وقفوا معاشات ثلاث ابناء عندي معاقين اعاقات شديده، راجعت الهيئة الدور الرابع وشفت المراجعين طابور والمكان ما تقدر تقعد من كثرهم، للعلم انا مجدد اوراق الاطفال من شهر يناير 2012 ونطرنا فتره طويله لغاية ماصرفوا المعاشات من قبل جم شهر وعلشان لا اظلم الهيئة اصرفوا بأثر رجعي كثر الله خيرهم الواحد ما يعرف شلون يشكرهم...
بعد ما راجعت الهيئة اكتشفت انهم يبون تجديد ملف الاطفال مره ثانية والاوراق المطلوبه هي الآتي:
1) صورة شهادة اثبات الاعاقة (مع ان شهادة الاعاقة صدرت من عندهم يبون صورة عنها... )
2) نموذج طلب تحويل راتب باسم المعاق (يعني اجيب طلب تحويل راتب من نفس البنك الى معاشهم ينزل عليه والي اهم ينزلون معاشه فيه وعارفينه)
3) اعلام رسمي استمرارية زواج من العدل (اعتقد يخافون اني طلقت مرتي واستوليت على معاش الاطفال وزوجتي مهددها انها ما تبلغ الهيئة علشان العب على كيفي بالمعاش...يا اخي اذا احد الوالدين اشتكى وقفو معاش الطفل لغاية ما تستلمون حكم حضانة من المحكمة ما يبيلها شى بدال لا تقطعون معاشات كل الاطفال بالكويت)
4) شهادة إيواء من الرعاية الاجتماعية تفيد بأن المعاق ليس نزيل لديهم (يخافون اني متخلص من اعيالي في دور الرعاية واستلم المعاش العب فيه... ليش ما يطلبون من دور الرعاية بشكل سنوي اسماء الاطفال الي عندهم ويطابقونها مع البيانات عندهم أو ليش دور الرعاية ما تطلب من الي يسلم ابنه شهادة لا مانع من الهيئة العامة للمعاقين ويصير تنسيق بين الجهتين بدال لا يقطعون معاشاتهم)
واضح من العقلية الادارية الي تدير الهيئة ان التجديد سيتم بشكل سنوي الله المستعان
بغض النظر عن الاوراق المطلوبه وبغض النظر عن المعاشات الي اكتشفنا انها واقفه من شهرين بدون ما يتم اخطارنا وبغض النظر عن المعاش الي ما راح ينزل بشكل مباشر اذا سلمتهم كل الطلبات لازم يصير تأخير مثل ما تعودنا مو اقل من جم شهر، والمشكلة لما تبي تسلم الاوراق ما تلقى موقف سياره وتضطر تصفط سيارتك بعيد وتصعد الدور الرابع بالسلم لان المصعد ما يكفي من كثر المراجعين والمنظر هناك استنفار وتنطر دورك مو اقل من ثلاث ساعات علشان تسلم الاوراق عند الموظف اذ قدرت تحصل على دور وباب المراجعين ممكن يسكرونه اذا كان العدد كبير قبل نهاية الوقت المحدد لاستقبال المراجعين من الساعة 8 والى الساعة 12 وتضطر تراجع يوم ثاني جنه ما عندك دوام، ناهيك عن الاسلوب الراقى في تعامل الموظفين مع المراجعين
هل المستندات الاربع تستاهل توقف معاشات كل الطفال المعاقين في الكويت علشانها،،،
والله ما اتمنى احد من المسئولين يشوف هالكلام لأن ما اعتقد في احد راح يتصرف، فوضت امري لله
http://alwatan.kuwait.tt/articledetails.aspx?Id=287296&YearQuarter=20133&txtSearch=التمار
بعد ما راجعت الهيئة اكتشفت انهم يبون تجديد ملف الاطفال مره ثانية والاوراق المطلوبه هي الآتي:
1) صورة شهادة اثبات الاعاقة (مع ان شهادة الاعاقة صدرت من عندهم يبون صورة عنها... )
2) نموذج طلب تحويل راتب باسم المعاق (يعني اجيب طلب تحويل راتب من نفس البنك الى معاشهم ينزل عليه والي اهم ينزلون معاشه فيه وعارفينه)
3) اعلام رسمي استمرارية زواج من العدل (اعتقد يخافون اني طلقت مرتي واستوليت على معاش الاطفال وزوجتي مهددها انها ما تبلغ الهيئة علشان العب على كيفي بالمعاش...يا اخي اذا احد الوالدين اشتكى وقفو معاش الطفل لغاية ما تستلمون حكم حضانة من المحكمة ما يبيلها شى بدال لا تقطعون معاشات كل الاطفال بالكويت)
4) شهادة إيواء من الرعاية الاجتماعية تفيد بأن المعاق ليس نزيل لديهم (يخافون اني متخلص من اعيالي في دور الرعاية واستلم المعاش العب فيه... ليش ما يطلبون من دور الرعاية بشكل سنوي اسماء الاطفال الي عندهم ويطابقونها مع البيانات عندهم أو ليش دور الرعاية ما تطلب من الي يسلم ابنه شهادة لا مانع من الهيئة العامة للمعاقين ويصير تنسيق بين الجهتين بدال لا يقطعون معاشاتهم)
واضح من العقلية الادارية الي تدير الهيئة ان التجديد سيتم بشكل سنوي الله المستعان
بغض النظر عن الاوراق المطلوبه وبغض النظر عن المعاشات الي اكتشفنا انها واقفه من شهرين بدون ما يتم اخطارنا وبغض النظر عن المعاش الي ما راح ينزل بشكل مباشر اذا سلمتهم كل الطلبات لازم يصير تأخير مثل ما تعودنا مو اقل من جم شهر، والمشكلة لما تبي تسلم الاوراق ما تلقى موقف سياره وتضطر تصفط سيارتك بعيد وتصعد الدور الرابع بالسلم لان المصعد ما يكفي من كثر المراجعين والمنظر هناك استنفار وتنطر دورك مو اقل من ثلاث ساعات علشان تسلم الاوراق عند الموظف اذ قدرت تحصل على دور وباب المراجعين ممكن يسكرونه اذا كان العدد كبير قبل نهاية الوقت المحدد لاستقبال المراجعين من الساعة 8 والى الساعة 12 وتضطر تراجع يوم ثاني جنه ما عندك دوام، ناهيك عن الاسلوب الراقى في تعامل الموظفين مع المراجعين
هل المستندات الاربع تستاهل توقف معاشات كل الطفال المعاقين في الكويت علشانها،،،
والله ما اتمنى احد من المسئولين يشوف هالكلام لأن ما اعتقد في احد راح يتصرف، فوضت امري لله
http://alwatan.kuwait.tt/articledetails.aspx?Id=287296&YearQuarter=20133&txtSearch=التمار