سؤال وجواب ما خاب من استشار !!

[GREEB]

السلام عليكم ورحمة الله وبركاته ..​

اولا: انا عضو جديد ومن زمان كنت ناوي اسجل بالمنتدى​

لانه بصراحه سمعته حلوة بالاضافة للناس الطيبة اللي تمضية الوقت معهم كنز​

>>بلـــش نفاق ​

..​

المهم مالكم بالطويلة ​

انا سلمكم الله خريج ثانوية عامة هالسنة القسم الادبي ​

ونسبتي 85% اللهم لك الحمد ..​

ومحتار وين اروح .. ​

طبعا قدمت عالبعثات وحطيت اول تخصص ادارة مخاطر ​

يمدحونة حيل ويقولون له مستقبل ​

واذا قبلوني فيه رحت وذا تخصص ثاني ما ظنتي ​

وقدمت على التطبيقي (مفتش جمركي ) ​

وناطر النفط يفتحون ​

وما ادري هل اكمل دراستي ​

ولا اخذ دبلوم واتوظف بالجمارك ​

ولا اتوظف على شهادتي الثانوية​

..وجني سمعت ان عمر الشهادة الافتراضي
سنتين وعقبها انقعها واشرب مايها !!​

وموسوس وكل ما شاورت زادت حيرتي

​

المستقبل الوظيفي مسببلي هاجس مؤرق !!​

وبن برد يقول :​

اذا بلغ الراي المشورة فاستعن بحزم نصيح او نصح حازم​

_____
واذا عندكم نصيحة او توجيه لا تقصرون وياي وشكرا لكم ​

 

[حوللي]

وعليكم السلام أهلاً وسهلاً، نصيحتي لك لا توقف على شهادة الثانوية العامة كمل دراستك سواءاً في بعثه خارجيه أو بالجامعه والتطبيقي لأن الحين الفرصه موجوده والعمر صغير وماعندك إرتباطات ولا مسؤوليات.

وخلك على المسار اللي وراه شهادة جامعية أفضل من الدبلوم سواءاً بالكويت أو خارجها

لا تستعجل وتروح تتوظف بشهادة الثانوية العامة أنتبه ترى زملائك اللي درسوا معاك بعد كم سنه يصيرون أعلى منك بالدرجه العلميه وتتندم وقت ما ينفع الندم

وخل أولوياتك بالترتيب :

1- شهادة جامعية من خلال بعثه
2- شهادة جامعية بالدراسه بالكويت
3- دبلوم
4- وظيفة على الثانوية العامة في النفط
5- وظيفة على الثانوية العامة في أي قطاع

 

[GREEB]

وعليكم السلام أهلاً وسهلاً، نصيحتي لك لا توقف على شهادة الثانوية العامة كمل دراستك سواءاً في بعثه خارجيه أو بالجامعه والتطبيقي لأن الحين الفرصه موجوده والعمر صغير وماعندك إرتباطات ولا مسؤوليات.

وخلك على المسار اللي وراه شهادة جامعية أفضل من الدبلوم سواءاً بالكويت أو خارجها

لا تستعجل وتروح تتوظف بشهادة الثانوية العامة أنتبه ترى زملائك اللي درسوا معاك بعد كم سنه يصيرون أعلى منك بالدرجه العلميه وتتندم وقت ما ينفع الندم

وخل أولوياتك بالترتيب :

1- شهادة جامعية من خلال بعثه
2- شهادة جامعية بالدراسه بالكويت
3- دبلوم
4- وظيفة على الثانوية العامة في النفط
5- وظيفة على الثانوية العامة في أي قطاع

الفففف شكر اخوي حوللي على الاهتمام والنصيحة

بس النفط انا حاطه اول اولوية لاني اذا بتوظف على

شهادتي الجامعية بعد 4 سنين الراتب 950 والدوام غالبا يكون تعب

هالسببين يخوفوني من الجامعة والبعض يقول الشهادة الجامعية مجرد ديكور

والنفط افضل بـ100 مرة !!

