احذروا من التجسس على هواتفكم النقالة

[ابوصالح]

السلام عليكم ورحمة الله وبركاتة

اهلين بالازواج والزملاء

جايبلكم اليوم تحذير رسمي من التجسس وابيكم تشوفون بعينكم

تدرون كثرت بالاونه الاخيرة الزواج من المرآه الثانيه وبعض الناس مايحبون ان تدري عنهم زوجاتهم الاولى

اخترعوا الحريم الزحازيح اجهزة تصنت وتجسس على الايفون والجلاكسي والواتساب

لذلك احذروا يامعشر الرجال من التجسس

طبعا وشيء بديهي ان نحذر من يتجسس على اي شخص باي وسيله ونقول له انها حرام وسوف يصبون باذنك الرصاص يوم القيامه والعياذ بالله الا التجسس على العدو بالحروب





http://www.youtube.com/watch?v=JahUvbFqnOY&lc=tPOQGxDD7lGNDT5lFCwLwV62yLPKxUN94ejrTgdwqKc

 

[أمين أفندي]

الله يستر يابوصالح ترى النوكيا زين

حريم هالوقت يخرعون
من 50 مليون جهاز إحجز 500ألف لحريمنا مع أول معاش للتربية شارينهم

 

[أمين أفندي]

ابوصالح بقولك سالفة واحد دز أهله يخطبون له
بعد ماردوا سأل خواته ها شلون البنت
قالت وحدة: ماشاءالله ساعة كاملة وإحنا نسولف وإهي مابطلت حلجها ولا كلمة

ضحك الشاب اللطيف وإبتسم وقال هذي أم إعيالي بالمستقبل خلاص حبيتها

قالت إخته الثانية: تدري ليش ماتكلمت أم إعيالك لأنها مشغولة بالجالاكسي
ولا تدري عنا

تغير شكل الولد بعد الإبتسامة قال:
بتزوجها وآخذ الجالاكسي وأعطيها النوكيا اللي بدرج السيارة

 

[أمين أفندي]

:باكي:

للعلم ابوصالح ترى مو كل الحريم يتجسسون أو ينشغلون بالموبايل

بالعكس آنا أشوف إن الغالبية العظمى مهتمين بأمورهم العائلية

والحمدلله على كل حال

 

[AlBadel]

أصلا هالكائن المتواجد علي جغرافية الرجل بقوة وبلا منازع لا أوله بسم الله ولا أخره الحمدلله
لكن للجيره بعض الهفوات ................................؟؟

 

[أم فواز]

يا دافع البلا !

اذا الصوت يتسجل مابقى الا الصورة بعد !

لا حول ولا قوة الا بالله ..

عشان جذي يا معشر الرجال .. اذا تبون تسوون شئ

مثل هذا .. صارحوا زوجاتكم .. يعني انا عندي يزعلون عليكم

جم يوم ولا أنكم تتحرولون طول عمركم



بو صالح يعطيك العافيه
​

 

[أم فواز]

ابوصالح بقولك سالفة واحد دز أهله يخطبون له
بعد ماردوا سأل خواته ها شلون البنت
قالت وحدة: ماشاءالله ساعة كاملة وإحنا نسولف وإهي مابطلت حلجها ولا كلمة

ضحك الشاب اللطيف وإبتسم وقال هذي أم إعيالي بالمستقبل خلاص حبيتها

قالت إخته الثانية: تدري ليش ماتكلمت أم إعيالك لأنها مشغولة بالجالاكسي
ولا تدري عنا

تغير شكل الولد بعد الإبتسامة قال:
بتزوجها وآخذ الجالاكسي وأعطيها النوكيا اللي بدرج السيارة

انا ابي اعرف ليش بعد كاشخة ونازلة للضيوف !؟

الشرهة مو عليها .. على أمها اللي ساكته على هالوضع .

الله يحب رفيجك يالماستر فلاي والا جان تدبس خوش تدبيسة

ماقول غير الله يصلح الحال ​

 

[أم فواز]

أصلا هالكائن المتواجد علي جغرافية الرجل بقوة وبلا منازع لا أوله بسم الله ولا أخره الحمدلله
لكن للجيره بعض الهفوات ................................؟؟

هههههههههههههههه

على عيني وراسي هالكلام يا خوي البديل
بس شوي خف علينا .. ترى والله بعضنا مسالمات​

 

[ابوصالح]

ابوصالح بقولك سالفة واحد دز أهله يخطبون له
بعد ماردوا سأل خواته ها شلون البنت
قالت وحدة: ماشاءالله ساعة كاملة وإحنا نسولف وإهي مابطلت حلجها ولا كلمة

ضحك الشاب اللطيف وإبتسم وقال هذي أم إعيالي بالمستقبل خلاص حبيتها

قالت إخته الثانية: تدري ليش ماتكلمت أم إعيالك لأنها مشغولة بالجالاكسي
ولا تدري عنا

تغير شكل الولد بعد الإبتسامة قال:
بتزوجها وآخذ الجالاكسي وأعطيها النوكيا اللي بدرج السيارة

ههههه هلا بالماستر

ياخوي لاتروح بعيد .... هذا انا اخوك بوصالح .... من يوم حطت ام صالح ايفون واهي ماتعطيني وجهه هههههه

الضاهر انا ابي اصير بصف اخونا المشرف البديل واصير ضد الحريم واقول ارحل للحريم ههههه

بس المساكين وين يروحوون

بس تبي الصج

من ناحيتي انا فا بصراحه مرتاح تدري ليش

لان الواتساب هذا فكني من قرقرت ام صالح بالحيل هههههه

 

[AlBadel]

بس المساكين وين يروحوون

أحلف علي اللي باللون الأحمر
ولنا حجي ثاني ..................................؟؟

 

[ابوصالح]

:باكي:

للعلم ابوصالح ترى مو كل الحريم يتجسسون أو ينشغلون بالموبايل

بالعكس آنا أشوف إن الغالبية العظمى مهتمين بأمورهم العائلية

والحمدلله على كل حال

هلا بالماستر

الزوجات يحق لها ان تغار على زوجها وهذا شيء طبيعي وفي وقتنا الحاضر لان جميع اسباب الفتنه متوفره وخاصة النساء الحلوات والتجمعات وسهولة التواصل معهم وكثرت النساء المائلات والمميلات في الاسواق

انا نقلت هذا الفيديو للتحذير فقط من ناحية انتهاك المتجسسين لامورك الشخصيه ولمنعها عن الاخرين

 

[ابوصالح]

أصلا هالكائن المتواجد علي جغرافية الرجل بقوة وبلا منازع لا أوله بسم الله ولا أخره الحمدلله
لكن للجيره بعض الهفوات ................................؟؟

هههههه
اي والله خفف عليهم يالبديل

شدعوه عاد الى هذه الدرجه هههه

يمكن ماالومك على وحده او ثنتين بس مو كل كائنات الحريم عاد هههههه

بس بصراحه يالبديل ابي اقولك شيء

جغرافية الرجل هذي انا عاجبتني


خلاصة قولي

مالنا غير الحريم

الزوجات بعضهم جنة الرجل وبعضهم نار مشتعله على الرجل بالدنيا

ماتشوف شنو قال الشاعر

يابدر ياويلي منه وياويلي عليه ....

هذه القصيدة طويله وحلوه وقديمه ويغنونها فريسني وانا حاطها على اليوتيوب بعنوان ... يابدر منبوز الارداف سلم لي عليه

يا دافع البلا !

اذا الصوت يتسجل مابقى الا الصورة بعد !

لا حول ولا قوة الا بالله ..

عشان جذي يا معشر الرجال .. اذا تبون تسوون شئ

مثل هذا .. صارحوا زوجاتكم .. يعني انا عندي يزعلون عليكم

جم يوم ولا أنكم تتحرولون طول عمركم



بو صالح يعطيك العافيه
​

التجسس في وقتنا الحاضر صار على مستوى تجاري واسع الان

بالسابق كان محصور على الدول وبعدها على الصناعة والتجارة والشركات والان صار على مستوى الناس العاديين والله يستر

مافي احلى من الصراحه

 

[أبوطلال]

هذا التحذير لايشملنا نحن الازواج الماشين سيدا ​

اما الاخوة الازواج المغازلجية .مؤكد راحوا وطى ..
اللى خاشين تلفوناتهم فى دبة السيارة ..
خلاص يبه راحت عليكم مكشوفين ..​

هى :**تقف النسره بعد الاكتشاف الخطير وهى تتطمش على دبة سيارة ريلها
وتردد : حسبى الله عليك ياجليل الحياء مسوى دبة سيارته محل هواتف متنقلة !!!
اشى نوكيا واشى ايفون وجلاكسى .لا وحتى بو ليت عنده بعد ؟!!
هذا ممكن لزوم العيايز اللى مايعرفون للواتس والايفون .!!​

يقف بجانبها بخجل وهو يتصبب عرقا هو **:
الله يهداج يابنت الحلال لاتظنين السوء ان بعض الظن اثم .
.هذيل كلهم تلفونات ربعى مختربين وبصلحهم لهم .!!!..​

هى **تنظر له بغضب :وحضرتك صاير ورشة تصليح ؟؟!
بعض الظن اثم هاااا.!؟؟ الا انت الاثم بعينه وعلمه !!..طرااااااااااااااخ !!.......وتهفه بنوكيا .!!....
.ويطلق ساقيه للريح بالفريج ويهرب .!!وهى تنطلق خلفه وعبايتها ترفرف اشبه فى باتمان>>!!
.. و تحذفه بالهواتف ..حشا مو مره باتمان هالنسره !!​

فعلا اكتشاف وتجسس مو وقته .!!!
ولاتحذر يابو صالح ...خلاص الفاس طاح بالرأس .
وماينفع اللى غرق الونه والصيحه .!!​

 

[أمين أفندي]

هذا التحذير لايشملنا نحن الازواج الماشين سيدا ​

اما الاخوة الازواج المغازلجية .مؤكد راحوا وطى ..
اللى خاشين تلفوناتهم فى دبة السيارة ..
خلاص يبه راحت عليكم مكشوفين ..​

هى :**تقف النسره بعد الاكتشاف الخطير وهى تتطمش على دبة سيارة ريلها
وتردد : حسبى الله عليك ياجليل الحياء مسوى دبة سيارته محل هواتف متنقلة !!!
اشى نوكيا واشى ايفون وجلاكسى .لا وحتى بو ليت عنده بعد ؟!!
هذا ممكن لزوم العيايز اللى مايعرفون للواتس والايفون .!!​

يقف بجانبها بخجل وهو يتصبب عرقا هو **:
الله يهداج يابنت الحلال لاتظنين السوء ان بعض الظن اثم .
.هذيل كلهم تلفونات ربعى مختربين وبصلحهم لهم .!!!..​

هى **تنظر له بغضب :وحضرتك صاير ورشة تصليح ؟؟!
بعض الظن اثم هاااا.!؟؟ الا انت الاثم بعينه وعلمه !!..طرااااااااااااااخ !!.......وتهفه بنوكيا .!!....
.ويطلق ساقيه للريح بالفريج ويهرب .!!وهى تنطلق خلفه وعبايتها ترفرف اشبه فى باتمان>>!!
.. و تحذفه بالهواتف ..حشا مو مره باتمان هالنسره !!​

فعلا اكتشاف وتجسس مو وقته .!!!
ولاتحذر يابو صالح ...خلاص الفاس طاح بالرأس .
وماينفع اللى غرق الونه والصيحه .!!​

الجميل في المنتدى إن الإخوان ينقلون تجاربهم بكل أريحية
دون تحسس أو إحراج وخير مثال تجربة الذيب ابوطلال
والحلو طريقة وصف الموقف كأنه مشهد غير واقعي
ولكنه واقعي وهنا يكمن الفن في الوصف والتعبير

تحياتي لأخي أبا طلال

 

[أمين أفندي]

يا دافع البلا !

اذا الصوت يتسجل مابقى الا الصورة بعد !

لا حول ولا قوة الا بالله ..

عشان جذي يا معشر الرجال .. اذا تبون تسوون شئ

مثل هذا .. صارحوا زوجاتكم .. يعني انا عندي يزعلون عليكم

جم يوم ولا أنكم تتحرولون طول عمركم



بو صالح يعطيك العافيه
​

هلا باختنا الطيبة ام فواز

إذا المصارحة تكفي وتعفي من التحرول والإعاقة وباجي التهديدات
تأكدي بظهور ظاهرة بالمجتمع الرجالي وهي دكتور بالمصارحة وبروفسور بالمصارحة
وهات ياألقاب حتى الزميل البديل بغير نكه إلى الصريح

 

[سنـين التّيــــهـ..]

سلم لي على اللى يخافـوووووون...!!!

عااادي برد.و سلام اذا نويتوا...

بس انا ملاحظه اللي يقول بتزوج وبتزوج.. هذا ما عنده سالفه كلامن في كلااام..


بس الخـوف من السااااااكت .. اللي مايجيب طارى الزواج ...!


يتزوج ويجيب جم ولد وبعديييين يعلم ....

 

[أبوطلال]

الجميل في المنتدى إن الإخوان ينقلون تجاربهم بكل أريحية

دون تحسس أو إحراج وخير مثال تجربة الذيب ابوطلال

والحلو طريقة وصف الموقف كأنه مشهد غير واقعي
ولكنه واقعي وهنا يكمن الفن في الوصف والتعبير​

تحياتي لأخي أبا طلال ​

لايبه غلطان يالحبيب الماستر فلاى .المشهد غير واقعى !!

انا ماعندى قيمر وجبن معجف وبقصم و(دبة سيارة )..وهالسوالف ​

دبة السيارة قديمة و مكشوفة ...شغلى سكاتى فوق السطح

http://www.youtube.com/watch?v=87ewryXfeig​

؟:وردة:​

​

 

[أمين أفندي]

لايبه غلطان يالحبيب الماستر فلاى .المشهد غير واقعى !!

انا ماعندى قيمر وجبن معجف وبقصم و(دبة سيارة )..وهالسوالف ​

دبة السيارة قديمة و مكشوفة ...شغلى سكاتى فوق السطح

http://www.youtube.com/watch?v=87ewryXfeig​

؟:وردة:​

​

اللهم سكنهم يارب
توقعت طالعين إجازة برمضان
بعد العيد بعد العيد طال عمرك
قولهم باقي 5 أيام

 

[أبوطلال]

اللهم سكنهم يارب
توقعت طالعين إجازة برمضان
بعد العيد بعد العيد طال عمرك
قولهم باقي 5 أيام

لا ان شاء الله مايطلعون طوال السنة
يبه غشمرة ليكون تظن صج ...
اليوم اتغشمر وايد...انا ساعات اكتم ومالى خلق
وساعات افرفش واضحك خصوصا اذا حصلت سلف

تلاحظ زميلنا بو صالح اذا اقترب يوم 10 الشهر صرف رواتب المتقاعدين
تكثر فى مشاركاته الضحكة وكل شوى يحط ههههههههه بين الفينة والاخرى
نص الشهر بو صالح يكتم ابدا ولا ههههههههه موليه ..

اقول الماستر ماعندك سلف 40 دينار ... ​

 

[أمين أفندي]

لا ان شاء الله مايطلعون طوال السنة
يبه غشمرة ليكون تظن صج ...
اليوم اتغشمر وايد...انا ساعات اكتم ومالى خلق
وساعات افرفش واضحك خصوصا اذا حصلت سلف

تلاحظ زميلنا بو صالح اذا اقترب يوم 10 الشهر صرف رواتب المتقاعدين
تكثر فى مشاركاته الضحكة وكل شوى يحط ههههههههه بين الفينة والاخرى
نص الشهر بو صالح يكتم ابدا ولا ههههههههه موليه ..

اقول الماستر ماعندك سلف 40 دينار ... ​

تصدق أنا أفقد سوالف هالشويب يغط ويختفي فترة طلع نظامه جذيه
راح تشوفه يبدع بعد يومين معاشهم بدري وفي زيادة الله يزيدنا وياهم
دق عليه يسلفك
أنا بسافر 6 سنين