شوف طال عمرك الكهرباء والماء ماتنقطع في ديرتك لكن في الأمارات الدفع شهري ولا تنقطع وبعدين بخصوص انك تقارن الأمارات في سنغافوره لاياحبيبي غلطان
اكد معهد التمويل الدولي ان الكويت حلت في المركز الثاني عربياً بعد قطر بالنسبة لدخل الفرد بمتوسط 45 الف دولار في العام، كما حلت في المرتبة السادسة عربياً من حيث اكبر الاقتصادات بـ178 مليار دولار، وقدرت دراسة متخصصة دين الحكومة الكويتية عند 4٪ من مجمل الانتاج العام، وتقدر الاصول المالية للحكومة الكويتية التي منها استثمارات صندوقين تابعين للدولة بـ 190٪ من مجمل الانتاج العام، ويشهد ميزان المدفوعات في الكويت فائضاً منذ عام 1975 باستثناء سنتين فقط عقب الغزو العراقي، ومن المتوقع ان يبقى فائض الحساب الجاري وفيرا بنسبة 70٪ من الناتج المحلي لعام 2013 بما يعزز موقع البلاد ماليا.
في الامارات في سلم رواتب وحده لجميع الامارات وتتميز اماره عن اخرى بدعم لمواطنيهم
بس بشكل عام
متوسط الرواتب عندهم 20000 الف درهم
ياخذون علاوه ابناء 500 درهم على ما اعتقد وقبل ثلاث سنوات كانت 350 درهم
عندهم منحه وقرض زواج ضعف اللي انت تاخذه
وعندهم علاوه زوجيه
تامين صحي في اغلب وزارات الدوله
وازيدك تدري اذا الاماراتي صار مريض باي دوله بالعالم ما عليه اللي يروح المستشفى وياخذ فواتيره ويستلم فلوسه من السفاره والكويتين ان صار لهم مشكله راحوا السفاره السعوديه
من يكمل عمره 18 سنه يخصص له ارض واول ما يتزوج يبني
يعطونه قرض اسكاني اقل من الكويت بشي بسيط
وللعلم الارض في الشارقه1600 متر وفي دبي 1500 الى 2000 وفي ابوظبي 2000 وانت طالع
بالنسبه للكهرباء والماء دفع مسبق يعني تعبي رصيد يكون عندك كهرباء وماء
وبالكويت تتوقع ببلاش يعني
الغلا في البنزين اتفق معاك
بتقول سالك ورسوم على الطرقات تقدر تاخذ شارع ماعليه رسوم
ومن زين شوارعنا علشان تقارن الامارات بالكويت
شوف الاساسيات اللي عندهم من صحه وتعليم واسكان
اخذ جوله في مجمع محاكم دبي او الشارقه راح تعرف الناس اشلون متطوره ويقللون المجهود عليك لتخليص معاملاتك
اهني تروح تدفع مخالفه بالاحمدي يقولك روح العاصمه تقول دوله داخل دوله
ترى يوم نقعد ونشوف الفساد مستشري ونتكلم مو معناه ما نحب ديرتنا
بس لا نظلم الناس اللي تشتغل مثل الامارات وقطر وحكومتنا صفر عندهم
ملحوظه اهلي اغلبهم اماراتيين
وشاكرلك ردك وسعت صدرك
.jpg)