وانا الحين على مفتـــــــرق طرق والله يستر

واكرر شكري لك مرة ثانية​

 

[مواطن طبيعي]

روح تربيه اساسيه

وتتوطف مدرس

معاش المدرسين عقب الكادر يقولون مثل معاشات النفط

 

[AlBadel]

كمل دراستك

 

[Blue_Bubbles]

ما شاء الله وتبارك الرحمن.. 85% وتحاتي مستقبلك
هل بلد وين رايح الي زرع هل يأس في شبابنا وحتى المتفوق منهم
نصيحة أخ لا تعرفه.. إتعب على نفسك بالتعليم
سافر.. ادرس.. تعلم.. وفكر بعدين بالوظيفة​

أخوك مهندس وعنده ماجستير والسنة الجاية أكمل الـ 40 سنة وللحين متحسف إني تأخرت بالدكتوراه بسبة مشاغل البيت والعيال والمسؤوليات اللي ما تنتهي وكل سنة تطوف علي أحس إن يصعب علي فيها الوصول للهدف​

فدامك شباب خلص اللي عليك وارتقي بدرجات التعليم العالي وربك يفرجها بعدين​

بالتوفيق​

 

[قانوني جامعه الكويت]

greeb

نسبتك 85% بس ادبي مو عــلمي ( حط على كلمه الادبي مليون خط تحتها )

اذا على قولتك النفط بقولك فيها شغلتين

اولهم شنو المجالات الي يبون ( اددددددددبي ) في النفط ك شهاده الثانويه العامه ؟

مطافي؟ علمي - مشغل حقل ؟ علمي - شنو بقى سكيورتي؟؟؟ يمكن يبون ادبي

اذا تبي السكيورتي حط ببالك هالشي - دوام شفتات يومين عصر صبح ليل اوف

بمعنى انه كراااف ,, هذا اولا + ان تذكر الوظيفه بالنفط بالتدرج الوظيفي عباره عن سلم ]سمونهم ( قريدات ) يعني يوظفونك على اي قريد وعلى اي قريد راح تتعلق

السكيورتي ( التخصص الوحيد الي مبطل لخريجي الثانويه العامه - ادبي ) واللي طبعا وايد بيتقدمون لها غيرك ( من ربعك الادبي او العلمي ) ويبون من عمر 18 الى عمر 28 ,, بمعنى ان حتى الي تخرجوا قبل سنتين ثلاث راح يقدمون وياك ف زهب واسطتك اولا لدخولها )

وبعد دخولها تذكر ,, الراتب بحدود ال1200 كبدايه ويبلش قريد 7 وتوقف على قريد 10 بمعنى ان الراتب راح يكون 1500؟ ولا 1700 بالكثير ( نفس راتب لو صرت مدرس وعندك دكتوراه او محقق بالداخليه ) الفرق بالاول مكانه اجتماعيه مو قويه والثانيه لك قيمتك بالمجالس - حكم بعقلك ,و الاول ما يبيلها دراسه بس يبيلها واسطه ,, اما دكتوراه كمدرس بالتربيه او محقق بالداخليه يبيلهم كليه التربيه او الحقوق ويبيلهم دراسه ومجابل + واسطه

هذا السكيورتي

طبعا نرجع لطرق التعليم والدراسه ك ( ادبي ) ,, اذا عندك واسطه تدخلك النفط ,, ف زهبها بعد دراستك للحقوق مثلا بعد التحويل من كليه الى كليه بجامعه الكويت ( التحقيقات + النيابه = سمعه هيبه + راتب قوي )

ثانيا ( كادر المعلمين والتدريس ) تصيير مدرس ( بتخصص نادر مثل العربي او الانجليزي يزيدون 200 دينار على راتب ال 950 فيصير 1150دينار حصتين باليوم وترد البيت وتنام + الماستر والدكتوراه 400 دينار وراتبك مع التخصص النادر وعندك دكتوراه مدرس بمدرسه قريب من بيتكم 1500 ب8سنين من الحين يعني 4 كليه التربيه + سنتين ماستر + سنتين دكتوراه من عمرك 18 الى عمرك 26 بالكثير 28 سنه ولا تنسا مكانتك الاجتماعيه بشهادتك الجامعيه والماستر والدكتوراه وقتها الى جانب الراتب

هالخيارين اشوفهم الابرز ل نسبتك

النصحيه : اذا مستعجل عالزواج وتكوين العائله ,, روح السكيورتي ,, اذا مو مستعجل روح ادرس وكمل تعليمك ,, واذا تفكيرك الفلوس صدقني تتعب وماراح توصل مكان وماراح يعجبك اي شي ,, اهم شي عند الانسان الرضى بللي الله قاسمه له والقناعه كنز لا يفنى

 

[قبس]

ادارة مخاطر تخصص مطلوب واوربا تشتغل فيه لهم اكثر من عشرين سنة والخليج توهم يعرفونه
اذا حصلته على شهادتك الادبية اخذه وتقضب فيه والبترول يطلب هالتخصص

ومن الاخير حتى قطر والامارات يبونك

 

[GREEB]

ما شاء الله وتبارك الرحمن.. 85% وتحاتي مستقبلك

هل بلد وين رايح الي زرع هل يأس في شبابنا وحتى المتفوق منهم
نصيحة أخ لا تعرفه.. إتعب على نفسك بالتعليم
سافر.. ادرس.. تعلم.. وفكر بعدين بالوظيفة​

أخوك مهندس وعنده ماجستير والسنة الجاية أكمل الـ 40 سنة وللحين متحسف إني تأخرت بالدكتوراه بسبة مشاغل البيت والعيال والمسؤوليات اللي ما تنتهي وكل سنة تطوف علي أحس إن يصعب علي فيها الوصول للهدف​

فدامك شباب خلص اللي عليك وارتقي بدرجات التعليم العالي وربك يفرجها بعدين​

بالتوفيق​

الله يطول بعمرك وينولك مرادك ما قصرت

بالنسبة للي علي .. ادور لي تخصص مضبوط واكمل فيه
بس المصيبة كل ما سألت قالوا لي ابعد عن التخصصات اللي مكتفين منها وهذا شكل لي اكبر عائق ..علما انهم قبلوني بتخصص اعلام بأمريكا وهم قالوا لي ما راح تسويلك شي الشهادة
(مجرد ديكور)

>>بيقط نفسه من السطح ​

 

[GREEB]

greeb



طبعا نرجع لطرق التعليم والدراسه ك ( ادبي ) ,, اذا عندك واسطه تدخلك النفط ,, ف زهبها بعد دراستك للحقوق مثلا بعد التحويل من كليه الى كليه بجامعه الكويت ( التحقيقات + النيابه = سمعه هيبه + راتب قوي )

ثانيا ( كادر المعلمين والتدريس ) تصيير مدرس ( بتخصص نادر مثل العربي او الانجليزي يزيدون 200 دينار على راتب ال 950 فيصير 1150دينار حصتين باليوم وترد البيت وتنام + الماستر والدكتوراه 400 دينار وراتبك مع التخصص النادر وعندك دكتوراه مدرس بمدرسه قريب من بيتكم 1500 ب8سنين من الحين يعني 4 كليه التربيه + سنتين ماستر + سنتين دكتوراه من عمرك 18 الى عمرك 26 بالكثير 28 سنه ولا تنسا مكانتك الاجتماعيه بشهادتك الجامعيه والماستر والدكتوراه وقتها الى جانب الراتب

