سؤال وجواب هل يمكن الذهاب للعمره بالسياره ؟ ( هل يوجد مواقف في مكه ؟ )

M

MeshoX

عضو
السلام عليكم .

قاعد افكر مع نفسي هالايام أروح عمره بالسياره لحالي .. بس متخوف من شيئين

الأول مكان وقوف السياره ... حيث اني رحت من قبل مكه وماشفت سيارات مدنيه كثير .. الاغلب تكاسي ودوريات وسياكل و قليل سيارات عاديه

وين أسفط ؟

الثاني : مكان الميقات .. أنا سمعت واحد من الشباب يقول عباره عن مسجد وفيه تكرمون دورات مياه كثيره جداً .. أين يوجد هذا الميقات ؟ وهل يجب أن أقف عنده ؟ ( أم يستحب ) ولا بس أحرم وأكمل دربي ؟

وأخيرا ودي أسمع منكم يالي جربتو العمره بالسياره شلون كانت ؟ وماهي الاخطاء الي وقعتو فيها لأتفاداها ؟
 
ترتيب حسب التاريخ ترتيب حسب الأصوات
ع

عبدالله العبدلي2

عضو مميز
أسال الله ان يتقبل منك مقدما. الامر اسهل مما تتصور ياغالي مكه فيها مصافط واجد والان ليس موسم حج او رمضان لكي يمنعون دخول السيارات فعندك الفندق الي راح تسكن فيه ان كان الفندق مثل التوحيد ومركز مكه ووقف الملك عبدالعزيز توقف في مصافط الفندق لانك من نزلاء الفندق واذا كنت تبي تسكن بالعزيزيه ممكن توقف سيارتك عند مقر السكن وتروح بتكسي للحرم قريب مو بعيد وعندك بعد حجز الحجون في مكه وقريب من الحرم تقدر توقف سيارتك الساعه ب ٥ ريال الامر اسهل مماتتصور هذا بخصوص موقف السياره.... بخصوص الاحرام من الميقات حنا اهل الكويت ميقاتنا اسمه السيل الكبير عباره منطقه فيها مسجد وتأجير شقق بالساعه بإمكانك تحرم بالمسجد او بالشقق كلها ميقات من ضمن السيل الكبير وبعد الاغتسال والتطيب تلبس الاحرام وتقول لبيك اللهم بعمره وتمشي بسيارتك الى مكه وتروح لفندقك وترتاح اذا بغيت وتنزل شغلك بالفندق وتنزل للحرم وربي يتقبل منك ولاتنساني بالدعاء
 
تأييد 0 تصويت سلبي
M

MeshoX

عضو
جزاكم الله خير ياخوان

مافدتونا بالنسبه لتجاربكم شلون كانت

وكم المسافه من الكويت الى الميقات - ومن الميقات الى مكه وكم تستغرق من الوقت تقريبا ؟
 
تأييد 0 تصويت سلبي
ع

عبدالله العبدلي2

عضو مميز
المسافه من الكويت الى مكه ١٤٠٠ كيلوا ومن السيل الكبير الميقات الى مكه ١٠٠ كيلوا تقريباً عدد الساعات حسب ممشاك بالسياره افضل انك اذا مشيت من الكويت ترتاح بالدوادمي وبعدها الى السيل الكبير تحرم منه
 
تأييد 0 تصويت سلبي
م

مساعد الشويب

عضو بلاتيني
الامر سهل جدا جدا

ياكثر روحتي للعمره بسياره واخرها قبل اسبوع

اخوي اول شي

من السيل الكبير لي مكه ٧٠ كم

اثناء توقفك بالسيل الكبير تستطيع ان تحجز شقه او حتي قرفه بسعر رخيص جدا لايتعدي ١٠٠ ريال = ٨ دننانير
وتحرم ومن ثم تذهب للميقات وهو قريب جداً تراه بعينك تصلي ركعتين ومن ثم تذهب لمكه
ملاحظه ::
اثناء ذهابك لمكه
لاتدخن ولاتسب ولا تحك راسك ولا شيء الا لضروره
وتردد
لبيك الله هم لبيك لبيك لا شريك لك لبيك ان الحمدا والنعمتا لك والملك لا شريك لك

وعند وصول مكه المكرمه هناك مواقف متعدده الادوار كثيره جدا
تبعد عن الحرم كيلو او ٢ كيلو
وركب تكسي وتوكل ع الله
 
تأييد 0 تصويت سلبي
ص

صالح

عضو مميز
روح بالسياره وريح بالطائف
تسبح وضبط امورك واحرم من الطائف وبوجهك للسيل ومن السيل الى مواقف محبس الجن بمكه ( مجانا )
تكسي بعشره ريال للحرم
وسلامتك
لاتنسانا من الدعاء
 
تأييد 0 تصويت سلبي
م

مقص الرقيب

عضو ذهبي

السلام عليكم ...

