الـدوامـات ... طرائف وقصص ومواقف تبط الجبد... تعالو نفضفض ونتناقش ونذكر مواقف حصلت....

[أم فواز]

روائي
مشاركتك الأخيرة اللي تقول انك لابس بنطلون مثل الطلاب متروسة أخطاء إملائية :باكي: :باكي:

لو انت طالب عندي جان اقعدك في الصف حصة ثامنة

 

[أم فواز]

ربيانة انتي فله :قلب:

لحظة لا تروحون دقايق بس واقول لكم موقف
صار لي قبل طعش سنه

 

[إسمچ تاج عالروس ياگويت]

انه وايد أقل بدليات ابي حل فزاعه

 

[أم فواز]

هذي السالفه اللي بقولها صار لها اكثر من ١٠ سنوات .. بس محفورة بمخي اسم الله علي
..
بحكم وظيفتي الا وهي الترجمة .. كنت أترجم عقود الزواج الخاصة بالأجانب .. وطبعا الأجانب اغلبهم مسيحيين وكان لازم اذا يبون يتزوجون يجيبون معاهم ٢ شهود ..
هذاك اليوم المهبب .. وصل المعرس والعروس عشان يتممون إجراءات الزواج .. وانا طبعا أترجم لهم الكلام اللي يقوله لهم موثق الزواج
يعني مثلا ؛ يقول الموثق للزوج : زوجّتك نفسي وترد الزوجة : قبلت الزواج منك
وطبعا كله بالانجليزي يرددون وراي ..
لحد آلان كل شي اوكي صح !،
اللي صار ان اول ما خلصنا إجراءات الزواج وقلت لهم انا : مبروووووك .. ما وعيت الا أخونا المعرس خمط العروس وقام يبوسها جدام الله وخلقه :باكي:
يالحبيب وين قاعدين نووووو مايصير

*** لحظة شوي واكمل لكم .. ظرف طارئ !!!

 

[إسمچ تاج عالروس ياگويت]

وناسه ههه

 

[خجـل]

مواقفكم عجيبه ..:إستحسان:

:وردة:​

 

[روائي]

روائي
مشاركتك الأخيرة اللي تقول انك لابس بنطلون مثل الطلاب متروسة أخطاء إملائية :باكي: :باكي:

لو انت طالب عندي جان اقعدك في الصف حصة ثامنة

هههههههه الايفون مشكله اكتب وانا احوس بالسوق لول طوفولي

 

[أم فواز]

نكمل ..

الله يذكرك بالخير يالموثق .. اعتقد هذاك اليوم صوته انبح وهو يقول لهم : نوووووووووووووووو نوت هير هههههه

طبعا انا وين تلقوني ههههه .. ما قدرت اتصرف يا ربي زوج وزوجته شلون امنعهم ؟
ما وعيت الا الموثق يصرخ من قمة راسه : شنو هذا ؟ وين قاعدين
قوليلهم ما يجوز .. مايصير هذا اسلاميك كنتري :باكي:

الحين مو جذي .. على صراخه تيمعّوا الاوادم .. مراجعين وفراشين ومراسلين ..
عاد يوم فطن الامريكي ان الوضع مو طبيعي جان يقول : وات هابن ؟ what happen
بكل برود ولا كأنه مسوي شي ..

قام الموثق وقالهم : نو نوت هير .. اوتسايد
ههههههه ضحكت عليه والله .. يعني الحين مايصير يبوسها اهني .. بس يصير برة جدام خلق الله ؟

المهم قال لي الموثق حاجيهم رطني عليهم ونبهيهم مايصير هالاشياء هني عندنا ..
عاد اشعقبه
جود أهما قضوا وخلصوا وشبعوا .. ويادار ما دخلك شر
كلمتهم وقلتلهم ما يصير تتباوسون اهني .. هذا مكان عام مو برايفت
اخذ زوجتك ويالله في امان الله ..
طبعا الناس اللي برة يطلطلون من دريشة المكتب خذتهم البوهة
مالحقوا على سينمات أول

والله كان موقف لا نحسد عليه .. لا الموثق ولا انا ..
بس الحمدلله طاف على خير ..
وبس سلامتكم .

 

[روائي]

نكمل ..

