سؤال وجواب ركن السيارة تحت مظلات الجمعيه مؤقتا ؟

[تفاؤل عظيم]

السلام عليكم ورحمة الله وبركاته


اخواني حاليا قاعين يرممون البيت وماكو فيه مظله . فأضطر إني اصفط سيارتي تحت مظلة الجمعيه لأن فيها مظلات واجد , والجمعيه قريبة عند بيتنا

سؤالي هل على سيارتي خطر ؟ او مخالفه ؟

 

[تفاؤل عظيم]

قاعدين***********

 

[قبس]

نصيب وماتدري

مرا اخذت سيارة البيت واول ماطلعت من المنطقة انصلخ التاير
سفطت ورا المدرسة وقدام المدرسة بيتنا بيني وبين البيت ممر ورحت مشي واخذت سيارة ثانية
رديت العصر اشوفها لقيت السيارة مهشمة
الجام مكسر من كل الجهات
البدي مهشمينه بالطابوق الاسود الكبير
سقف السيارة كذلك

فكرت اشتكي وحسبتها لقيت ان الي حولي كلهم جيرانا

قلت اكيد المخربين احد من برا الفريج او برا المنطقة وموقادر احدد الفئة العمرية الي ممكن تسوي جذي

المقصد وانا اخوك ممكن تلقى السيارة بأمان الله وممكن تنباق التواير وممكن تتكسر السيارة
ماتدري

 

[S3d1987]

قبل. لاتسال خطر ولا لا اسال حرام ولا حلال

 

[أبو راكان123]

اذا تحركها كل يوم ان شاء الله ما عليها خوف اما اذا بتتركها واقفه أيام طويله فانتبه قد تكون هدف للسرقه من عديمي الضمائر والذمه

 

[Desert Eagle]

قبل لا تتركها ، استودعها الله الذي لا تضيع ودائعه

وغير هذا حاول تروح وتحركها يوميا عشان ما تكون هدف للسرقة

 

[المهذب]

اذا السيارة غالية خلها عند بيتكم
واذا السيارة عادية ..حطها باى مظله بس الافضل انك تركنها في مكان قريب من الجمعية بس مو مقابل مدخل الجمعية
عشان ما يطلطل عليها الداخل والخارج من الجمعية ..ويفضل انك تحشرها بين السيارات
يعني ما تعزلها بعيد علشان الحرامي ما يستفرد فيها ههههه...​

 

[اقوش]

ماعليك الا العافيه

واللي يقول اسال حرام ولا حلال
هنا نسال اداره الجمعيه حلال يوم حطيتوها ولا حرام
يعني الواحد بيروح للجمعيه بيقعد اسبوع فيها كلها اقل من نص ساعه وطالع لبيتهم
والاداره تاخذ من اموال المساهمين واتسوي مظلات قيمتها تفوق ال 70 الف دينار
شكرا

 

[مساعد الشويب]

ابد عن الشر وغنيله ودورلك مكان ثاني

 

[OO7]

نسيبي أوقف سيارته في مواقف الجمعيه لمدة أيام ، فتم توجيه إنذار له مرتين من الإداره فسحبت سيارته الإداره العامه للمرور وحجزتها في ميناء عبدالله وأخرجها بغرامه لا أذكر كم قيمتها .

علماً بأنه يركن سيارته في وقت الظهيره فقط .