هالخيارين اشوفهم الابرز ل نسبتك

النصحيه : اذا مستعجل عالزواج وتكوين العائله ,, روح السكيورتي ,, اذا مو مستعجل روح ادرس وكمل تعليمك ,, واذا تفكيرك الفلوس صدقني تتعب وماراح توصل مكان وماراح يعجبك اي شي ,, اهم شي عند الانسان الرضى بللي الله قاسمه له والقناعه كنز لا يفنى

اول شي يعطيك العافية على تفصيلك الممتع ونصيحتك لي
والكويت يبيلك واسطة بكل شي

وما ودي ادخل شي واتحسف عليه
طووول عمري لكن ربك ييسرها​

 

[قانوني جامعه الكويت]

GREEB

اذا تدخل تخصص عشان الفلوس ( راح تتعب من التخصص بالدوام وما راح تكمل فيه او راح تعيش 30 سنه بحياتك مقهور من التخصص ( او الوظيفه سكيورتي : حارس امن ) لانك اساسا ما تحبه بس عشان فلوسه وهالشي اشوفه غلط ترليون مره )

الانسان ش بقى من عمرك ؟؟؟ عندك وقت للكره ,, تبي تعيش بشي تكرهه عشان فلوس وظيفه ( مثل السكيورتي او غيره من الوظايف ,, و ويمر العمر وتقول ياليت لو كنت دارس ومكمل وماخذ مجال اعلى و و )) ,,
ولا تبي تعيش بتخصص تحبه ( وانت مقتنع فيه وبدراسته ) وودك تطور فيه للدكتوراه ؟؟ الاختيار لك ,, لان هذي حياتك

حب التخصص قبل ما تدخل المجال ولا تطالع الفلوس لان الارزاق بيد الله ( الي دخل التربيه وتخرجو معلمين هل كانو يدرون ان كادرهم راح يتعدل وان راح يكون له كادر زين قبل 2012؟ ماكانو يدرون بس دخلوه لانهم يحبون التخصص و ربك رزقهم )

تدري اني علمي ونسبتي 89% بالثانويه العامه النظام القديم ( تخرجت مع دفعه 2008 ) .. دخلت الحقوق مع ان نسبتي تدخلني الهندسه بجامعه الكويت ,, ليش؟ مينون ؟ و و ,, ما علي من الناس ,, علي من نفسي وعلي من شنو احب وشنو ابي ادرس واتعلم وازيد بعلمي فيه مستقبلا ,, والحمدلله حاليا اكمل ماجستير ,,

شوف بما انك 85% ادبي ,,, مستواك نوعا ما زين

ف اذا تبي شي مضمون ,, ادخل التربيه ,, مدرس ولك كادر زين ودوام قريب من بيتكم وانصحك تدخل تخصص نادر مثل انجليزي او عربي عشان يزيدون لك 200 ( ثابتا ) مع ال 400 ( ماستر + دكتوراه ) هذي 600 غير ال 900 راتبك يصيرون 1500 مع الزوجيه والاولاد مستقبلا توصل 2000 ودوامك عند بيتكم

هذي نصيحتي , شي مضمون وبدون واسطه ,, ( الا اذا التربيه * ما تحبها او مو ميولك * هني شي ثاني ,, AGAin حب التخصص اهم مليون مره من حب الفلوس لانه سعاده ,, و عمر الفلوس ما كانت سعاده ,, كانت وسيله للسعاده , و ليست السعاده نفسها ,, وفي معنى شاسع بين الاثنين للي يعرف مغزى هالكلام عدل )

وفقني الله اياني و اياكم بما يحبه و يرضاه

 

[GREEB]

GREEB

حب التخصص اهم مليون مره من حب الفلوس لانه سعاده ,, و عمر الفلوس ما كانت سعاده ,, كانت وسيله للسعاده , و ليست السعاده نفسها ,, وفي معنى شاسع بين الاثنين للي يعرف مغزى هالكلام عدل )

وفقني الله اياني و اياكم بما يحبه و يرضاه

الله يوفقك ويجزاك خير على النصيحة ​

بس ما اظن ان موظف راتبه 1700 د.ك وحزين ​

الراتب عامل اساسي بتوفير حياة كريمة لك ​

ويعينك حتى اذا بغيت تكمل دراستك برة >>قام يلف ويدور ​

لكن خلنا نكون واقعيين مو عيب ان الواحد يدور على الحياة الكريمة ​

فمن الصحابة عبدالرحمن بن عوف وعثمان بن عفان ​

كانوا من اغنياء المدينة واشتغلوا بالتجارة

والتاريخ الاسلامي حافل جداً بالنسبة لهالموضوع ..

​

وياما ناس ماتت قهر انها كملت دراستها وصفت على 900 د.ك​

وصارت الشهادة بالنسبة لها ديكور فقط لا اكثر !!​

والحمدلله على كل حال اكيد والرزق من الله سبحانة ​

لكن الانسان يدور على الافضل واذا كان قصدك حب التخصص ​

من اطار العلم في الحياة ..فمجاله جدا واسع فلا تحصره بأروقة الجامعات !!​

اتمنى اني اكون وضحت لك وجهة نظري بهالموضوع ​

وتحياتي لك مجدداً وتشكررات :وردة::وردة:​

 

[KUWAIT_VOICE]

اخوي بالنسبه لجزئيه انتهاء صلاحيه الشهاده بعد سنيتن هذا كلام خاطيء

الصحيح موضوع صلاحيه الشهاده موجود فقط في بعض الجامعات بالعالم ينعدون على الاصابع منها جامعه الكويت وهي 5 سنين

اما باقي الجامعات الامر عادي صلاحيه الشهاده مفتوحه

اعطيك مثال انا شهادتي سنه 2001 دبلوم وقدمت سنه 2012 بجامعه حكوميه بالاردن ومشت الامور عاااااادي

وهناك من تقدم لنفس الجامعه الاردنيه وشهادته الدبلوم 1996 وقدم سنه 2012 يعني تقريبا 15مر عليها سنه

روح تربيه اساسيه

وتتوطف مدرس

معاش المدرسين عقب الكادر يقولون مثل معاشات النفط

يمكن ماعندك خبر ان معاش المهندس بالنفط وصل الى 3000 - 3500 د.ك

والفني 2500 -2100 د.ك

المدرس 1500 - 1800 د.ك

 

[تشالنجر]

اخوي بالنسبه لجزئيه انتهاء صلاحيه الشهاده بعد سنيتن هذا كلام خاطيء

الصحيح موضوع صلاحيه الشهاده موجود فقط في بعض الجامعات بالعالم ينعدون على الاصابع منها جامعه الكويت وهي 5 سنين

اما باقي الجامعات الامر عادي صلاحيه الشهاده مفتوحه

اعطيك مثال انا شهادتي سنه 2001 دبلوم وقدمت سنه 2012 بجامعه حكوميه بالاردن ومشت الامور عاااااادي

وهناك من تقدم لنفس الجامعه الاردنيه وشهادته الدبلوم 1996 وقدم سنه 2012 يعني تقريبا 15مر عليها سنه






يمكن ماعندك خبر ان معاش المهندس بالنفط وصل الى 3000 - 3500 د.ك

والفني 2500 -2100 د.ك

المدرس 1500 - 1800 د.ك

جان زين المدرس 1500

المدرس بعد الكادر 950 دينار فقط

كان 1070 وديوان الخدمة لعب بالمسميات ورجعه 950 يعني الزياده بعد الكادر 100 دينار فقط

 

[ملك القراصنة]

انا حاشتني نفس حيرتك قبل سنه بين البعثة والنفط انا وواحد من الربع انا رحت بعثه وماشي الحمدالله وهو للحين ينطر النفط متى يفتح من السنه الي طافت فنصيحه لا تضيع وقتك على شي ما يسوى وخل عندك طموح​

 

[قانوني جامعه الكويت]

تشالنجر

المدرس يبدي 950 صح بس اذا تخصص نادر زيده 200 يصير 1120 ( مع قصه التامينات )

المدرس اذا ماكان تخصص نادر ( ماله داعي ) فالاحسن الي بيروح التدريس يروح يسأل عن التخصصات النادره ( الرياضيات - الفيزيا - العربي - الانجليزي - الحاسوب ) هالتخصصات مرغوبه

ولا تنسا الماستر للمعلمين صار 200 ( اي ماستر تربوي بطيخي : ماستر اداره تربويه - ماستر قياده تربويه : هالماسترات االبوطقه ,و لا تروح ماسترات تخصصك يعني ماستر فيزيا او حاسوب ما انصحك , روح لماستر سهل وتاخذه بسرعه ) ترى مو شويه مقارنه مع ماجستير القانون والهندسه اللي للحين 75 دينار بينما المعلمين صارو يزيدك هم 200 وتوصل 1300 عندك ماستر ومدرس واكيد يطير ب تدرج المسميات الوظيفيه للمدرسين ( لان الماستر يعتبر سنتين خدمه ) يعني لما تشتغل مدرس وعلى طول تطير تدرس ماجستير وتاخذها بعد مرور سنتين فقط من دوامك ودراستك للماجستير ورفعها بالتربيه ,, راتبك يكون بين 1300 الى 1500 الصافي

طبعا الماستر راح يخليك تصير اسرع بدرج المسميات الوظيفيه للمعلم مثلا تبدي معلم هاء ومع الماجستير مع مرور سنتين دوام تصير ج بسرعه وهالشي يزيد 100 دينار

اذا بتصير مدرس حط ببالك شغلتين ( 1- تخصص نادر عشان 200 دينار زياده عالراتب + ماجستير ( لانه يسوى تدرسها قيمتها 200 مو مثلنا بس 75 دينار : في توجه بيخلون كل التخصصات الماستر 200 زيادتهم )) مدتها سنتين او سنه ونص في اي تخصص تربوي بطيخي مو صعب هم يزيدك 200 دينار ) هال 400 مو شويه مع ال950 لك الحسبه

لو انك علمي ,, كان قلتلك روح ادرس هندسه لان الهندسه الحين ب اي مكان حكومي ( الصافي العزوبي(مع الكادر الجديد ) مع البدلات( ركز مع البدلات هي الي خلت راتبهم قوي لان جاز الجمع بينها + زادوا في بدلاتهم ) صار 1385 ) ومع الزوجيه يكون ( 1450 دينار )
اما ادبي ف انصحك ب التدريس ( تخصص نادر"عربي-انجليزي" للذكور + ماجستير ) يعني دراسه المجمل 6 سنوات عشان راتبك يكون مثل المهندس الي ماعنده ماجستير ( تحمل لانك ادبي وهذا اشوفه اقوى شي بدون واسطه وبراتب زين )

 

[سبع]

نصيحه. لك مثل اخوي

اذا قبلوك بعثه. روح امريكا ومن بعده تجيك بريطانيا
لاتضيع وقتك تنطر النفط يمكن مايقبلونك والعالم واسطات
والتطبيقي. سنتين والاخير سكورتي. ماتسوي صدقني
والعمل والوظائف موجوده لا تستعجل كل واحد بياخذ رزقه

النصيحه اذا حصلت. البعثه لاتفرط فيها شهاده ولغه وتعلم وتجربه للحياه وصقل للانسان
وبالاخر شهادتك تنفعك في مستقبلك
بعمر صغير تقدر تكمل وتشق طريقك للتعلم والحياه
بتقعد تتوظف بالثانويه. بتتعب. لا راتب زين ولا درجه زينه ولا مكان زين

لي اخ مثل سالفتك قبل سنه ونصف. جاه قبول بالتطبيقي تخصص مكتبات وجته بعثه امريكا.
نصحته مثلك الحين تردد وفكر وتردد قلتله انت وقف قيدك وروح جرب شوف ٦ شهور اذا ماعجبك رد قيدك وكمل هني تشجع وراح.
مثلك ادبي يدرس لغه انجليزيه وطرق تدريس.
الحين الله يوفقه صارله سنه ونصف.
اقوله ها تبي التطبيقي يقولي لا الا ياخوي. جزاك الله خير علي توجيهي
مستحيل. اكمل هناك ابرك من هني ماكو مقارنه

الحياه كفاح وصبر تستطيع مواصله التعليم
قبل الوظيفه والزواج وبعده الاطفال وتصبح مسؤل
فتصعب عليك الدراسه
الابتعاث اذا قبلوك مره وفرطت فيه. مراح تحصله مره ثانيه
لانه سيقدم للمتخرجين الجدد وشهادتك تصير قديمه
وكل سنه الناس تزيد
علي فكره السنه هذي قابلين ٥٠٠٠ مبتعث للدراسه بالخارج عسي اسمك معهم بس
وبالتوفيق. لك في حياتك
ارجوا اني قدمت لك مايفيدك
بالتوفيق

 

[ابعتذر]

كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك

​

 

[GREEB]

نصيحه. لك مثل اخوي

اذا قبلوك بعثه. روح امريكا ومن بعده تجيك بريطانيا
لاتضيع وقتك تنطر النفط يمكن مايقبلونك والعالم واسطات
والتطبيقي. سنتين والاخير سكورتي. ماتسوي صدقني
والعمل والوظائف موجوده لا تستعجل كل واحد بياخذ رزقه

النصيحه اذا حصلت. البعثه لاتفرط فيها شهاده ولغه وتعلم وتجربه للحياه وصقل للانسان
وبالاخر شهادتك تنفعك في مستقبلك
بعمر صغير تقدر تكمل وتشق طريقك للتعلم والحياه
بتقعد تتوظف بالثانويه. بتتعب. لا راتب زين ولا درجه زينه ولا مكان زين

لي اخ مثل سالفتك قبل سنه ونصف. جاه قبول بالتطبيقي تخصص مكتبات وجته بعثه امريكا.
نصحته مثلك الحين تردد وفكر وتردد قلتله انت وقف قيدك وروح جرب شوف ٦ شهور اذا ماعجبك رد قيدك وكمل هني تشجع وراح.
مثلك ادبي يدرس لغه انجليزيه وطرق تدريس.
الحين الله يوفقه صارله سنه ونصف.
اقوله ها تبي التطبيقي يقولي لا الا ياخوي. جزاك الله خير علي توجيهي
مستحيل. اكمل هناك ابرك من هني ماكو مقارنه

الحياه كفاح وصبر تستطيع مواصله التعليم
قبل الوظيفه والزواج وبعده الاطفال وتصبح مسؤل
فتصعب عليك الدراسه
الابتعاث اذا قبلوك مره وفرطت فيه. مراح تحصله مره ثانيه
لانه سيقدم للمتخرجين الجدد وشهادتك تصير قديمه
وكل سنه الناس تزيد
علي فكره السنه هذي قابلين ٥٠٠٠ مبتعث للدراسه بالخارج عسي اسمك معهم بس
وبالتوفيق. لك في حياتك
ارجوا اني قدمت لك مايفيدك
بالتوفيق

الله يجزاك خير ويعلم الله اني بعد قراءتي لمشاركتك شعرت وكأني اخوي
و ابشرك نزل قبولي بأمريكا وقاعد اعابل باوراقي فهالبعثة
وباذن الله اني معزم على الدراسة فيها

(مالم يستجد جديد في النفط )



و تحياتي لك ولكل الاخوة الاعضاء اللي شاركوا فالموضوع


:وردة::وردة::وردة:

​

 

[GREEB]

كمل دراستك​

كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك
كمل دراستك​

انت زدتني خوف اكثر

الله يكتب اللي فيه الخير ويعطيك الف عافية:وردة:​