الله يذكرك بالخير يالموثق .. اعتقد هذاك اليوم صوته انبح وهو يقول لهم : نوووووووووووووووو نوت هير هههههه

طبعا انا وين تلقوني ههههه .. ما قدرت اتصرف يا ربي زوج وزوجته شلون امنعهم ؟
ما وعيت الا الموثق يصرخ من قمة راسه : شنو هذا ؟ وين قاعدين
قوليلهم ما يجوز .. مايصير هذا اسلاميك كنتري :باكي:

الحين مو جذي .. على صراخه تيمعّوا الاوادم .. مراجعين وفراشين ومراسلين ..
عاد يوم فطن الامريكي ان الوضع مو طبيعي جان يقول : وات هابن ؟ what happen
بكل برود ولا كأنه مسوي شي ..

قام الموثق وقالهم : نو نوت هير .. اوتسايد
ههههههه ضحكت عليه والله .. يعني الحين مايصير يبوسها اهني .. بس يصير برة جدام خلق الله ؟

المهم قال لي الموثق حاجيهم رطني عليهم ونبهيهم مايصير هالاشياء هني عندنا ..
عاد اشعقبه
جود أهما قضوا وخلصوا وشبعوا .. ويادار ما دخلك شر
كلمتهم وقلتلهم ما يصير تتباوسون اهني .. هذا مكان عام مو برايفت
اخذ زوجتك ويالله في امان الله ..
طبعا الناس اللي برة يطلطلون من دريشة المكتب خذتهم البوهة
مالحقوا على سينمات أول

والله كان موقف لا نحسد عليه .. لا الموثق ولا انا ..
بس الحمدلله طاف على خير ..
وبس سلامتكم .

كااااااااااااااك عادي فري كويت

 

[روائي]

في احد الايام كنت اسولف مع زميل قرقه بالدوام وقت توزيع الشهايد عالطلاب ماشاء الله مايسكت وكل ما بغيت اتكلم ماني قادر صار كلامي مقطع مثل المونتاج خخخ شوي ابجي ابي اسولف تكفه :باكي:

المهم حمقت عليه قلتله ممكن اقول شغله؟ قال اي بس خل اكملك السالفه قلتله يوووووووووووو اسكت شوي بتكلم وهو يسولف ويسولف موهامه المهم دقيت على حد تلفون وقمت اسولف معاه >> يعني اسكت مو فاضي اسمعك ... وانا اسولف مع صاحبي فتحنا موضوع جان يدش عرض الحبيب ويسولف وتمينا انا واللي عالخط ساكتين !
المهم سديت الخط ودزيتله واتس اب قلتله ماعليه اسمحلي شوي واكلمك على ماخلص من هالبلوه اللي طاحت على راسي .. انا اشوف الكل اعتذر عن التكليف يوم درو انه معانا
ومن ساعه 8 الصبح لي 2 راسي صار تلفزيون 60 بوصه من كثر السوالف دخت قمت بطلع جان يقول اقعد شوي انا نص ساعه وبمش خل نسولف قلتله وين اسولف ؟ انت ماتعطي حد مجال يشاركك النقاش بذمتك ماتعبت؟ جان يضحك >> قلت بقلبي ضحكت من سرك بلا طلعتلي قرون :باكي:
المهم دشت ام احد الطلاب وتوجهت له وطلبت شهاددة ولدها وعلى ماطلعلها وشرح لها تقسيم الدرجات قمت تسحبت شوي شوي .. وطلعت وانا عند الباب واسمعه يناديني جان اقول للحارس اقفل الباب لاتبطله ليما انحاش لوووول وانا بالسياره شباب طقو جام سيارتي يقولون لي نبي شهايدنا قلت لهم ماكو يلا يلا يلا وخروو بنحاش خخخخ وانا راد قري شفته بالمنظره ياي عندي وجني ماشفته فركتها وانحشت ........................

 

[روائي]

من المواقف الطريفه وانا ارتب المكتبه مالتي كالعاده الصبح خصوصا بعد مايكون قبلها بيوم زياراة من الطلاب المهم كانت في ورقه عالارض مانتبهت لها وانا ماشي جان اتزحلق فيها واطيح على راسي :باكي:
تميت منسدح عالارض واطالع فوق وسرحت شوي نسيت اني طايح لووول ودش بعض الزملاء يسلمون مالقو احد اطلعو ودش واحد وصل لي نص المكتبه كان يدورني مالقاني وانا مستلقي عالارض واشوف ريوله من تحت الطاولات جان يدق علي ويرن جهازي بجيبي جان يجكوني

 

[ياسين الحساوي]

كنا نعمل بالديوان الأميرى وكانت مكاتبنا بجانب مجلس الشيخ صباح السالم رحمه الله
ولأنه دائما يستقبل زواره بمجلسه فى الصباح من السابعة إلى الثامنة قبل أن ينتقل إلى مكتبه الرسمى
كنا نغلق أبواب مكاتبنا عند تواجده مع ضيوفه..ونخفض من أصواتنا إلى أن ينفض المجلس
فاتفقنا مع صاحب مطعم قريب أن يأتى بفطورنا الساعة التاسعة من كل يوم..فول ..حمص..فلافل..طرشى ..بصل
وكل ما تشتهى النفس..
وذات يوم ولأول مرة طالت الجلسة لوجود أحد المميزين فى شعر النبط الذى يعشقه سمو الأمير إلى ما بعد التاسعة

دخل إلى الصالة عامل المطعم حاملا صينية الفطور وسار طويلا أمام الشيخ وزواره ليصل إلى مكتبى ويسلم الأمانة

بعد ساعات حضر إلينا الأستاذ الفاضل ابراهيم الشطى رئيس التشريفات ذلك الوقت..وسألنا:
ماسم المطعم الذى لطعامه تلك الروائح الشهية التى استنشقها الأمير..!!؟؟
طبعا شعرنا بأنه يؤنبنا ولكن كعادته لايشعرنا بالغضب..وقال:افطروا ببيوتكم أو خارج الديوان..فماذا سيقول عنا إن حضر ضيف مهم

لم نعى قوله جيدا ولكن فهمنا أننا وقت الفطور نخرج للمطعم..كى لانحرج الأمير وضيوفه
فرصة
​

 

[روائي]

تسلم عالمشاركه استاذ ياسين فعلا موقف محرج ههههههه

 

[روائي]

توه صار فيني موقف بايخ جدا
كنت اسوي ملفات المدير واصنفهم المهم لما خلصت .. كان عامل البوفيه حاط قلاصات ماي يمي عالغنفه مانتبهت لهم يوم رديت الفايلات بالرف رديت مكاني قعدت جان ينكت الماي كله علي غرقت ومن غبائي ياي بشيا القلاصات مره وحده بالغلط قلاص كان فيه ماي قلبته على قميصي خخخخ يعني تسبحت بهدومي .... وتميت قاعد ماقمت عاد ينادوني يقولولي تعال اقولهم بعدين منحرج ملابسي مبلله مثل الياهل وبنطلوني من ورا وجدام غارق ماي خفت يطيحون فيني ضغاط ههههههه عاد صرت مثل مستر بين واقف يم المروحه انشف ملابسي شوي اروح عند لوحة الاعلانات مافيها الا اورقه وحده سطرين متنح جدامها ههههه المهم يوم فضى الممر قبيت المكتب وقفلت الباب وقعدت وكاني قاعد انقلكم وناطر التوقيع بس يروحون اطلع انا هههههههههه

 

[روائي]

ههه اشوه ماي موشي ثاني،،،طهور ان شاء الله طلال

ههههه تحلفت بالعامل بقلب تب ماي على راسه باجر

 

[روائي]

تيكت ايزي

لا ماكو انا رايح محل العاب بشتري مسدس ماي كبير ههههههه

 

[أم فواز]

روائي مواقفك عجيبة .. خاصة مالت صاحبك القرقة .. امبيه شلون تحملته

 

[روائي]

روائي مواقفك عجيبة .. خاصة مالت صاحبك القرقة .. امبيه شلون تحملته

هههههههه عندي طولت بال تستوعب حالات اصعب من جذي.

 

[روائي]

اليوم اول يوم دوامات مدارس زحمه رهيبه سيارات فوق بعض ويطلع عبدالقتاح يستعبط ويتفلسف على ولا شي كله جذب ونفاق اعلامي !!
شاد حيله بالعطله وقت ما الناس في اجازه ومسافرين
وينك اليوم؟ اقسم بالله ولا سياره دوريه شفت!!
والطرقات مزدحمه ويهال يسوقون سيارات ويدخنون ...!
وينه رامبو الكويت عبدالفتاح حملات تفتيش بس شاطرين يوم الجمعه الناس طالعه تستانس
وينك اليوم المفروض يكون فيه تواجد بشكل اكبر
حتى اسعارف المفروض تكون على كتف الطريق كل شي ممكن الحدوث
اليوم اول يوم الله يستر من الايام القادمه الواحد مايدري متى يطلع من بيتهم اذا انا ست ونص بالخط وازدحام شكلي بحطلي سرير بالدوام او باجر غرفه من البيوت اللي حوالين دوامي!! ابرك

 

[أم فواز]

زحمة
وليلحين ما فجّـت !
عاد انا ليلحين ما طلعت من البيت على أساس تخف الزحمة
امممممم .. شكلي برجع أنام