سؤال وجواب هل يجوز الدراسه في جامعه الكويت مرتين ؟؟؟

يا جماعه

في واحد من الربع متخرج من الثانويه العامه سنه 2004 ودرس بالتطبيقي كليه التجاري ( اسمها كليه الدراسات التجاريه ) وتخرج منها واشتغل وقبل جم سنه عاد رابعه ثانوي وجاب نسبه وقدم عالتطبيقي مره ثانيه بشهاده اليديده وقبلوه كليه التربيه الاساسيه وحاليا قاعد يدرس فيها؟؟

هل هالسالفه تصير بالنسبه للي تخرج من جامعه الكويت من قبل ويبي يعيد رابعه ثانوي ويتخرج بشهاده جديده ويقدم عليها مره ثانيه ويدرس تخصص ثاني فيها ؟؟؟

لان اللي اعرفه الدراسه بكليات جامعه الكويت او ( كليات التطبيقي وليس معاهد التدريب ب التطبيقي مثل معهد الطاقه او الاتصالات والملاحه ) ل مره واحد بس ؟

وصاحبنا متخرج من ( كليه الدراسات التجاريه مو معهد ) والحين يدرس بكليه ثانيه ( كليه التربيه الاساسيه ) بالتطبيقي ,, شلوون؟؟

هل الحصول على شهاده ثانويه جديده تسمح لك بالدراسه مره اخرى في الجامعه او التطبيقي بتخصص جديد مع العلم انك متخرج من احدى هاتين الاثنين بشهاده الثانويه القديمه مالتك ؟؟
 

روائي

عضو مميز
اي اخوي تصير عادي فانت بتصير محسوب عالدفع الجديده فعادي تدش مو مهم العمر اذكر كان معانا ناس عمرهم ٤٧ و٤٤ بالكليه معانا قدمو وتخرجو
بس انهم عادو دراسة الثانوية وغير اللي اخذ تفرغ :)
 
على كلامك اخوي يعني بالنسبه لي انا متخرج من كليه الحقوق من جامعه الكويت سنه 2008

اقدر لو اعيد الثانويه هالسنه واجيب معدل مع التخصص المكافئ ادخل كليه الهندسه وادرس فيها ؟؟
 

روائي

عضو مميز
اذا كنت ادبي تعيد سنه رابعه
لكن اذا ادبي وبتصير علمي لازم تعيد ١١و١٢

وموفق حبوب وانا اخوك اي سؤال حاضر
 
ما تقصر اخوي روائي

بس اذا ممكن تحملني عشان ابي افهمها عدل

الحين انا متخرج من الحقوق من جامعه الكويت سنه 2008

متخرج من الثانويه العامه علمي اساسا بنسبه 86,8% سنه 2003

الحين لو اعيد رابعه ثانوي هالسنه واجيب نسبه تدخلني كليه الهندسه بجامعه الكويت

جامعه الكويت راح تقبلني ,, او بتقول انت متخرج عندنا من كليه الحقوق اساسا ف ما يصير ؟؟

شنو وضعي وقتها ؟

يصير ادرس الهندسه بشهاده الثانويه الجديده ,, او ما يصير لاني اساسا متخرج من جامعه الكويت بغض النظر اذا شهاده قديمه او جديده ما يصير؟؟
 

روائي

عضو مميز
لاماله شغل يصير اصلا تدرس برنامجين بكالوريوس بوقت واحد لعلمك يعني :)

فماكو اشكال بس شد حيلك وييب نسبه قويه تدخلك على طول
 

A_n_h_91

عضو جديد
اذا كنت ادبي تعيد سنه رابعه
لكن اذا ادبي وبتصير علمي لازم تعيد ١١و١٢

وموفق حبوب وانا اخوك اي سؤال حاضر


واذا انا طالبه مفصوله وابي اعيد رابعه ثانوي يقبلوني ولا لا
للعلم انا علمي اقدر اعيد ادبي ؟؟؟
 

روائي

عضو مميز
واذا انا طالبه مفصوله وابي اعيد رابعه ثانوي يقبلوني ولا لا
للعلم انا علمي اقدر اعيد ادبي ؟؟؟
على حسب العمر اكيد
فوق 21 مسائي على طول
اذا تحت يقبلون عادي
ولاقدر الله فصل نهائي المسائي عادي يقبلون دايركت بس لحقو عالتسجيل
 

A_n_h_91

عضو جديد
على حسب العمر اكيد
فوق 21 مسائي على طول
اذا تحت يقبلون عادي
ولاقدر الله فصل نهائي المسائي عادي يقبلون دايركت بس لحقو عالتسجيل
يعني اذا قدمت على الادبي مسائي وجبت النسبه وقدمت على جامعه الكويت تقبلني ؟؟!!!
 

روائي

عضو مميز
انا قصدي اني طالبه مفصوله من جامعه الكويت اقدر اعيد الثانوي ادبي وادخلها مره ثانيه
ماعرف سياسة الجامعه في مثل هالامور لكن لو في التطبيقي اقد افيدج اكثر :)
يفضل تسالين عمادة التسجيل والقبول بالجامعه قبل ان تقدمي على هالخطوه حرام تخسرين سنه من عمرج بدون فايده فاراجعيهم
وسالي اذا ممكن ادش كليه التربيه تطبيقي واييب نسبه واحول جامعه يمكن تصير هالطريقه بجذي ماتكونين خسرتي شي
 

A_n_h_91

عضو جديد
ما تقصر اخوي روائي

بس اذا ممكن تحملني عشان ابي افهمها عدل

الحين انا متخرج من الحقوق من جامعه الكويت سنه 2008

متخرج من الثانويه العامه علمي اساسا بنسبه 86,8% سنه 2003

الحين لو اعيد رابعه ثانوي هالسنه واجيب نسبه تدخلني كليه الهندسه بجامعه الكويت

جامعه الكويت راح تقبلني ,, او بتقول انت متخرج عندنا من كليه الحقوق اساسا ف ما يصير ؟؟

شنو وضعي وقتها ؟

يصير ادرس الهندسه بشهاده الثانويه الجديده ,, او ما يصير لاني اساسا متخرج من جامعه الكويت بغض النظر اذا شهاده قديمه او جديده ما يصير؟؟



اخ قانوني اذا انا مفصوله من جامعه الكويت اققدر اعيد الثانويه العامه واسجل فيها مره ثانيه
 
أعلى