربا والرشوة. اللي اقصده تخليص معاملات او من هالنوع. لأن في مليون طريقة يقدرون الناس ياخذون فيها قرض بدون كفيل بس الشرط هالواسطة اللي ضيعت الديرة
 
تأييد 0 تصويت سلبي
ا

الفوهرر2013

عضو فعال
اختي مريم كل مشكله ولها حل باذن الرحمن ولو اعرف احد والله اخدمج بلاش مساعدة لله بس مالي بهالبنك بالذات ومعاملة موظفينه زفت واكرهه خلقه

شوفي وانا اخوج شوفي بنوك ثانيه افضل لج واذا توازيتي حولي المعاش ما في مشكله
بالعكس كثير بنوك اسلاميه والراجحي ترى زين

انا راح اسئل بالموضوع وان شاء الله في طرق قانونيه سليمه غير الرشاوي وهالامور
وتوكلي على ربج وكل شي ينحل
وشكرا


 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى