سؤال وجواب كتب من مصر و سالفة البريد

[مطمئن]

مرحبا....

كيف الحال؟ أتمنى ممن لديه خبره أن يفيدني جزاكم الله خير...

أتصلت على شخص مصري أعرفه في مصر وطلبت منه كتابين من كتب التاريخ المصري.... و طلبت منه أن يرسلها للكويت بال DHL وأدزله أنا سعر الكتب و الشحن....

راح الله يسامحه دز الكتب عن طريق البريد المصري الحكومي للبريد الكويتي الحكومي! و خجته أنه أرخص!

قلتله بالله عليك شلون؟ قالي عادي البريد الكويتي حيوصل الكتب لباب بيتك! قلتله أحلف؟!

ياجماعه طلبت منه أنه يرجع ياخذ الكتب ويرد يدزهم دي اتش ال وراح....بس قالوله شحناهم خلاص...

الحل؟أحد الأصدقاء طلب كتب من أمريكا من فتره 3 سنوات والموقع اللي طلب منه أصر انه يتعامل مع البريد الأمريكي بس... و الكتب ضاعوا بالبريد الكويتي مرتين.... البريد الكويتي مقبره ما يطلع منه شي... أنا عارف

شالحل ياجماعه؟ الحبيب داز الكتب وكاتب عنوان بيتي....وين أحصلهم!؟ أي بريد و أي بطيخ...

نرجوا المساعده ممن لديهم تجارب مماثله! قايله دز بال دي أتش أل الله يهداه...

:وردة:

 

[أمين أفندي]

إن شاءالله راح تستلمهم من مكتب بريد كيفان بالسرداب
وإذا حاط رقم تلفونك يتصلون عليك أول مايوصلون
آنا متعود أستلم بريد من قطر مدة وصوله اسبوعين إذا تأخر
عاد اللي من مصر يمكن أكثر شوي والله أعلم

 

[المأثور]

اسأله اي بريد استخدم العادي أو الممتاز واهم شئ رقم تلفونك يكون كاتبه بالعنوان على الطرد

البريد العادي يكون البريد الموجود بمنطقتك ( اذا المرسل مو كاتب رقم تلفونك على الطرد بلغ البريد انك تنتظر طرد وعطهم رقم تلفونك والبيانات المذكورة على الطرد)

الممتاز بريد كيفان

 

[مطمئن]

الماستر فلاي + المأثور مشكورين وجزاكم الله خير

وبتأكد أن كان بريد عادي أو ممتاز

شكرا...

 

[JustSmile]

السلام عليكم ،،

للاسف البريد الكويتي ،، مع الاسف

انا طالب اكثر من مرة ، من الصين واستراليا

والمشكله ان البريد يرجع للمرسل بعد شهرين ويتصل فيني ويرد لي فلوس

اااااه والف ااااه على التسيب اللي شفته بمبنى البريد في الشحن الجوي

يمكن ايام البريد في عهد عمر بن الخطاب كانت اسرع واسهل


ومع ذلك ممكن توصل لانه في ناس يتصلون عليهم كيفان ويستلمون الطرود من هناك
التحليل الخاص لي انه حسب الشفت اللي يستلم بريدك
ناس تطنش وناس تتصل

 

[FaHo0D]

من تجربة واليوم كانت التجربة
البريد من الصين وامريكا عليه تأخيرات من جمارك الكويت مو من البريد نفسه!
اما الدول الاخرى يوصل بسرعه ويخلصونه بسرعه طبعا قول حق الي بعثلك الارسالية يعطيك رقم
Tracking Number ووتبع الشحنه متى ماوصلت الكويت روح دايركت المطار البريد مناك بالدور الاول تعطيه التراكينغ يقولك وين راح اذا ماكان عنده

بس الافضل تنطره لين مايدقون عليك وانا دقو عليك بس بشرط انه هذاك حاط رقم تلفونك وعنوانك واذا كان بريد عادي رح تستلمه من بريد منطقتكم وانا توني راد من ساعة مستلم شحنتين لي من الصين عبر البريد العادي المسجل
تأكد اذا مو مسجل رح تضيع لو ردوه المطار لارساله مره اخرى للمرسل