وتقبل الله طاعتك مقدما ... السفر بالسياره وللعمره ، متعه ما بعدها متعه ما يعرفها

الا اللي جربها ، اول شيء احرص على الموتر سيرفس لو محتاج سيرفس والتواير

تاكد منها الجو حاار بهذا الوقت والطريق تقريبا 1400 كيلو ..


بما انك لوحدك انصحك اتخلي الطريق على يومين : من الكويت للدوادمي 700 كيلو

ومن الدوادمي لمكه 700 كيلو لانه صراحه صعبه جدا تاخد الطريق سن وحده تحتاج

13 ساعه او اكثر مع الاستراحات ، الا اذا كان اثنين اللي يسوقون فممكن بيوم واحد .


بمكه مشكلة المشاكل مواقف السيارات الافضل تختار فندق فيه موقف للسيارات

مجانا طبعا لان هناك فنادق وخصوصا القريبه جدا اليوم 300 ريال . اما لو السكن

بالعزيزيه فالمواقف متوفره ، الذهاب والاياب للحرم الافضل بتكسي او الباصات .


لا تنسى السجادة الاسنفج تاخذها معاك ، وسيديات اسلاميه او غيرها تستمع لها

بالطريق والا بتلقى نفسك نايم .. لا تنسى تدعي لنا .. وتقبل الله طاعتك .



ادخل الموقع واضغط الحصول على الاتجاهات :

A : الكويت
B : الدوادمي

http://maps.google.com.kw/
 
تأييد 0 تصويت سلبي
ب

بوعبد الله الجهراوي

عضو فعال
الله ينور عليكم إخواني ,,
سبحان الله أنا ناوى على العمرة إن شاء الله فى العشر الاواخر من رمضان ,,,
و مانى عارف وين اسفط السيارة داخل مكة ولقيت هالموضوع بس المعلومة ما وصلتنى كامله ..
الحين لو رحت بسيارتى لحدود مكة عند منطقة منى تقريبا يدخلون سيارتى آنا مقصدى منطقة العزيزية او شارع أجياد لأن ابى احجز فندق بحدى هالمنطقتين يخلونى ادخل بسيارتي لهن او لأ ؟ وسالفة اللى يوصلنى من العبريه شلون مانى فاهمها يركب معاى بسيارتى و إلا يمشى قدامى لأنى ابى فندق بالعزيزية او بشارع اجياد و مو معقوله انقل اغراضى و اغراض اهلى بتكسى لحدى المنطقتين ..؟؟
​
 
تأييد 0 تصويت سلبي
م

مساعد الشويب

عضو بلاتيني
بوعبد الله الجهراوي قال:
الله ينور عليكم إخواني ,,
سبحان الله أنا ناوى على العمرة إن شاء الله فى العشر الاواخر من رمضان ,,,
و مانى عارف وين اسفط السيارة داخل مكة ولقيت هالموضوع بس المعلومة ما وصلتنى كامله ..
الحين لو رحت بسيارتى لحدود مكة عند منطقة منى تقريبا يدخلون سيارتى آنا مقصدى منطقة العزيزية او شارع أجياد لأن ابى احجز فندق بحدى هالمنطقتين يخلونى ادخل بسيارتي لهن او لأ ؟ وسالفة اللى يوصلنى من العبريه شلون مانى فاهمها يركب معاى بسيارتى و إلا يمشى قدامى لأنى ابى فندق بالعزيزية او بشارع اجياد و مو معقوله انقل اغراضى و اغراض اهلى بتكسى لحدى المنطقتين ..؟؟
​
أنقر للتوسيع...


اي بوعبدالله عاااادي بسيارتك ولا حد يكلمك وتصفط عند الفندق الي تبيه
 
تأييد 0 تصويت سلبي
ع

عبدالله العبدلي2

عضو مميز
بوعبد الله الجهراوي قال:
الله ينور عليكم إخواني ,,
سبحان الله أنا ناوى على العمرة إن شاء الله فى العشر الاواخر من رمضان ,,,
و مانى عارف وين اسفط السيارة داخل مكة ولقيت هالموضوع بس المعلومة ما وصلتنى كامله ..
الحين لو رحت بسيارتى لحدود مكة عند منطقة منى تقريبا يدخلون سيارتى آنا مقصدى منطقة العزيزية او شارع أجياد لأن ابى احجز فندق بحدى هالمنطقتين يخلونى ادخل بسيارتي لهن او لأ ؟ وسالفة اللى يوصلنى من العبريه شلون مانى فاهمها يركب معاى بسيارتى و إلا يمشى قدامى لأنى ابى فندق بالعزيزية او بشارع اجياد و مو معقوله انقل اغراضى و اغراض اهلى بتكسى لحدى المنطقتين ..؟؟
​
أنقر للتوسيع...

الله يتقبل منك اخوي بوعبدالله بخصوص ذهابك برمضان للعمره راح يخلونك تصفط (بالشرائع) على اطراف مكه وهي منطقه مشبكه وعليها حراسه راح يجبرونك تصفط فيها وانا افضل انك توقف سيارتك بالمنطقه وتلقى التكاسي متروسه فيها تاخذ اغرضك من جناط وغيره وتسكر السياره وتروح بتكسي للحرم للفندق الي تبيه ينزلك عنده انتهى..! بس فيه ملاحظه مهمه التاكسي الي راح تاخذه من حجز( الشرائع ) يفضل يكون تكسي رسمي عليه علامة وشعار تاكسي لانه ماراح يتهرب من المرور ويدخلك اقطوع ودواعيس خوفاً من المرور هذا صارت لناس واجد بس ان شاء الله مايصير هالشي واذا مالقيت تاكسي رسمي اي سياره بس يوصلك مع اهلك خاص لكم مو معاكم ركاب غيرهم وتشرط ينزلك عند باب الفندق وخل معاك رقم تلفون الفندق لو يضيع التاكسي او مادل ممكن تتصل على الفندق ويوصف لصاحب التاكسي وامورك ان شاء الله طيبه حبيت اوضح لك امور دقيقه ان شاء الله ماتحدث بس احتياط شرحتها لك بالتوفيق.......:)
 
تأييد 0 تصويت سلبي
أ

أمين أفندي

عضو بلاتيني
إخواني بالنسبة للي يسأل عن مواقف في مكة توجد مواقف مجانية ومظللة

وفي مكان عام يمه محلات وأمان إن شاءالله ماتحاتي سيارتك

موقعها في محبس الجن تطلع له من نفق الملك عبدالعزيز اللي تحت الحرم

وأسعار التاكسي من محبس الجن للحرم 10 ريال وباصات النقل الجماعي 2 ريال
 
تأييد 0 تصويت سلبي
ا

العبــدلــي

عضو جديد
كل الطرق تؤدي الى روما
بالنسبه لمن اراد الذهاب لمكه من الكويت
الميقات هو السيل الكبير ( قرن المنازل )
بالنسبه لطريق الذهاب
اذا كان خروجك من منفذ السالمي
فالطريق الاسهل لك ويكون كله طريق سريع
الحفر _ المجمعه _ الرياض _ مكه وتكون المسافه بالضبط من منفذ السالمي 1470 كيلو متر
اما من منفذ النويصيب فـ هناك طريقان
اما عن طريق (ابرق الكبريت - قريه العليا - الرفيعه- شويه - رماح )- الرياض - مكه وتكون المسافه بالضبط من منفذ النويصيب 1480 كيلو متر ... مع ملاحظه ان ما بين الاقواس طريق ذو اتجاهين ( رايح راد ) ولا انصح به في فتره الصيف لكثرة الغبار فيه .
اما الطريق الآخر وعن طريق منفذ النويصيب ايضا
اسهل لك واسرع واطول قليلا
من الكويت للدمام - الرياض - مكه ومسافته من منفذ النويصيب 1600 كيلو متر ( طريق سريع )
وبالنسبه للميقات قبل مكه بـ 75 كيلو متر
لا يشترط الوقوف به لكن يجب ان لا تتعداه الا وانت قد لبست الاحرام
ولا يوجد في الشرع ان تصلي ركعتين به
اذا لبست احرامك قل : لبيك اللهم عمرة او ( حج ) حسب ما انت ذاهب له) الا إن حبسني حابس فـ مَحِلي( بفتح الميم وكسر الحاء ) حيث حبستني .
هذه العباره لكي لا يكون عليك اي شي ( فدي _ اثم او اي شي ) ان حصل لك ظرف ونزعت احرامك قبل ان تكمل عمرتك او حجتك .
من الميقات الى ان تدخل مكه كما ورد عن الرسول عليه السلام قل :
لبيك اللهم لبيك
لبيك لا شريك لك لبيك
ان الحمد والنعمة لك والملك لا شريك لك
ملاحظات مهمه يجب ان تاخذها بعين الاعتبار
البانزين من يوصل النص عبه من جديد بأقرب محطه .
ماي بارد بكل وقت معاك وكميه زايده عن حاجتك ( فتره الصيف )
تجنب السير فتره الظهر أبرد لك ولسيارتك
بالنسبه لمواقف السيارات
ايا كان مكان سكنك وخصوصا اذا كان قريب جدا من الحرم
فـ لا حاجه لك بالسياره ... وقفها في محبس الجن فـ العزيزيه بالقرب من مسجد ابن باز رحمه الله ( مواقف مجانيه مظلله ) ومنها تاخذ تاكسي بـ 10 ريال للحرم .
وفقك الله لما يحب ... وتقبل الله طاعتك

ولا تنسانا من صالح دعائك
​
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى